କେପ୍ ଟାଉନ,୧୨।୧: ନ୍ୟୁଲାଣ୍ଡ୍ସରେ ଚାଲିଥିବା ତୃତୀୟ ତଥା ନିର୍ଣ୍ଣାୟକ ଟେଷ୍ଟର ପ୍ରଥମ ଇନିଂସରେ ୫ ଉଇକେଟ ସଫଳତା ହାସଲ କରିଛନ୍ତି ଯଶପ୍ରୀତ ବୁମରା। ଏହା ତାଙ୍କ ଟେଷ୍ଟ କ୍ୟାରିୟରର ୭ମ ୫ ଉଇକେଟ ସଫଳତା। ଅତିକମ୍ରେ ୨୭ଟି ଟେଷ୍ଟ ଖେଳିଥିବା ଭାରତୀୟ ପେସରଙ୍କ ମଧ୍ୟରେ ଏହା ମିଳିତ ସର୍ବାଧିକ ୫ ଉଇକେଟ ସଫଳତା। ବୁମରାଙ୍କ ଭଳି କିମ୍ବଦନ୍ତୀ ଅଲରାଉଣ୍ଡର କପିଳ ଦେବ ଓ ଇର୍ଫାନ ପଠାନ କ୍ୟାରିୟରର ପ୍ରଥମ ୨୭ ମ୍ୟାଚ୍ ମଧ୍ୟରେ ୭ଥର ହିଁ ୫ ଉଇକେଟ ସଫଳତା ହାସଲ କରିପାରେ ଥିଲେ। ତେବେ ୧୩୧ ଟେଷ୍ଟ ଖେଳିଥିବା ୧୯୮୩ ବିଶ୍ୱକପ୍ ଚାମ୍ପିୟନ ଦଳର ଅଧିନାୟକ କପିଳ ପୂରା କ୍ୟାରିୟରରେ ୨୩ ଥର ଗୋଟିଏ ଇନିଂସରେ ୫ ଉଇକେଟ ହାତେଇଥିଲେ। ଅନ୍ୟପକ୍ଷରେ ୨୯ଟି ଟେଷ୍ଟ ଖେଳିଥିବା ଇର୍ଫାନଙ୍କ କ୍ୟାରିୟରରେ ୭ଟି ହିଁ ୫ ଉଇକେଟ ସଫଳତା ଥିଲା।
