ନୂଆଦିଲ୍ଲୀ,୨୪।୨: ଠିକ୍ ୧୨ ବର୍ଷ ତଳେ ଅର୍ଥାତ ୨୦୧୦ ଫେବୃୟାରୀ ୨୪ ତାରିଖରେ ସଚିନ ତେନ୍ଦୁଲକର ପୃଥିବୀର ପ୍ରଥମ ପୁରୁଷ ଭାବେ ଦିନିକିଆରେ ଦ୍ୱିଶତକ ହାସଲ କରିଥିଲେ। ଗ୍ବାଲିୟରର କ୍ୟାପଟେନ ରୂପ ସିଂ ଷ୍ଟାଡିୟମରେ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍ରେ ଏହି ମାଇଲଷ୍ଟୋନ ହାସଲ କରିଥିଲେ ମାଷ୍ଟର ବ୍ଲାଷ୍ଟର। କ୍ରିକେଟର ଭଗବାନ କୁହାଯାଉଥିବା ସଚିନ ୧୪୭ ବଲରେ ୨୦୦ ରନ୍ କରି ନଟ୍ ଆଉଟ୍ ରହିଥିଲେ। ତାଙ୍କ ଇନିଂସରେ ସାମିଲ ଥିଲା ୨୫ ଚୌକା ଓ ୩ ଛକା।
ତେନ୍ଦୁଲକରଙ୍କ ଦ୍ୱିଶତକ ଯୋଗୁ ଭାରତ ୫୦ ଓଭରରେ ୪୦୧/୩ରେ ପହଞ୍ଚି ପାରିଥିଲା। ଏହି ମ୍ୟାଚ୍କୁ ୧୫୩ ରନ୍ରେ ଜିତି ନେଇଥିଲା ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆ।
୨୦୧୩ରେ କ୍ରିକେଟକୁ ଅଲବିଦା କରିଥିବା ସଚିନ ଆଜି ପର୍ଯ୍ୟନ୍ତ ଅନ୍ତର୍ଜାତୀୟ କ୍ରିକେଟ ଟେଷ୍ଟ ଓ ଦିନିକିଆରେ ସର୍ବାଧିକ ରନ୍ ସ୍କୋରର ହୋଇ ରହିଛନ୍ତି। ତାଙ୍କ ନାମରେ ରହିଛି ସର୍ବାଧିକ ଅନ୍ତର୍ଜାତୀୟ ଶତକ ରେକର୍ଡ। ୨୦୧୯ରେ ତାଙ୍କୁ ୬ଷ୍ଠ ଭାରତୀୟ ଭାବେ ଆଇସିସି ହଲ ଅଫ୍ ଫେମ୍ରେ ସାମିଲ କରାଯାଇଥିଲା।
