ଓ୍ବାଶିଂଟନ୍,୭।୯: ପ୍ରାୟ ୫୦ବର୍ଷ ପୂର୍ବେ ମଙ୍ଗଳ ଗ୍ରହରେ ନାସା ଜୀବସତ୍ତାର ସନ୍ଧାନ ପାଇଥିଲା କିନ୍ତୁ ତାହା କଣ ବୁଝିବା ପୂର୍ବରୁ ତାକୁ ହତ୍ୟା କରିଥାଇପାରେ ବୋଲି ଜଣେ ବୈଜ୍ଞାନିକ ଦାବି କରିଛନ୍ତି। ତେବେ ଏହି ଦାବି ଉପରେ ଅନ୍ୟ ବିଶେଷଜ୍ଞଙ୍କ ମତ ଭିନ୍ନ ରହିଛି। ଏହି ନୂଆ ଦାବି ଏକ କଳ୍ପନା ଭାବରେ ବିବେଚନା କରାଯାଉଛି। ବର୍ଲିନର ବୈଷୟିକ ବିଶ୍ୱବିଦ୍ୟାଳୟର ଜ୍ୟୋର୍ତିବିଜ୍ଞାନୀ ଡର୍କ ଶୁଲଜ-ମକୁଚ ଏକ ଆର୍ଟିକିଲରେ କହିଛନ୍ତି, ୧୯୭୬ମସିହାରେ ନାସାର ଭାଇକିଙ୍ଗ୍ ଲ୍ୟାଣ୍ଡର ଲାଲ୍ ଗ୍ରହରେ ଅବତରଣ କରିବା ପରେ ସେଠାରେ ଥିବା ପଥର ଭିତରେ ଛୋଟ, ଶୁଷ୍କ ପ୍ରତିରୋଧୀ ଜୀବସତ୍ତାର ନମୁନା ମିଳିଥାଇପାରେ।
ସେ ଆଲେଖ୍ୟରେ କହିଛନ୍ତି, ଏହି ଜୀବସତ୍ତା ମଙ୍ଗଳରେ ବିଦ୍ୟମାନ ଥିଲେ ମଧ୍ୟ ଲ୍ୟାଣ୍ଡର ସେଗୁଡିକୁ ଗବେଷଣା ମାଧ୍ୟମରେ ହତ୍ୟା କରିଦେଇଥାଇପାରେ। ଏହି ପରୀକ୍ଷଣରେ ଯେକୌଣସି ପ୍ରକାରର ମାଇକ୍ରୋବ ମରିଯାଇଥାଏ। କିଛିଜଣ ଏହାକୁ ନାପସନ୍ଦ କରିଥାଇ ପାରନ୍ତି। ଏହି ସମାନ ମାଇକ୍ରୋବ ଜୀବ ପୃଥିବୀରେ ମଧ୍ୟ ବାସ କରନ୍ତି ଯେପରି ଲାଲ୍ ଗ୍ରହରେ ଅଛନ୍ତି। ନାସା ମଙ୍ଗଳରେ ଭାଇକିଙ୍ଗ୍ ନାମରେ ନାମକ ଦୁଇଟି ଲ୍ୟାଣ୍ଡର୍ ଅବତରଣ କରିଥିଲା। ପ୍ରତ୍ୟେକର ନିଜସ୍ବ ଲ୍ୟାବ ଥିଲା।
ମଙ୍ଗଳ ଗ୍ରହରେ ଚାରୋଟି ପରୀକ୍ଷଣ କରାଯାଇଥିଲା। ଯେଉଁଥିରେ ମାଟିର ନମୁନା ନିଆଯାଇଥିଲା। ଭାଇକିଙ୍ଗ୍ର ପରୀକ୍ଷଣର ଫଳାଫଳ ଅତ୍ୟନ୍ତ ବିଭ୍ରାନ୍ତିକର ଥିଲା ଯାହା ଅନେକ ବୈଜ୍ଞାନିକଙ୍କୁ ଏବେ ବି ଦ୍ୱନ୍ଦ୍ୱରେ ପକାଇଛି। ପରୀକ୍ଷଣରେ କିଛି ଗ୍ୟାସର ସାନ୍ଧ୍ରତା ଦ୍ୱାରା ମେଟାବୋଲଜିମର ସଙ୍କେତ ମିଳିଥିଲା। ଯାହା ଜୀବନ ଥିବାର ଏକ ବଡ଼ ସଙ୍କେତ ଅଟେ। ପରୀକ୍ଷଣ ସମୟରେ କ୍ଲୋରିନଯୁକ୍ତ କାର୍ବନିକ ଥିବାର କିଛି ଚିହ୍ନ ମଧ୍ୟ ମିଳିଥିଲା। କିନ୍ତୁ ସେତେବେଳେ ବୈଜ୍ଞାନିକମାନେ ବିଶ୍ୱାସ କରୁଥିଲେ ଯେ, ଏହି କେମିକାଲ ସଫା କରିବା ପାଇଁ ପୃଥିବୀରୁ ଆସିଛି। କିନ୍ତୁ ପରେ ଲ୍ୟାଣ୍ଡର ଓ ରୋଭର ପ୍ରମାଣ କଲେ ଯେ ଏହି କେମିକାଲ ପ୍ରାକୃତିକ ଭାବରେ ମଙ୍ଗଳ ଗ୍ରହରେ ଅଛି।
ପୃଥିବୀ ଏକ ଜଳୀୟ ଗ୍ରହ ହୋଇଥିବାରୁ ଏହା ଯୁକ୍ତିଯୁକ୍ତ ଯେ ଯଦି ମଙ୍ଗଳରେ ପାଣି ଥାଏ, ତେବେ ସେଠାରେ ମଧ୍ୟ ଜୀବନ ସୃଷ୍ଟି ହେବାର ସମ୍ଭାବନା ରହିଛି। ତଥାପି, ସମ୍ଭାବନା ଦୃଷ୍ଟିକୋଣରୁ ଏହା ଏକ ବହୁତ ଭଲ ଧାରଣା। ପୃଥିବୀରେ ଅନେକ ସ୍ଥାନ ଅଛି ଯେଉଁଠାରେ ଅତ୍ୟଧିକ ଉତ୍ତାପ ଏବଂ ମରୁଡ଼ିରେ ମଧ୍ୟ ଅଣୁଜୀବ ଦେଖାଯାଏ। ଉଦାହରଣ ସ୍ବରୂପ, ଚେଲିସ୍ଥିତ ଆଟାକାମା ମରୁଭୂମିରେ, କେତେକ ସୂକ୍ଷ୍ମଜୀବ ହାଇଗ୍ରୋସ୍କୋପିକ ପଥରରେ ଲୁଚି ରହି ବୃଦ୍ଧି ପାଉଛନ୍ତି। ଏହି ପଥରଗୁଡିକ ବହୁତ ଲୁଣିଆ। ଏହି ଅଣୁଜୀବ ଚାରିପାଖରେ ଥିବା ବାୟୁରୁ ଅଳ୍ପ ପରିମାଣର ଜଳ ବ୍ୟବହାର କରିଥାଏ। ଏହି ପଥରଗୁଡିକ ମଙ୍ଗଳ ଗ୍ରହରେ ମଧ୍ୟ ଉପସ୍ଥିତ। ଯେଉଁଥିରେ କିଛି ସ୍ତରର ଆର୍ଦ୍ରତା ରହିଥାଏ। କଳ୍ପନା କରାଯାଉଛି କି ଏପରି ଜୀବାଣୁ ସେଠାରେ ମଧ୍ୟ ଥାଇପାରନନ୍ତି। କିନ୍ତୁ ଅଧିକ ପାଣିରେ ଏମାନେ ମରିଯା’ନ୍ତି।
