କେନ୍ଦୁଝର,୧୬ା୩(ସ୍ବ.ପ୍ର.): ଦୀର୍ଘ ମାସ ହେଲା ଜିଲାପାଳଙ୍କ କାର୍ଯ୍ୟାଳୟ ନିକଟରେ ମୁକୁଳା ହୋଇ ପଡ଼ିଥିବା ଫୁଟ୍ପାଥର ମରାମତି କାମ ଆରମ୍ଭ ହୋଇଛି। ଏହା ଦ୍ୱାରା ଲୋକମାନେ ବିପଦପୂର୍ଣ୍ଣ ଅବସ୍ଥାରେ ଯାତାୟାତ କରିବା ସହ ଦୁର୍ଘଟଣାର ସମ୍ମୁଖୀନ ହେଉଥିଲେ। ବିଶେଷକରି ଟ୍ରାଫିକ ପୋଷ୍ଟ ନିକଟରେ ଏଭଳି ମୁକୁଳା ଡ୍ରେନ୍ ଜିଲାପାଳଙ୍କ କା୍ଯଯାଳୟକୁ ଚାଲିଚାଲି ଯିବା ଆସିବା କରୁଥିବା ତଥା ଏହି ରାସ୍ତା ଦେଇ ବସ୍ ଷ୍ଟପ୍, ଅନ୍ୟାନ୍ୟ ଅଫିସ ଓ ବିଭିନ୍ନ କାମରେ ଚାଲି ଚାଲି ଯାଉଥିବା ଲୋକମାନେ ସମସ୍ୟା ଭୋଗୁଥିଲେ। ଉକ୍ତ ସ୍ଥାନରେ ଆନ୍ଦୋଳନକାରୀମାନେ ପ୍ରଦର୍ଶନ, ଧାରଣା ଦେଇଥାନ୍ତି ଏବଂ ପୋଲିସ କର୍ମଚାରୀମାନେ ମଧ୍ୟ ମୁତୟନ ହୋଇଥାନ୍ତି। ଏନେଇ ଗୁରୁବାର ଧରିତ୍ରୀରେ ‘ଜିଲାପାଳଙ୍କ କାର୍ଯ୍ୟାଳୟ ଆଗରେ ମୁକୁଳା ଡ୍ରେନ’ ଶୀର୍ଷକ ଫଟୋ ଏବଂ ଖବର ପ୍ରକାଶ ପାଇବା ପରେ ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି। ଉକ୍ତ ସ୍ଥାନରେ ଚିପ୍ସ ଓ ବାଲି ପକାଯାଇ ମୁକୁଳା ଡ୍ରେନ୍ର ସ୍ଲାବ ନିର୍ମାଣ କାମ ଆରମ୍ଭ ହୋଇଥିବା ଦେଖି ଯାତାୟାତ କରୁଥିବା ଲୋକେ ଖୁସି ବ୍ୟକ୍ତ କରିଛନ୍ତି।
