Posted inଖେଳ

ରାଉରକେଲା ପ୍ରୋ ଲିଗ୍‌ ଭେନ୍ୟୁ

ଭୁବନେଶ୍ୱର, ୨୪।୮(କ୍ରୀଡ଼ା ପ୍ରତିନିଧି): ଓଡ଼ିଶା ହକି ପାଇଁ ଆସିଛି ଆଉ ଏକ ଭଲ ଖବର। ରାଜ୍ୟ ହକିର ଅନ୍ତୁଡ଼ିଶାଳ ଭାବେ ପରିଚିତ ସୁନ୍ଦରଗଡ଼ ଜିଲାର ରାଉରକେଲାରେ ଆଗାମୀ ଦିନରେ ଅଧିକରୁ ଅଧିକ ଜାତୀୟ ଓ ଅନ୍ତର୍ଜାତୀୟ ମ୍ୟାଚ ଆୟୋଜନ ହେବା ପଥ ପରିଷ୍କାର ହୋଇଛି। କାରଣ ଅନ୍ତର୍ଜାତୀୟ ହକି ଫେଡେରେଶନ (ଏଫ୍‌ଆଇଏଚ୍‌) ରାଉରକେଲାକୁ ଓଡ଼ିଶାର ଦ୍ୱିତୀୟ ଭେନ୍ୟୁ ଭାବେ ଏଫ୍‌ଆଇଏଚ୍‌ ପ୍ରୋ ଲିଗ୍‌ ମ୍ୟାଚ ଆୟୋଜନ ପାଇଁ ଅନୁମତି ପ୍ରଦାନ କରିଛି। ପୂର୍ବରୁ କଳିଙ୍ଗ ଷ୍ଟାଡିୟମରେ ୨୦୨୦ରୁ ଉଭୟ ପୁରୁଷ ଓ ମହିଳା ବିଭାଗରେ ପ୍ରୋ ଲିଗ୍‌ ମ୍ୟାଚ ଅନୁଷ୍ଠିତ ହୋଇ ଆସୁଛି। ୨୦୨୩ ହକି ବିଶ୍ୱକପର ଅନ୍ୟତମ ଭେନ୍ୟୁ ହେଉଛି ରାଉରକେଲା। ଏଠାରେ ନିର୍ମାଣାଧୀନ ବିର୍ସାମୁଣ୍ଡା ଷ୍ଟାଡିୟମ ଦେଶର ସର୍ବବୃହତ୍‌ ହକି ଷ୍ଟାଡିୟମ। ଏହି ଭେନ୍ୟୁରେ ଏକାବେଳେକେ ୨୦,୦୦୦ ଦର୍ଶକ ମ୍ୟାଚ ଉପଭୋଗ କରିପାରିବେ। ୨୦୨୩ ଜାନୁୟାରୀ ୧୩ରୁ ୨୯ ପର୍ଯ୍ୟନ୍ତ ଭୁବନେଶ୍ୱର ଓ ରାଉରକେଲାରେ ବିଶ୍ୱକପ ଆୟୋଜନ ହେବ। ଚଳିତ ବର୍ଷ ଶେଷ ଭାଗରେ ଅର୍ଥାତ୍‌ ଅକ୍ଟୋବରରୁ ଏଫ୍‌ଆଇଏଚ୍‌ ପ୍ରୋ ଲିଗ୍‌ର ଆଗାମୀ ସିଜନ ଆରମ୍ଭ ହେବ। ଅକ୍ଟୋବର ୨୮ରୁ ୨୦୨୩ ଜୁଲାଇ ୫ ପର୍ଯ୍ୟନ୍ତ ପ୍ରୋ ଲିଗ୍‌ର ମ୍ୟାଚଗୁଡ଼ିକ ବିଶ୍ୱର ବିଭିନ୍ନ ଭେନ୍ୟୁରେ ଆୟୋଜନ ହେବାର କାର୍ଯ୍ୟକ୍ରମ ରହିଛି। ଏହି ସିଜନରେ ଭୁବନେଶ୍ୱର ଓ ରାଉରକେଲା ଭାରତର ଘରୋଇ ଭେନ୍ୟୁଭାବେ ବ୍ୟବହାର ହେବ। ଏଫ୍‌ଆଇଏଚ୍‌ ଓ୍ବେବ୍‌ସାଇଟ୍‌ରେ ଉପଲବ୍ଧ ତଥ୍ୟ ଅନୁସାରେ ଭାରତର ଏହି ଦୁଇ ଭେନ୍ୟୁ (ଭୁବନେଶ୍ୱର ଓ ରାଉରକେଲା) ବ୍ୟତୀତ ଅଷ୍ଟ୍ରେଲିଆର ନ୍ୟୁକାଷ୍ଟଲ ଓ ହୋବାର୍ଟ, ଆର୍ଜେଣ୍ଟିନାର ମେଣ୍ଡୋଜା ଓ ସାଣ୍ଟିଆଗୋ ଡେଲ ଏଷ୍ଟେରୋ, ବେଲଜିୟମର ଆଣ୍ଟ୍ବେର୍ପ, ଇଂଲଣ୍ଡର ଲଣ୍ଡନ, ନେଦରଲାଣ୍ଡ୍ସର ଇଣ୍ଡୋଭେନ ଓ ଆମଷ୍ଟରଡାମ ଏବଂ ନ୍ୟୁଜିଲାଣ୍ଡର ଖ୍ରୀଷ୍ଟଚର୍ଚ୍ଚ ଓ ଓ୍ବେଲିଂଟନରେ ଆଗାମୀ ପ୍ରୋ ଲିଗ୍‌ ସିଜନର ମ୍ୟାଚଗୁଡ଼ିକ ଖେଳାଯିବ।
ଗତ ଏପ୍ରିଲରେ ଏଫ୍‌ଆଇଏଚ୍‌ ପକ୍ଷରୁ ନୂଆ କାର୍ଯ୍ୟସୂଚୀ ଅନୁସାରେ ଏକାଧିକ ଦଳ ଗୋଟିଏ ଭେନ୍ୟୁରେ ପରସ୍ପର ବିପକ୍ଷରେ ୨ଟି ଲେଖାଏ ମ୍ୟାଚ ଖେଳିବେ। ଏହା ଏକ ମିନି ଟୁର୍ନାମେଣ୍ଟର ରୂପ ନେବ। ଏହାଦ୍ୱାରା ଖେଳାଳି ଓ ଅଫିସିଆଲଙ୍କ ଭ୍ରମଣଜନିତ କ୍ଳାନ୍ତି କମିବ। ଏହା ଖେଳାଳିଙ୍କ ସ୍ବାସ୍ଥ୍ୟ ଏବଂ ପରବେଶ ଉପରେ ସକାରାତ୍ମକ ପ୍ରଭାବ ପକାଇବ। ଏହି କ୍ରମରେ ଓଡ଼ିଶାର କୌଣସି ଏକ ଭେନ୍ୟୁ (ଭୁବନେଶ୍ୱର କିମ୍ବା ରାଉରକେଲା ପରେ ସ୍ଥିର ହେବ)ରେ ଭାରତ ଏହାର ପ୍ରଥମ ମ୍ୟାଚ ଅକ୍ଟୋବର ୨୮ରେ ନ୍ୟୁଜିଲାଣ୍ଡ ବିପକ୍ଷରେ ଖେଳିବ। ଏହାପରେ ସେହି ଭେନ୍ୟୁରେ ୩୦ ତାରିଖରେ ସ୍ପେନ୍‌ ବିପକ୍ଷରେ ମୁକାବିଲା କରିବ। ନଭେମ୍ବର ୪ରେ ଭାରତ-ନ୍ୟୁଜିଲାଣ୍ଡ ଏବଂ ୬ରେ ଭାରତ-ସ୍ପେନ୍‌ ମଧ୍ୟରେ ମ୍ୟାଚ ଖେଳାଯିବ। ଭାରତର ଦ୍ୱିତୀୟ ପର୍ଯ୍ୟାୟ ମ୍ୟାଚ ୨୦୨୩ ମାର୍ଚ୍ଚ ୧୦ରୁ ଆରମ୍ଭ ହେବ। ଏହି ପର୍ଯ୍ୟାୟର ମ୍ୟାଚଗୁଡ଼ିକ ରାଉରକେଲାରେ ଖେଳାଯିବାକୁ ସ୍ପଷ୍ଟ ହୋଇଯାଇଛି। ଭାରତ ୧୦ ତାରିଖରେ ଜର୍ମାନୀ, ୧୨ ତାରିଖରେ ଅଷ୍ଟ୍ରେଲିଆ, ୧୩ରେ ଜର୍ମାନୀ ଓ ୧୫ରେ ଅଷ୍ଟ୍ରେଲିଆ ବିପକ୍ଷରେ ଖେଳିବ। ଏହାପରେ ମ୍ୟାଚ ଖେଳିବା ପାଇଁ ଇଂଲଣ୍ଡ ଓ ନେଦରଲାଣ୍ଡ୍ସ ଯିବ ଭାରତ। ସେଠାରେ ଯଥାକ୍ରମେ ଗ୍ରେଟ୍‌ ବ୍ରିଟେନ ଓ ବେଲ୍‌ଜିୟମ ଏବଂ ଆର୍ଜେଣ୍ଟିନା ଓ ନେଦରଲାଣ୍ଡ୍ସ ବିପକ୍ଷରେ ଖେଳିବ। ଆଗାମୀ ସିଜନରୁ ପ୍ରୋ ଲିଗ୍‌ରେ ପ୍ରମୋଶନ ଓ ରେଲିଗେଶନ ବ୍ୟବସ୍ଥା ମଧ୍ୟ ଲାଗୁହେବ। ପ୍ରୋ ଲିଗ୍‌ରେ ଯେଉଁ ଦଳ ଶେଷ ସ୍ଥାନରେ ରହିବ ସେ ନୂଆ କରି ଆରମ୍ଭ ହେଉଥିବା ଏଫ୍‌ଆଇଏଚ୍‌ ନେଶନ୍ସ କପ୍‌କୁ ଖସିବ। ସେହିପରି ନେସନ୍ସ କପ୍‌ରେ ଯେଉଁ ଦଳ ବିଜେତା ହେବ ସେ ପ୍ରୋ ଲିଗ୍‌କୁ ଉନ୍ନୀତ ହେବ। ଏହା ଉଭୟ ପ୍ରତିଯୋଗିତାକୁ ଅଧିକ ରୋମାଞ୍ଚକ କରିବ ବୋଲି ଏଫ୍‌ଆଇଏଚ୍‌ ସିଇଓ ଥିଏରୀ ଓ୍ବିଲ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଶେଷ ମ୍ୟାଚ୍‌ରେ ଷ୍ଟୋକ୍ସଙ୍କ ଆଖିରୁ ଝରିଲା ଲୁହ

ଲଣ୍ଡନ,୨୦।୭: ଇଂଲଣ୍ଡର ଅଲରାଉଣ୍ଡର ବେନ ଷ୍ଟୋକ୍ସ ମଙ୍ଗଳବାର ତାଙ୍କ କ୍ୟାରିୟରର ଶେଷ ଦିନିକିଆ ଖେଳିବାକୁ ପଡିଆକୁ ଓହ୍ଲାଇଥିଲେ। ଷ୍ଟାଡିୟମରେ ତାଙ୍କର ବହୁ ସଂଖ୍ୟକ ପ୍ରଶଂସକ ଉପସ୍ଥିତ...

ପ୍ରଥମ ଟି୨୦ ଜିତିଲା ଭାରତ

କାନବେରା, ୪।୧୨- ଦିନିକିଆ ସିରିଜ୍‌ରେ ଅଷ୍ଟ୍ରେଲିଆଠାରୁ ପରାସ୍ତ ହୋଇଥିବା ଭାରତୀୟ ଦଳ ବିଜୟ ସହ ଟି୨୦ ସିରିଜ୍‌ ଆରମ୍ଭ କରିଛି। ଏଠାରେ ଖେଳାଯାଇଥିବା ପ୍ରଥମ ମ୍ୟାଚ୍‌କୁ...

ବାଂଲାଦେଶ ଟି୨୦ ସିରିଜ୍‌: କୋହଲିଙ୍କୁ ଦିଆଯାଇପାରେ ବିଶ୍ରାମ

ନୂଆଦିଲ୍ଲୀ,୨୦।୧୦(ପି.ଟି.)- ଆସନ୍ତା ନଭେମ୍ବର ୩ ତାରିଖରୁ ବାଂଲାଦେଶ ଓ ଭାରତ ମଧ୍ୟରେ ୩ ମ୍ୟାଚ୍‌ ବିଶିଷ୍ଟ ଟି୨୦ ସିରିଜ୍‌ ଖେଳାଯିବ। ଏହି ସିରିଜ୍‌ ଲାଗି ଭାରତୀୟ...

୫ ମାସ ପରେ ଦଳକୁ ଫେରିଲେ କୋହଲି

ବର୍ମିଂହାମ,୯ା୭: ଖରାପ ଫର୍ମ ଦେଇ ଗତି କରୁଥିବା ବିରାଟ କୋହଲି ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି। ଦୀର୍ଘ ୫ ମାସର ବିରତି ପରେ ଟି-୨୦କୁ ଫେରୁଥିବା କୋହଲିଙ୍କ...

ହାଇଦ୍ରାବାଦରୁ କୋଲାକୋଙ୍କୁ ଆଣିଲା ଏଟିକେ

ହାଇଦ୍ରାବାଦ, ୧୦ା୪(ପି.ଟି.)-ହାଇଦ୍ରାବାଦ ଏଫ୍‌ସିରୁ ରେକର୍ଡ ଟ୍ରାନ୍ସଫର ଫି’ ବିନିମୟରେ ଲିଷ୍ଟନ କୋଲାକୋଙ୍କ ସହ ଚୁକ୍ତି କରିଛି ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌) ଦଳ ଏଟିକେ ମୋହନବାଗାନ।...

ଦେଶ ଛାଡିବେ ଇଂଲଣ୍ଡ କ୍ରିକେଟର୍‌: ଏବେ ଭାରତୀୟ ଖେଳାଳିଙ୍କ ସହ ଆରମ୍ଭ କରିବେ କ୍ୟାରିୟର୍‌

ଲଣ୍ଡନ,୧।୯: ଇଂଲଣ୍ଡ ଅଲରାଉଣ୍ଡର ଲିଆମ ପ୍ଲଙ୍କେଟ ନିଜ ଦେଶ ଛାଡିଛନ୍ତି ଏବଂ ଏବେ ସେ ଭାରତୀୟ ଖେଳାଳିଙ୍କ ସହ ଏକ ନୂତନ ଦଳ ସହିତ ନିଜର...

ଇଂଲଣ୍ଡ କ୍ରିକେଟରଙ୍କ ହେବ ଦ୍ୱିତୀୟ ପର୍ଯ୍ୟାୟ କୋଭିଡ୍‌ ଟେଷ୍ଟ

ସାଉଥାମ୍ପଟନ, ୨୪ା୬ (ପି.ଟି.)-ଓ୍ବେଷ୍ଟଇଣ୍ଡିଜ ବିପକ୍ଷ ସିରିଜ ପାଇଁ ଏଜାସ୍‌ ବାଓଲର ଜୈବ ସୁରକ୍ଷିତ ପରିବେଶରେ ପୂରାମାତ୍ରାରେ ଟ୍ରେନିଂ ପୂର୍ବରୁ ଇଂଲଣ୍ଡ କ୍ରିକେଟରମାନଙ୍କ ଦ୍ୱିତୀୟ ପର୍ଯ୍ୟାୟ କୋଭିଡ୍‌-୧୯...

ଏଫ୍‌ଆଇଏଚ୍‌ ସିରିଜ ଫାଇନାଲ୍ସ: ଗ୍ରୀଷ୍ମପ୍ରବାହ ଯୋଗୁ ଅତିରିକ୍ତ ବିରତି

ଭୁବନେଶ୍ୱର,୧୨।୬(ପିଟି): ଅତ୍ୟନ୍ତ ଗ୍ରୀଷ୍ମପ୍ରବାହ ଯୋଗୁ କଳିଙ୍ଗ ଷ୍ଟାଡିୟମ୍‌ରେ ଚାଲିଥିବା ଏଫ୍‌ଆଇଏଚ୍‌ ସିରିଜ୍‌ ଫାଇନାଲ୍ସରେ ଖେଳାଳିଙ୍କୁ ଅତିରିକ୍ତ ବିରତି ମିଳିଛି। ପ୍ରବଳ ଖରା ପାଇଁ ଆୟୋଜକ କମିଟି...

Advertisement
Archives

Model This Week