ନୂଆଦିଲ୍ଲୀ,୭ ।୧୧: ରାହୁଲ ଗାନ୍ଧୀଙ୍କ ନେତୃତ୍ୱରେ କଂଗ୍ରେସର ‘ଭାରତ ଯୋଡୋ ଯାତ୍ରା’ ଆଜି ଅର୍ଥାତ୍ ୭ ନଭେମ୍ବର ସୋମବାର ରାତି ପ୍ରାୟ ୯ଟାରେ ପଡୋଶୀ ରାଜ୍ୟ ତେଲେଙ୍ଗାନାରୁ ମହାରାଷ୍ଟ୍ରର ନାଂଦେଡ ଜିଲାରେ ପ୍ରବେଶ କରିବ । ଦଳ ପକ୍ଷରୁ ରବିବାର ଏହି ସୂଚନା ଦିଆଯାଇଛି । ଜନତାଙ୍କ ସହ ସିଧାସଳଖ ଯୋଡି ହେବା ଲାଗି ପ୍ରୟାସ କରି କଂଗ୍ରେସ ପକ୍ଷରୁ ଆରମ୍ଭ କରାଯାଇଥିବା ଏହି ଯାତ୍ରା ମହାରାଷ୍ଟ୍ରରେ ୧୪ ଦିନ ପର୍ଯ୍ୟନ୍ତ ଚାଲିବ । ଏହି ସମୟ ମଧ୍ୟରେ ଭାରତ ଯୋଡୋ ଯାତ୍ରା ୧୫ ବିଧାନସଭା ଓ ୬ ସଂସଦୀୟ ଅଞ୍ଚଳରେ ବୁଲିବ । ଏହାସହ ରାହୁଲ ଗାନ୍ଧୀ ୧୦ ଓ ୧୮ ନଭେମ୍ବରରେ ରଜ୍ୟରେ ଦୁଇଟି ଜନସଭାକୁ ସମ୍ବୋଧନ ଦେବେ ।
ମହାରାଷ୍ଟ୍ର ପ୍ରଦେଶ କଂଗ୍ରେସ କମିଟି କହିଛି ତାମିଲନାଡୁର କନ୍ୟାକୁମାରୀରୁ ୭ ସେପ୍ଟେମ୍ବରରେ ଆରମ୍ଭ ହୋଇଥିବା ଭାରତ ଯୋଡୋ ଯାତ୍ରା ରବିବାର ୬୧ ଦିନରେ ପହଞ୍ଚିଛି ।
