ମୁମ୍ବାଇ,୧।୪: ପଞ୍ଜାବ କିଙ୍ଗସକୁ ୧୩୭ ରନ୍ରେ ଅଟକାଇଛି କୋଲକାତା ନାଇଟ୍ ରାଇଡର୍ସ । ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳାଯାଉଥିବା ଆଇପିଏଲ୍ର ୮ମ ମୁକାବିଲାରେ ପୁଣିଥରେ କୋଲକାତା ଲାଗି ଚମକିଛନ୍ତି ଉମେଶ ଯାଦବ। ଉମେଶଙ୍କ ୪ ଉଇକେଟ ସଫଳତା ବଳରେ ପଞ୍ଜାବ ୧୮.୫ ଓଭରରେ ୧୩୭ ରନ୍ରେ ଅଲଆଉଟ ହୋଇଛି। ଫଳରେ କୋଲାକତାକୁ ଦ୍ୱିତୀୟ ବିଜୟ ପାଇଁ ୧୩୮ ରନ୍ର ଟାର୍ଗେଟ ମିଳିଛି। ଜବାବରେ କୋଲକାତା ୬ ଓଭରରେ ୨ ଉଇକେଟ ହରାଇ ୫୧ ରନ୍ କରିଛି। ଦଳକୁ ବିଜୟ ଲାଗି ୮୭ରନ୍ର ଆବଶ୍ୟକତା ରହିଛି।
ଏହି ମ୍ୟାଚ୍ରେ ଟସ ଜିତି କୋଲକାତା ଅଧିନାୟକ ଶ୍ରେୟସ ଆୟର ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ। କୋଲକାତା ପକ୍ଷରୁ ଉମେଶ ସର୍ବାଧିକ ୪ଟି ୱିକେଟ ନେଇଥିବା ବେଳେ ସାଉଦ ୨ଟି, ନାରିନ, ରସେଲ ଓ ମାଭି ଗୋଟିଏ ଲେଖାଏ ସଫଳତା ପାଇଛନ୍ତି।
