ନୂଆଦିଲ୍ଲୀ,୨ା୫: ଦକ୍ଷିଣ ଦିଲ୍ଲୀର ସଫଦରଜଙ୍ଗ ଅଞ୍ଚଳରେ ଜଣେ ୩୦ ବର୍ଷୀୟ ବିଚାରପତି ତାଙ୍କ ବାସଭବନରେ ରଶି ଲଗାଇ ଆତ୍ମହତ୍ୟା କରିଛନ୍ତି। ଅମନ କୁମାର ଶର୍ମା ନାମକ ଉକ୍ତ ବିଚାରପତିଙ୍କ ମୃତଦେହ ସିଲିଂ ଫ୍ୟାନ୍ରୁ ଝୁଲୁଥିବା ଦେଖି ତାଙ୍କ ଭିଣୋଇ ପୋଲିସକୁ ଜଣାଇଥିଲେ। ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଥିବାବେଳେ ଆତ୍ମହତ୍ୟା ସନ୍ଦେହ କରାଯାଉଛି। ପୋଲିସ ସମସ୍ତ ଦିଗ ଉପରେ ତଦନ୍ତ ଚଳାଇଥିବା କହିଛି।
ଶୁକ୍ରବାର ରାତିରେ ଅମନ ତାଙ୍କ ବାପାଙ୍କୁ ଫୋନ୍ କରିଥିଲେ। ଫୋନରେ ସେ ତାଙ୍କ ବାପାଙ୍କୁ କହିଥିଲେ, “ମୁଁ ଅତ୍ୟନ୍ତ ଦୁଃଖରେ ଅଛି ଏବଂ ଜୀବନ ମୋ ପାଇଁ ଅସହ୍ୟ ହୋଇଯାଇଛି। ତାଙ୍କ ବାପା ତାଙ୍କ ପୁଅକୁ ପରାମର୍ଶ ଦେବାକୁ ଚେଷ୍ଟା କରିଥିଲେ ଏବଂ ସେହି ରାତିରେ ଅଲୱାରରୁ ଦିଲ୍ଲୀ ବାହାରିଥିଲେ।
ଶର୍ମା ୨୦୨୧ ଜୁନ୍ ୧୯ରେ ଦିଲ୍ଲୀ ନ୍ୟାୟିକ ସେବାରେ ଯୋଗ ଦେଇଥିଲେ। ଜଣେ ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ୍ ଏବଂ ସିଭିଲ୍ ଜଜ୍ ଭାବେ ସେ ଅନେକ ଫୌଜଦାରୀ ଓ ଦଓ୍ବୋନୀ ମାମଲାର ଫଇସଲା କରିଛନ୍ତି।
