ଦେଓଗାଁ,୨।୫(କୃଷ୍ଣ ପ୍ରସାଦ ପାଣିଗ୍ରାହୀ):ବଲାଙ୍ଗୀର ଜିଲା ଦେଓଗାଁ ବ୍ଲକରେ ଶୁକ୍ରବାର ବ୍ଲକ ଅଧ୍ୟକ୍ଷ ଦୟାନିଧି ଖମାରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ସରପଞ୍ଚ ମାନେ ଅଣଦେଖା କରାଯାଉଥିବା ଅଭିଯୋଗ ଉଠାଇଥିଲେ। ସରପଞ୍ଚ ସଂଘ ସଭାପତି ଗୋପାଳ ଚନ୍ଦ୍ର ମିଶ୍ର ବୈଠକରେ ସରପଞ୍ଚ ମାନଙ୍କ ଦ୍ୱାରା ପ୍ରସ୍ତାବିତ ପ୍ରକଳ୍ପ ଗୁଡିକୁ ବ୍ଲକରେ ଅନୁମୋଦନ କରାଯାଉ ନାହିଁ ବୋଲି ଅଭିଯୋଗ ଉଠାଇବା ପରେ ଅଧ୍ୟକ୍ଷଙ୍କ ସହ କଥା କଟାକଟି ହୋଇଥିଲା। ପରେ ବୈଠକରେ ଉପସ୍ଥିତ ୧୫ ଜଣ ସରପଞ୍ଚ ଓ ୧୨ ଜଣ ସମିତି ସଭ୍ୟାସଭ୍ୟ ଅସନ୍ତୋଷ ବ୍ୟକ୍ତକରି ବୈଠକକୁ ବର୍ଜନ କରି ଚାଲିଯାଇଥିଲେ। ଏଣୁ କିଛି ସମୟ ପର୍ଯ୍ୟନ୍ତ ଉତ୍ତେଜନା ଦେଖା ଦେଇଥିଲା। ଏଁ ସମ୍ପର୍କରେ ବ୍ଲକ ଅଧ୍ୟକ୍ଷ ଦୟାନିଧି ଖମାରୀଙ୍କୁ ପଚାରିବାରୁ ବୈଠକକୁ ବର୍ଜନ କରିଥିବା ସରପଞ୍ଚ ଓ ସମିତି ସଭ୍ୟ ମାନଙ୍କର ପୂର୍ବରୁ ଏହା ଯୋଜନା ରହିଥିଲା । ଏଣୁ ବୈଠକ ଆରମ୍ଭରୁ ଅଣଦେଖା କରୁଥିବା ଅଭିଯୋଗ କରି ଚାଲିଯାଇଥିଲେ। କିନ୍ତୁ ପଞ୍ଚାୟତ ସମିତି ତରଫରୁ ଏଜେଣ୍ଡା ଅନୁଯାୟୀ ଆଲୋଚନା କରିବା ପାଇଁ ପ୍ରସ୍ତୁତ ଥିଲୁ। କିନ୍ତୁ ବ୍ୟକ୍ତିଗତ ସ୍ବାର୍ଥ ପାଇଁ କିଛି ଜନ ପ୍ରତିନିଧି ଗୃହରୁ ଚାଲିଯିବା ଦୁଃଖର ବିଷୟ, ଯେହେତୁ ବୈଠକରେ ୨୧ ଜଣ ସଭ୍ୟାସଭ୍ୟ ଉପସ୍ଥିତ ରହି କୋରମ ହେବାରୁ ସମିତି ହେବା ସହଖସଡ଼ା ଅନୁଯାୟୀ ଆଲୋଚନା ହୋଇଥିଲା।
