ନିୟମ ଉଲ୍ଲଂଘନ କରି ଚାଲିଛି କ୍ୱାରି

କେନ୍ଦୁଝର,୧୧|୧୧(ସ୍ବ.ପ୍ର.) କେନ୍ଦୁଝର ସଦର ତହସିଲ ଅନ୍ତର୍ଗତ ଟିକରପଡ଼ା ମୌଜାରେ ୪.୮୫ ହେକ୍ଟର ପରିମିତ ଅଞ୍ଚଳରେ ଚାଲିଥିବା ପଥର ଖଣିରେ ବ୍ୟାପକ ନୀତିନିୟମ ଉଲ୍ଲଂଘନ ହେଉଥିଲେ ହେଁ ପଦକ୍ଷେପ ନିଆଯାଉ ନ ଥିବାରୁ ଅସନ୍ତୋଷ ବଢୁଛି। ପ୍ରଦୂଷଣ ନିୟନ୍ତ୍ରଣ ଆଇନର ଖୋଲାଖୋଲି ଉଲ୍ଲଂଘନ ହେଉଥିବାରୁ ସ୍ଥାନୀୟ ଲୋକ ହଇରାଣ ହେଉଛନ୍ତି। ଉପଯୁକ୍ତ ତଦାରଖ ଅଭାବରୁ ମାଇନିଂ ପ୍ଲାନର ଉଲ୍ଲଂଘନ କରାଯାଇ ଖଣିଖନନ ଚାଲୁଥିବାରୁ ପରିବେଶ ଉପରେ ଏହାର କୁପ୍ରଭାବ ପଡୁଛି।
ଖଣିର ସୀମା ପିଲାର ପୋତା ଯାଇ ନ ଥିବା ଏବଂ ଓଭର ବର୍ଡନ (ବର୍ଜ୍ୟବସ୍ତୁ) ରଖିବା ପାଇଁ ସ୍ଥାନ ନିର୍ଦ୍ଧାରିତ ହୋଇ ନ ଥିବାରୁ ବ୍ୟାପକ ପରିବେଶ ପ୍ରଦୂଷଣ ହେବା ସହ ଖଣି ପରିସର ଅସୁରକ୍ଷିତ ହୋଇପଡିଛି। ଠିକ ପରିଚାଳନା ହେଉ ନ ଥିବାରୁ ଖଣିର ବଡ଼ ବଡ଼ ପଥର ଖଣ୍ଡ ତଳକୁ ଖସି ପଡୁଥିବାରୁ ଚଲାବୁଲା କରୁଥିବା ଗୃହପାଳିତ ପ୍ରାଣୀ ତଥା ମଣିଷଙ୍କ ପାଇଁ ବିପଦ ସୃଷ୍ଟି କରୁଛି। ଧୂଳିଧୂଆଁ ପ୍ରଦୂଷଣ ନିୟନ୍ତ୍ରଣ ପାଇଁ ପଦକ୍ଷେପ ନିଆଯାଉ ନ ଥିବାରୁ ଧୂଳିଉଡି ଆଖପାଖ ଗ୍ରାମ ଓ ଚାଷ ଜମିରେ ପଡୁଛି। ସେହିପରି ବର୍ଷା ଦିନରେ ଖଣିର ମଇଳା ପାଣି ଗଡ଼ି ନିକଟସ୍ଥ ଚାଷ ଜମି ଓ ନାଳରେ ପଡି ଜଳ ଓ ମୃତ୍ତିକା ପ୍ରଦୂଷିତ କରୁଛି। ଚୁକ୍ତି ଅନୁଯାୟୀ ରାସ୍ତାଘାଟ ତଥା ଖଣି ପରିସରରେ ଜଳ ସିଞ୍ଚନ ହେଉ ନ ଥିବାରୁ ବହୁ ପରିମାଣରେ ବାୟୁ ପ୍ରଦୂଷିତ ହେଉଛି। ସେହିପରି ନିୟମିତ ଯାଞ୍ଚ ହେଉ ନ ଥିବାରୁ କେତେ ପରିମାଣର ପଥର ଉତ୍ତୋଳନ ହେଉଛି ଓ ପରିବହନ ହେଉଛି ଠିକ ତଥ୍ୟ କାହା ପାଖରେ ନାହିଁ। ଫଳରେ ଚୋରା କାରବାର ଚାଲିଥିବା ଅଭିଯୋଗ ହେଉଛି। ନିୟମ ଅନୁସାରେ ଖନନ ପରେ ପଥର ଖଣ୍ଡକୁ ନିର୍ଦ୍ଦିଷ୍ଟ ଜାଗାରେ ଷ୍ଟକ କରି ତାହାର ମାପଚୁପ ପରେ ପରିବହନ କରାଯିବା କଥା। ବାର୍ଷିକ ୮୧୪୫ କ୍ୟୁବିକ ମିଟର ମେଟାଲ ଏବଂ ଗ୍ରାନାଇଟ ଷ୍ଟୋନ ଉତ୍ତୋଳନ କ୍ଷମତା ବିଶିଷ୍ଟ ଏହି ଖଣିରୁ ଅଦ୍ୟାବଧି କେତେ ପଥର ଉତ୍ତୋଳନ ହୋଇ ଚାଲାଣ ହୋଇଛି ତାହାର ଠିକ୍‌ ତଥ୍ୟ ରାଜସ୍ବ ବିଭାଗ ପାଖରେ ନାହିଁ। ଫଳରେ ମାତ୍ରାଧିକ ଖଣି ଖନନ ଯୋଗୁ ବ୍ୟାପକ ରାଜସ୍ବହାନି ଘଟୁଛି ବୋଲି ଅଭିଯୋଗ ହେଉଛି ା ଏହାର ଠିକ ତଥ୍ୟ ଲିଜ୍‌ଧାରୀ ସ୍ଥାନୀୟ ରାଇସୁଆଁ ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟକୁ ସୂଚନା ଦେଉ ନ ଥିବା ଆରଆଇ ଯୁଗଳ କିଶୋର ପାତ୍ର କହିଛନ୍ତି। ମହାଦେଇଯୋଡା ଗ୍ରାମର ନାଣ୍ଡୁ ମୁଣ୍ଡା କହିଛନ୍ତି ପଥର ଖଣି ଆରମ୍ଭ ହେବା ପରେ ବାୟୁ ପ୍ରଦୂଷଣ ବଢୁଛି ଏବଂ ଗଛପତ୍ରରେ ଧୂଳିଉଡି ପଡୁଥିବାରୁ ଗୃହପାଳିତ ପ୍ରାଣୀଙ୍କ ପାଇଁ ସମସ୍ୟା ଦେଖାଦେଇଛି। ଖଣି ଆରମ୍ଭ ହେବା ପୂର୍ବରୁ ଉକ୍ତ ସ୍ଥାନରେ ବହୁ ଗଛ ଥିଲା ଏବେ ସେସବୁ ନଷ୍ଟ ହୋଇଯାଇଛି। ଏ ନେଇ ପ୍ରଦୂଷଣ ନିୟନ୍ତ୍ରଣ ବୋର୍ଡର ଆଞ୍ଚଳିକ ଅଧିକାରୀ ଇଂ.ପୁଷ୍କର ଚନ୍ଦ୍ର ବେହେରାଙ୍କୁ ପଚାରିବାରୁ ପ୍ରଦୂଷଣ ନିୟନ୍ତ୍ରଣ ଆଇନର ଉଲ୍ଲଂଘନ ହୋଇ ଖଣି ଖନନ ହେଉଥିଲେ ପଦକ୍ଷେପ ନିଆଯିବ। ସଦର ଉପଜିଲାପାଳ ରାମଚନ୍ଦ୍ର କିସ୍କୁ କହିଛନ୍ତି, ମାଇନିଂ ପ୍ଲାନ ଉଲ୍ଲଘଂନ ବା ଅନ୍ୟ କୌଣସି ବେଆଇନ କାମ ହୋଇଥିଲେ ଯାଞ୍ଚ କରି କାର୍ଯ୍ୟାନୁଷ୍ଠାନ ହେବ।


Enter your email to get our daily news in your inbox.

All Right Reserved By Dharitri.Com

ଧର୍ମାନ୍ତରୀକରଣ ରୋକିବା ପାଇଁ ଜିଲାପାଳଙ୍କ ହସ୍ତକ୍ଷେପ ଲୋଡ଼ିଲେ ଗ୍ରାମବାସୀ

କେନ୍ଦୁଝର,୫ା୧୧(ସ୍ବ.ପ୍ର.): ଧର୍ମାନ୍ତରୀକରଣ ରୋକିବା ପାଇଁ କେନ୍ଦୁଝର ଜିଲା ସାହାରପଡ଼ା ବ୍ଲକ ଡାଳପକା ପଞ୍ଚାୟତର ସୁନାପୋଷୀ ଓ ଗୋପୀନାଥପୁର ଗ୍ରାମର ଅଧିବାସୀମାନେ ଗୁରୁବାର ଜିଲାପାଳଙ୍କ କାର୍ଯ୍ୟାଳୟକୁ ଆସି...

ଲକ୍‌ଡାଉନ ନିୟମ ଭାଙ୍ଗି ୮ ଯୁବକଙ୍କ ନାମରେ ମାମଲା

ହାଟଡିହୀ, ୨୬।୪(ଡି.ଏନ.ଏ.)-କେନ୍ଦୁଝର ଜିଲା ହାଟଡିହୀ ବ୍ଲକ ସୋସୋ ଥାନା ଅଞ୍ଚଳରେ ଲକ୍‌ଡାଉନ ନିୟମ ଉଲ୍ଲଂଘନ ଅଭିଯୋଗରେ ୮ଜଣଙ୍କ ନାମରେ ମାମଲା ରୁଜୁ ହୋଇଛି। ଏମାନେ ସମସ୍ତେ...

ପାଟଣା ସବଷ୍ଟେଶନ ଦେଖିଲେ ବିଧାୟକ

ପାଟଣା,୬।୬(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ବ୍ଲକ ମୁଖ୍ୟାଳୟସ୍ଥିତ ସବଷ୍ଟେଶନକୁ ଘଟଗାଁ ବ୍ଲକ ଟିକିରା ଗ୍ରୀଡରୁ ବିଦ୍ୟୁତ ସଂଯୋଗରେ ବିଳମ୍ବ ହେଉଥିବାରୁ ଏନେଇ ପାଟଣା ଅଞ୍ଚଳରେ ଦିନକୁ ଦିନ...

ସାନଘାଗରା ନିକଟରେ ୧୬ ଟିକିଆ ହାତୀପଲ

କେନ୍ଦୁଝର,୮ା୪ (ସ୍ବ.ପ୍ର.) ପ୍ରସିଦ୍ଧ ସାନଘାଗରା ଜଳ ପ୍ରପାତକୁ ପର୍ଯ୍ୟଟକଙ୍କ ଆଗମନ ବଢୁଛି। ଜଳପ୍ରପାତ ବୁଲିବା ସହ ପ୍ରାକୃତିକ ପରିବେଶ ଓ ବୋଟିଂର ମଜା ଉଠାଉଛନ୍ତି। ତେବେ...

‘ସହରବାସୀଙ୍କ ସମସ୍ୟାକୁ ପ୍ରାଧାନ୍ୟ ଦିଆଯିବ’

କେନ୍ଦୁଝର,୧୮ା୩ (ସ୍ବ.ପ୍ର.) କେନ୍ଦୁଝରଗଡ ପାୈରପରିଷଦ ନିର୍ବାଚନ ପରିପ୍ରେକ୍ଷୀରେ ପୌରାଞ୍ଚଳର ସାମୂହିକ ବିକାଶ ପାଇଁ ଭାଜପା ପକ୍ଷରୁ ବିଂଶସୂତ୍ରୀ ଘୋଷଣାନାମା ଗୁରୁବାର ଜାରି କରାଯାଇଛି। ଜିଲା ଭାଜପା...

ସ୍ତ୍ରୀଙ୍କୁ ହତ୍ୟା କରି ଫେରାର ଥିଲେ ସ୍ବାମୀ: ବିସ୍ଫୋରକ, ବାରୁଦ ସାମଗ୍ରୀ ବୋଝେଇ ଗାଡ଼ି ସହ ପଡିଲେ ଧରା

ଯୋଡ଼ା,୧୭।୭(ଡି.ଏନ୍‌.ଏ.): କେନ୍ଦୁଝର ଜିଲା ଯୋଡ଼ା ସହର ଉପକଣ୍ଠ ଦେଇ ଯାଇଥିବା ୫୨୦ ନଂ. ଜାତୀୟ ରାଜପଥର ରଣାଶାଳ ଘାଟି ନିକଟରୁ ଗୁରୁବାର ଯୋଡ଼ା ପୋଲିସ ବିସ୍ଫୋରକ...

କୃଷି ଆଇନକୁ ବିରୋଧ: କଂଗ୍ରେସର ରାଜପଥ ଅବରୋଧ

ପାଟଣା,୨୭।୯(ସ୍ବ.ପ୍ର.): କେନ୍ଦ୍ର ସରକାରଙ୍କ ଦ୍ୱାରା ପ୍ରଣୀତ ନୂଆ କୃଷି ଆଇନ ପ୍ରତ୍ୟାହାର ଦାବିରେ ସଂଯୁକ୍ତ କୃଷକ ମୋର୍ଚ୍ଚା ସାରା ଦେଶରେ ସୋମବାର ୧୦ ଘଣ୍ଟିଆ ଭାରତ...

ଖଣି କମ୍ପାନୀ ସମ୍ମୁଖରେ ଧାରଣାରତ ଲୋକଙ୍କୁ ଆକ୍ରମଣ ଉତ୍ତେଜନା, ଥାନାରେ ଏତଲା

ଯୋଡ଼ା, ୬।୧୨(ଡି.ଏନ.ଏ.)-କେନ୍ଦୁଝର ଜିଲା ଯୋଡା ବ୍ଲକ ତଥା ବାମେବାରୀ ଥାନା ଅନ୍ତର୍ଗତ ଜୁରୁଡି ଖଣିରେ ଗୁରୁବାର ଧାରଣାରତ ଲୋକଙ୍କୁ କେତେଜଣ ବ୍ୟକ୍ତି ଆକ୍ରମଣ କରିଛନ୍ତି ା...

Advertisement
Archives

Model This Week