ନୂଆଦିଲ୍ଲୀ,୪ ।୧୨: ରାହୁଲ ଗାନ୍ଧୀଙ୍କ ଭାରତ ଯୋଡୋ ଯାତ୍ରା ରାଜସ୍ଥାନରେ ଏଣ୍ଟ୍ରି କରିବା ପୂର୍ବରୁ ଏହାକୁ ଟାର୍ଗେଟ କରିଛି ଭାରତୀୟ ଜନତା ପାର୍ଟି(ଭାଜପା) । ଶନିବାର ବାଡମେରରେ ପହଞ୍ଚିଥିବା ଭାଜପାର ପ୍ରଦେଶ ମହାମନ୍ତ୍ରୀ ଓ ବିଧାୟକ ମଦନ ଦିଲାୱର ରାହୁଲ ଗାନ୍ଧୀ ମହିଳାଙ୍କୁ ଜାବୁଡି ଧରିବା ଘଟଣା ଅଶୋଭୀୟ ବୋଲି କହିଛନ୍ତି । ସେ ଏହାକୁ ଏକ ଅପରାଧ କହିବା ସହ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ନିକଟରେ ରାହୁଲଙ୍କ ଗିରଫ ଦାବି କରିଛନ୍ତି । ତୋସିୟାରେ କଂଗ୍ରେସର ତେଜତର୍ରାର ବିଧାୟକ ଦିବ୍ୟା ମଦେରଣା ରାହୁଲ ଗାନ୍ଧୀଙ୍କ ମହାରାଷ୍ଟ୍ରରେ ପହଞ୍ଚିଥିବା ଭାରତ ଯୋଡୋ ଯାତ୍ରାରେ ସାମିଲ ହୋଇଥିଲେ । ଏହି ସମୟରେ ରାହୁଲ ବିଧାୟିକା ଦିବ୍ୟାଙ୍କ ମଥାରେ ଚୁମ୍ବନ ଦେଇଥିଲେ ।
ଦିବ୍ୟା ଏହି ଫଟୋ ୨୩ ନଭେମ୍ବରରେ ଟୁଇଟ କରିଥିଲେ । ଏହାପରେ ଏହି ଫଟୋକୁ ନେଇ ରାଜନୈତିକ ବୟାନବାଜି ଆରମ୍ଭ ହୋଇ ଯାଇଛି । ଦିବ୍ୟା ମଦେରଣା ଓ ରାହୁଲ ଗାନ୍ଧୀଙ୍କ ଫଟୋକୁ ନେଇ ପ୍ରଥମେ ନାଗୌର ଏମପି ହନୁମାନ ବେନିୱାଲ କାହାର ନାଁ ନ ନେଇ ଖୁବ୍ କଟାକ୍ଷ କରିଥିଲେ । ସେ କହିଥିଲେ କୃଷକର ଝିଅ ରାହୁଲଙ୍କ ସହ ଲାଗି ଲାଗି ଫଟୋ ଉଠାଉଛନ୍ତି । କ’ଣ ସେ ମୁଖ୍ୟ ମନ୍ତ୍ରୀ ହେବେ କି । ଏହାପରେ ରାହୁଲ ଓ ଦିବ୍ୟାଙ୍କ ଫଟୋକୁ ନେଇ ଆହୁରି କେତେଜଣ ନେତା ବି କମେଣ୍ଟ କରିଛନ୍ତି ।
ଏହି ଘଟଣାକୁ ନେଇ ବିଧାୟକ ମଦନ ଦିଲାୱର ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି ମୁଖ୍ୟମନ୍ତ୍ରୀଙ୍କ ଅପରାଧୀଙ୍କୁ ଅପରାଧ କରିବାକୁ ମୌଖିକ ନିର୍ଦ୍ଦେଶ ରହିଛି । ଏଠି ଅପରାଧୀ ଧନ ଲୁଟିବା, ମହିଳାଙ୍କୁ ଅପମାନ ଦେବା ଓ ବଳାତ୍କାର କରିବା ଭଳି ଘଟଣାକୁ ଅଣଦେଖା କରାଯାଉଛି ।
इंक़लाब-ए-सुब्ह की कुछ कम नहीं ये भी दलील, पत्थरों को दे रहे हैं आइने खुल कर जवाब। "नफरत छोड़ो भारत जोड़ो" के नारो के साथ यह जनसैलाब देश में भाजपा की विभाजनकारी नीति के खिलाफ राहुल जी के नेतृत्व में एक जन आंदोलन का रूप ले चुका है । pic.twitter.com/PC9LQEfckx
— Divvya Mahepal Madernna (@DivyaMaderna) November 23, 2022
