ଭୁବନେଶ୍ୱର,୨୫।୩: ଭୁବନେଶ୍ୱର ଆଞ୍ଚଳିକ ଶିକ୍ଷା ନିର୍ଦ୍ଦେଶକ କାର୍ଯ୍ୟାଳୟର ଅଡିଟର୍ ଅମ୍ବିକା ପ୍ରସାଦ ରଥଙ୍କୁ ବୁଧବାର ଗିରଫ କରାଯାଇଛି। ମଙ୍ଗଳବାର ୪ ହଜାର ଟଙ୍କା ଲାଞ୍ଚ ନେଲା ବେଳେ ଧରାପଡ଼ିଥିଲେ ଅଡିଟର। ତାଙ୍କଠାରୁ ରେଡ ବେଳେ ନଗଦ ୨୮ ଲକ୍ଷ ୭୦ ହଜାର ୯୦୦ ଟଙ୍କା ଜବତ ହୋଇଥିଲା।
ଲାଞ୍ଚ ନେବା ସମୟରେ ଭିଜିଲାନ୍ସ ହାତରେ ଧରାପଡ଼ିଥିଲେ ଭୁବନେଶ୍ୱର ଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କ ଅଫିସ୍ ଅଡର ଅମ୍ବିକା ପ୍ରସାଦ ରଥ। ତାଙ୍କ ପକେଟରୁ ୪ହଜାର ଲାଞ୍ଚ ଟଙ୍କା ଜବତ କରାଯିବା ପରେ ଘର ଏବଂ ଅଫିସରେ ଚଢଉ କରାଯାଇଥିଲା। ବାବୁଙ୍କ ଘର ଏବଂ ଅଫିସ୍ରୁ ୨୮.୭୦ ଲକ୍ଷ ନଗଦ ଟଙ୍କାକରାଯାଇଥିଲା। ମଧୁସୁଦନ ନଗର ଘରୁ ୨୭ ଲକ୍ଷ ୪୨ ହଜାର ୯ଶହ ଟଙ୍କା ଜବତ କରାଯାଇଥିବା ବେଳେ ଅଫିସ୍ ଡ୍ରରୁ ୧ଲକ୍ଷ ୨୮ ହଜାର ଟଙ୍କା ଜବତ କରାଯାଇଛି। ଭିଜିଲାନ୍ସ ଅଧିକାରୀ ଏହି ଟଙ୍କାର ହିସାବ ମାଗିଥିଲେ ମଧ୍ୟ ସେ ସନ୍ତୋଷ ଜନକ ଉତ୍ତର ଦେଇପାରିନାହାନ୍ତି। ଭିଜିଲାନ୍ସ ଅଧିକାରୀ ତାଙ୍କ ନାମରେ ଏକ ଦୁର୍ନୀତି ମାମଲା ରୁଜୁ କରି ଉଠାଇ ନେଇଥିବା ଜଣାପଡ଼ିଛି।
ଖୋର୍ଦ୍ଧା କଲେଜର ଜଣେ କର୍ମଚାରୀ ସର୍ଭିସ ଭେରିଫିକେସନ ପାଇଁ ଅମ୍ବିକା ପ୍ରସାଦଙ୍କ ନିକଟକୁ ଯାଇଥିଲେ। ସେ ତାଙ୍କୁ ୪ହଜାର ଟଙ୍କା ଲାଞ୍ଚ ନଦେଲେ କାମ ହେବନି ବୋଲି କହିଥିଲେ। ଏନେଇ କଲେଜ କର୍ମଚାରୀ ଜଣଙ୍କ ଭିଜିଲାନ୍ସରେ ଅଭିଯୋଗ କରିଥିଲେ। ଭିଜିଲାନ୍ସ ମଙ୍ଗଳବାର ତାଙ୍କୁ ଧରିବା ପାଇଁ ଜାଲ ବିଛାଇଥିଲେ। ସେ ଅଫିସ ନିକଟରେ ୪ ହଜାର ଟଙ୍କା ଲାଞ୍ଚ ନେବା ସମୟରେ ଭିଜିଲାନ୍ସ ଅଧିକାରୀ ତାଙ୍କୁ ଧରିଥିଲେ। ତାଙ୍କ ପକେଟରୁ ୪ ହଜାର ଲାଞ୍ଚ ଟଙ୍କା ଜବତ କରାଯିବା ସହ ତାଙ୍କ ହାତକୁ ପାଣିରେ ଧୋଇବା ପରେ କେମିକାଲର ପ୍ରମାଣ ମିଳିଥିଲା। ଏହାପରେ ତାଙ୍କୁ ଉଠାଇ ନେଇ ଘର ଏବଂ ଅଫିସରେ ଚଢଉ କରାଯିବା ପରେ ମୋଟ ୨୮.୭୦ଲକ୍ଷ ଟଙ୍କା ଜବତ କରାଯାଇଛି। ଭିଜିଲାନ୍ସ ତାଙ୍କର ବ୍ୟାଙ୍କ୍ ଆକାଉଣ୍ଟ ଏବଂ ଲକର ଛାନ୍ଭିନ କରୁୂଛି।
