ବମ୍ବେ: ସ୍ବପ୍ନର ସହର ମୁମ୍ବାଇରେ ଘର କିଣିଛନ୍ତି ବିଗ୍ ବସ୍ ଫେମ୍ ଅଭିନେତା ରାକେଶ ବାପଟ। ପୂର୍ବପତ୍ନୀ ରିଧି ଡୋଗରାଙ୍କଠାରୁ ଅଲଗା ହେବା ପରଠାରୁ ରାକେଶ ପୁଣେରେ ରହିଆସୁଥିଲେ। ହେଲେ ଏବେ କଥିତ ପ୍ରେମିକା ସମିତା ସେଟ୍ଟୀଙ୍କ ପାଇଁ ସେ ପୁଣିଥରେ ମୁମ୍ବାଇ ଆସିଥିବା କୁହାଯାଉଛି। ରାକେଶ ନିଜ ନୂଆ ଘରର କିଛି ଫଟୋ ସୋସିଆଲ ମିଡିଆରେ ଶେୟାର ମଧ୍ୟ କରିଛନ୍ତି।
ରାକେଶ ଇନଷ୍ଟାଗ୍ରାମରେ ଫଟୋ ଶେୟାର କରି ମୁମ୍ବାଇ ଫେରିଥିବା ଜଣାଇଛନ୍ତି। ଏଥିସହ ସେ ନୂଆ ଘରୁ ନୂଆ ଆରମ୍ଭ କରିବାକୁ ଯାଉଥିବା ପ୍ରଶଂସକଙ୍କୁ କହିଛନ୍ତି। ଏହାପରଠାରୁ ରାକେଶଙ୍କୁ ଅଭିନନ୍ଦନର ସୁଅ ଛୁଟିଛି।
View this post on Instagram
କହିରଖୁଛୁ, ବିଗ୍ବସ୍ରେ ପ୍ରତିଯୋଗୀ ଭାବେ ଯୋଗ ଦେବାପରଠାରୁ ରାକେଶ ସମିତାଙ୍କ ପ୍ରେମକୁ ନେଇ ଚର୍ଚ୍ଚା ହୋଇ ଆସୁଛି। କିଛି ଦିନ ତଳେ ଉଭୟଙ୍କ ବ୍ରେକ୍ଅପ୍ ହୋଇଥିବା କୁହାଯାଉଥିଲା। ରାକେଶ ମୁମ୍ବାଇ ଚାଲିଆସନ୍ତୁ ବୋଲି ସମିତା ଚାହୁଁଥିଲେ। ଉଭୟ ଅଲଗା ସହରରେ ରହିବା ସମ୍ପର୍କ ଲାଗି ଠିକ୍ ନୁହେଁ ବୋଲି ସେ ଭାବୁଥିଲେ।