ଲଣ୍ଡନ,୧।୯: ଇଂଲଣ୍ଡ ବିପକ୍ଷରେ ଗୁରୁବାର ଠାରୁ ଚତୁର୍ଥ ଟେଷ୍ଟ ଆରମ୍ଭ ହେବା ପୂର୍ବରୁ ଭାରତୀୟ ଦଳରେ ସାମିଲ ହୋଇଛନ୍ତି ଯୁବ ପେସର ପ୍ରସିଦ୍ଧ କ୍ରିଷ୍ଣା। ଟିମ୍ ମ୍ୟାନେଜମେଣ୍ଟର ଅନୁରୋଧ ପରେ ଏଭଳି ନିଷ୍ପତ୍ତି ନିଆଯାଇଥିବା ବିସିସିଆଇ ପକ୍ଷରୁ କୁହାଯାଇଛି।
ଇଂଲଣ୍ଡ ଗସ୍ତ କରିଥିବା ଭାରତୀୟ ଦଳ ସହ ଷ୍ଟାଣ୍ଡ୍ବାଇ ଖେଳାଳି ଭାବେ ସ୍ଥାନ ପାଇଥିଲେ ପ୍ରସିଦ୍ଧ। ସେବେଠାରୁ ସେ ଅନ୍ୟ ଖେଳାଳିଙ୍କ ସହ ଟ୍ରେନିଂ ଓ ଟ୍ରାଭେଲ କରିଆସୁଥିଲେ। ଏପର୍ଯ୍ୟନ୍ତ ଟେଷ୍ଟରେ ସୁଯୋଗ ପାଇ ନ ଥିବା ପ୍ରସିଦ୍ଧ ଚଳିତ ବର୍ଷ ମାର୍ଚ୍ଚରେ ଇଂଲଣ୍ଡ ବିପକ୍ଷରେ ଅନ୍ତର୍ଜାତୀୟ ପଦାର୍ପଣ କରିଥିଲେ। ଭାରତ ପକ୍ଷରୁ ସେ କେବଳ ୩ଟି ଦିନିକିଆ ମ୍ୟାଚ୍ ଖେଳିଛନ୍ତି। ଅନ୍ୟପକ୍ଷରେ ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ଆଣ୍ଠୁ ସମସ୍ୟା ସେତେ ଗୁରୁତର ନୁହେଁ। ଏଣୁ ସେ ଚତୁର୍ଥ ଟେଷ୍ଟ ଲାଗି ଉପଲବ୍ଧ ରହିବେ।
