ଦୁବାଇ,୧୦ା୮(ପି.ଟି.): ଭାରତୀୟ ପେସ୍ ବୋଲର ରେଣୁକା ସିଂ ମଙ୍ଗଳବାର ପ୍ରକାଶିତ ଆଇସିସି ଟି୨୦ ମହିଳା ର଼୍ୟାଙ୍କିଙ୍ଗରେ କ୍ୟାରିୟର ଶ୍ରେଷ୍ଠ ୧୮ତମ ସ୍ଥାନ ଅଧିକାର କରିଛନ୍ତି। ରାଜ୍ୟଗୋଷ୍ଠୀ କ୍ରୀଡ଼ାରେ ସେ ଅଗ୍ରଣୀ ଉଇକେଟ ହାସଲକାରୀ ବୋଲର ହୋଇଥିଲେ। ବର୍ମିଂହାମ୍ ଗେମ୍ସରେ ସେ ୧୧ଟି ଉଇକେଟ ଅକ୍ତିଆର କରିଥିଲେ। ଭାରତ ଫାଇନାଲରେ ଅଷ୍ଟ୍ରେଲିଆଠାରୁ ହାରି ଟୁର୍ନାମେଣ୍ଟରେ ଏକ ରୌପ୍ୟ ପଦକ ପାଇଥିଲା। ରେଣୁକା ର଼୍ୟାଙ୍କିଙ୍ଗ ତାଲିକାରେ ୧୦ ସ୍ଥାନ ଉପରକୁ ଉଠିଥିବା ବେଳେ ପ୍ରଥମ ଥର ଟପ୍ ୨୦ରେ ପ୍ରବେଶ କରିଛନ୍ତି। ଜେମିମା ରୋଡ୍ରିଗୁଏଜ୍ ବର୍ମିଂହାମ୍ରେ ୧୪୬ ରନ ସ୍କୋର କରିବା ଦ୍ୱାରା ସେ ଫର୍ମକୁ ଫେରିଥିବା ସୂଚନା ମିଳୁଛି। ବର୍ମିଂହାମ୍ରେ ସେ ୧୪୬ରନ ସଂଗ୍ରହ କରିଛନ୍ତି। ସେ ୭ଟି ସ୍ଥାନ ଉପରକୁ ଉଠିଥିବା ବେଳେ ପୁଣିଥରେ ଟପ୍ ୧୦ ବ୍ୟାଟରମାନଙ୍କ ମଧ୍ୟରେ ସ୍ଥାନ ପାଇଛନ୍ତି। ର଼୍ୟାଙ୍କିଙ୍ଗ ତାଲିକାରେ ସେ ୧୦ମ ସ୍ଥାନରେ ରହିଛନ୍ତି। ବ୍ୟାଟର ତାଲିକାରେ ସ୍ମୃତି ମନ୍ଧାନା ଦୁଇଟି ସ୍ଥାନ ତଳକୁ ଖସି ୩୬ତମ ସ୍ଥାନରେ ଅଛନ୍ତି। ବୋଲରମାନଙ୍କ ମଧ୍ୟରେ ବାମହାତି ସ୍ପିନର ରାଧା ଯାଦବ ୧୪ତମ ସ୍ଥାନକୁ ଉନ୍ନୀତ ହୋଇଛନ୍ତି।
