କର୍ଲାମୁଣ୍ଡା,୨୦।୫(ପ୍ରଦୀପ କୁମାର ସାହୁ): ବୁଧବାର ଯୁକ୍ତ ଦୁଇ ପରୀକ୍ଷା ଫଳ ପ୍ରକାଶ ପାଇଛି। ଏଥିରେ କଲାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ରିଶିଡା ସ୍ଥିତ ଜେ.କେ ଉଚ୍ଚ ମାଧ୍ୟମିକ ବିଦ୍ୟାଳୟ ଛାତ୍ର ବାଜି ମାରିଛନ୍ତି । ବିକାଶ ଗହୀର ଯୁକ୍ତ ଦୁଇ କଳା ପରୀକ୍ଷାରେ ୫୩୬ (୮୯.୩୩%) ମାର୍କ ରଖି ବ୍ଲକ୍ ଟପ୍ପର ହୋଇଥିବା ବେଳେ ଯୁକ୍ତ ଦୁଇ ବିଜ୍ଞାନ ପରୀକ୍ଷାରେ ଗୁରୁଦେବ ଶ୍ରୀରାମ ଚନ୍ଦ୍ର ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ଶିଶାଖାଲ ଛାତ୍ର ପ୍ରିନ୍ସ ରଣା ୪୯୦ (୮୧.୩୩%) ମାର୍କ ରଖି ଟପ୍ପର ହୋଇଥିବା ଜଣା ପଡିଛି।
ସେହିପରି ବ୍ଲକ୍ ସଦର ସ୍ଥିତ ଯୁକ୍ତ ଦୁଇ ଉଚ୍ଚ ମାଧ୍ୟମିକ ବିଦ୍ୟାଳୟ ୧୩୯ ପରୀକ୍ଷାର୍ଥୀଙ୍କ ମଧ୍ଯରୁ ପ୍ରଥମ ଶ୍ରେଣୀ ୧୨ ଜଣ, ଦ୍ୱିତୀୟ ଶ୍ରେଣୀରେ ୨୯ ଜଣ, ତୃତୀୟ ଶ୍ରେଣୀ ୮୫ ଜଣ ଉତ୍ତୀର୍ଣ୍ଣ ହୋଇଛନ୍ତି । ତେରେସିଙ୍ଗା ଯୁକ୍ତ ଦୁଇ ଉଚ୍ଚ ମାଧ୍ୟମିକ ବିଦ୍ୟାଳୟ ର ୧୨୬ ପରୀକ୍ଷାର୍ଥୀଙ୍କ ମଧ୍ଯରୁ ପ୍ରଥମ ଶ୍ରେଣୀ ୧୦ ଜଣ ଦ୍ୱିତୀୟ ଶ୍ରେଣୀ ୩୧ ଜଣ ଓ ତୃତୀୟ ଶ୍ରେଣୀ ୮୫ ଜଣ ଛାତ୍ରୀଛାତ୍ର ଉତ୍ତୀର୍ଣ୍ଣ ହୋଇଛନ୍ତି। ବ୍ଲକର ହରଗୌରୀ ଉଚ୍ଚ ମାଧ୍ୟମିକ ବିଦ୍ୟାଳୟ କୁଶୁର୍ଲାର ୨୭୬ ପରୀକ୍ଷାର୍ଥୀଙ୍କ ମଧ୍ଯରୁ ପ୍ରଥମ ଶ୍ରେଣୀ ୨୩, ଦ୍ୱିତୀୟ ଶ୍ରେଣୀ ୪୮ ଓ ତୃତୀୟ ଶ୍ରେଣୀ ୧୨୫ ଛାତ୍ରୀ ଛାତ୍ର ଉତ୍ତୀର୍ଣ୍ଣ ହୋଇଛନ୍ତି। ସେହିଭଳି ଗୁରୁଦେବ ଶ୍ରୀରାମଚନ୍ଦ୍ର ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ଶିଶାଖାଲ ର୫୯ ପରୀକ୍ଷାର୍ଥୀ ମଧ୍ଯରୁ ପ୍ରଥମ ଶ୍ରେଣୀ ୫୬ ଓ ଦ୍ୱିତୀୟ ଶ୍ରେଣୀ ୩ ଜଣ ଛାତ୍ରୀ ଛାତ୍ର ଉତ୍ତୀର୍ଣ୍ଣ ହୋଇ ରେକର୍ଡ ସୃଷ୍ଟି କରିଛନ୍ତି।
ଶିଶାଖାଲ ଯୁକ୍ତ ଦୁଇ କଳା ପରୀକ୍ଷାରେ ୫୬ ଜଣ ପରୀକ୍ଷା ଦେଇଥିଲେ ଓ ଏଥିରେ ପ୍ରଥମ ଶ୍ରେଣୀ ୩ ଜଣ, ଦ୍ୱିତୀୟ ଶ୍ରେଣୀ ୪୦ ଜଣ ଓ ୧୩ ଜଣ କମ୍ପାଲମେଣ୍ଟ ପାଇଥିବା ସୂଚନା ମିଳିଛି। ରିଶୀଡା ଜେ.କେ ଉଚ୍ଚ ମାଧ୍ୟମିକ ବିଦ୍ୟାଳୟରେ ମୋଟ୍ ୨୩୫ ପରୀକ୍ଷାର୍ଥୀଙ୍କ ମଧ୍ଯରୁ ପ୍ରଥମ ଶ୍ରେଣୀରେ ୭୫ ଜଣ, ଦ୍ୱିତୀୟ ଶ୍ରେଣୀରେ ୪୯ ଜଣ ଓ ତୃତୀୟ ଶ୍ରେଣୀରେ ୮୧ ଜଣ ଛାତ୍ରୀଛାତ୍ର ଉତ୍ତୀର୍ଣ୍ଣ ହୋଇଥିବା ଜଣା ପଡିଛି । ତେରେସିଙ୍ଗା ସ୍ଥିତ ପୀରବତି ମହିଳା ଯୁକ୍ତ ଦୁଇ ଉଚ୍ଚ ମାଧ୍ୟମିକ ବିଦ୍ୟାଳୟ ମୋଟ୍ ୨୫ ଜଣ ଛାତ୍ରୀଛାତ୍ରଙ୍କ ମଧ୍ଯରୁ ପ୍ରଥମ ଶ୍ରେଣୀ ୪ଜଣ, ଦ୍ୱିତୀୟ ଶ୍ରେଣୀ ୯ ଜଣ ଓ ତୃତୀୟ ଶ୍ରେଣୀ ୧୦ ଜଣ ଛାତ୍ରୀଛାତ୍ର ଉତ୍ତୀର୍ଣ୍ଣ ହୋଇଛନ୍ତି।
