ମସ୍କୋ/ଓ୍ବାଶିଂଟନ, ୧୩।୩ : ରୁଷିଆ ରାଷ୍ଟ୍ରପତି ବ୍ଲାଡିମୀର ପୁଟିନ୍ ଆମେରିକା ପ୍ରତିପକ୍ଷ ଜୋ ବାଇଡେନ୍ଙ୍କ ପ୍ରଶାସନକୁ ଧମକ ଦେଇଛନ୍ତି। ୟୁକ୍ରେନ୍କ ଅସ୍ତ୍ରଶସ୍ତ୍ର ଯୋଗାଇଲେ ପରିଣତି ଭୟଙ୍କର ହେବ ବୋଲି ସେ ଚେତାବନୀ ଦେଇଛନ୍ତି। ରୁଷିଆ ଡେପୁଟି ବୈଦେଶିକ ମନ୍ତ୍ରୀ ସର୍ଗେଇ ରିୟାବକୋଭ କହିଛନ୍ତି ଯେ ୟୁକ୍ରେନକୁ ଅସ୍ତ୍ର ପଠାଇଲେ ଆମେରିକାକୁ ଭୟଙ୍କର ପରିଣାମ ଭୋଗିବାକୁ ପଡ଼ିବ। ତେଣୁ ଆମେରିକା ଯୁଦ୍ଧରୁ ଦୂରେଇ ରହିବା ଆବଶ୍ୟକ ବୋଲି ସେ କହିଛନ୍ତି।
ୟୁକ୍ରେନକୁ ବିଦେଶୀ ଅସ୍ତ୍ରଶସ୍ତ୍ର ଯୋଗାଉଥିବା କନଭେନଶନ ରୁଷିଆ ସଶସ୍ତ୍ର ବାହିନୀର ଟାର୍ଗେଟ ହେବ ବୋଲି ସେ କହିଛନ୍ତି। ସେ ଏହା ମଧ୍ୟ କହିଛନ୍ତି ଯେ ଆମେରିକା ଏବଂ ପାଶ୍ଚାତ୍ୟ ଦେଶ ବିରୁଦ୍ଧରେ ପ୍ରତିଶୋଧ ପରାୟଣତାର ତାଲିକା ପ୍ରସ୍ତୁତ କରାଯାଉଛି ଏବଂ ଏହା ଶୀଘ୍ର ସାର୍ବଜନୀନ କରାଯିବ।
ରାୟାବକୋଭ କହିଛନ୍ତି ଯେ ୱାଶିଂଟନ ଚାହିଁଲେ ରୁଷିଆ ଆମେରିକା ସହ ସୁରକ୍ଷା କଥାବାର୍ତ୍ତା ଆରମ୍ଭ କରିପାରିବ। ପରିସ୍ଥିତି ପରିବର୍ତ୍ତନ ହୋଇଥିବାରୁ ସୁରକ୍ଷା ଗ୍ୟାରେଣ୍ଟି ଉପରେ ରୁଷିଆର ପ୍ରସ୍ତାବ ସମ୍ପୂର୍ଣ୍ଣ ରୂପେ କାର୍ଯ୍ୟକାରୀ ହେବ ନାହିଁ ବୋଲି ସେ କହିଛନ୍ତି। ୟୁକ୍ରେନ ଦାବି କରିଛି ଯେ ସାମରିକ ସେବା ପାଇଁ ୟୁକ୍ରେନ ବିରୁଦ୍ଧରେ କାର୍ଯ୍ୟ କରୁଥିବା ଲୋକଙ୍କୁ ନିଯୁକ୍ତି ଦେବା ଲାଗି ରୁଷିଆର କମାଣ୍ଡ ଏକ ତାଲିକା ପ୍ରସ୍ତୁତ କରିଛି।
ବାଇଡେନ କହିଛନ୍ତି ଯେ ୟୁକ୍ରେନ ବିରୋଧରେ ଚାଲିଥିବା ଯୁଦ୍ଧରେ ପୁଟିନ କଦାପି ବିଜୟୀ ହେବେ ନାହିଁ। ଯେପରି ଆମେ ୟୁକ୍ରେନକୁ ସମର୍ଥନ କରୁଛୁ, ସେହିପରି ୟୁରୋପର ଆମର ସହଯୋଗୀମାନେ ମଧ୍ୟ ଏକାଠି ଏହାର ପ୍ରତିରୋଧ କରିବେ।
