ଡ୍ରଗ୍ସ ମାମଲାରେ ଏକ ମାସ ଜେଲରେ ରହିବା ପରେ ଜାମିନରେ ମୁକ୍ତ ହୋଇଥିବା ରିୟା ଚକ୍ରବର୍ତ୍ତୀଙ୍କ ପାଇଁ ବର୍ତ୍ତମାନ ଆଉ ଏକ ନୂଆ ସମସ୍ୟା ସୃଷ୍ଟି ହୋଇଛି। ସେ ମୁମ୍ବାଇରେ ରହିବା ପାଇଁ ଦ୍ୱାର ଦ୍ୱାର ବୁଲି ଘର ଖୋଜୁଛନ୍ତି। କାରଣ ପୂର୍ବରୁ ସେ ରହୁଥିବା ସୋସାଇଟିରୁ ତାଙ୍କୁ ଘର ଖାଲି କରିବାକୁ ଚାପ କୁହାଯାଉଛି। ତେଣୁ ରିୟା ପରିବାର ସହ ମିଶି ଅନ୍ୟ ଏକ ଘର ଖୋଜିବାରେ ଲାଗିଛନ୍ତି। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ରିୟାଙ୍କୁ ବାପା ଇନ୍ଦ୍ରଜିତ୍ ଏବଂ ମା’ ସନ୍ଧ୍ୟା ଚକ୍ରବର୍ତ୍ତୀଙ୍କ ସହ ଦେଖିବାକୁ ମିଳୁଛି। ବର୍ତ୍ତମାନ ରିୟା ପରିବାର ସହ ସାଣ୍ଟା କ୍ରୁଜ୍ ସୋସାଇଟିରେ ରହୁଛନ୍ତି।
ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ପରେ ସାମ୍ନାକୁ ଆସିଥିବା ଡ୍ରଗ୍ସ ମାମଲାରେ ସଂଯୋଗ ନେଇ ରିୟାଙ୍କୁ ସେପ୍ଟେମ୍ବର ୮ରେ ନାରକୋଟିକ୍ସ ବେ୍ୟୁରୋ ଗିରଫ କରିଥିଲା। ଏହା ପରେ ରିୟାଙ୍କ ଫ୍ଲାଟ୍ ସମ୍ମୁଖରେ ପ୍ରତିଦିନ ମିଡିଆ ଲୋକଙ୍କ ଭିଡ଼ ଜମୁଥିଲା। ଏ ନେଇ ରିୟା ଏବଂ ତାଙ୍କ ପରିବାର ପ୍ରତି ଅସନ୍ତୋଷ ବ୍ୟକ୍ତ କରାଯାଉଥିଲା। ରିୟା ଜେଲରୁ ଫେରିବା ପରେ ତାଙ୍କ ପରିବାରକୁ ଘର ଖାଲି କରିବାକୁ ଚାପ ପକାଯାଉଥିବା କୁହାଯାଉଛି।
