ନୂଆଦିଲ୍ଲୀ,୫ ।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଅର୍ଥାତ୍ ୫ ନଭେମ୍ବରକୁ ହିମାଚଳ ପ୍ରଦେଶର ଦୁଇଟି ସ୍ଥାନରେ ନିର୍ବାଚନ ରାଲିକୁ ସମ୍ବୋଧନ କରିବେ । ସେଡ୍ୟୁଲ ଅନୁଯାୟୀ, ମୋଦି ଦିନ ୧ଟା ବେଳେ ମଣ୍ଡି ଜିଲାର ସୁନ୍ଦର ନଗରରେ ରାଲିକୁ ସମ୍ବୋଧନ ଦେବେ । ଏହାସହ ଦିନ ୩ଟାରେ ସୋଲାନରେ ଜନସଭାକୁ ସମ୍ବୋଧିତ କରିବେ । ମୋଦିଙ୍କର ଏହା ହିମାଚଳ ପ୍ରଦେଶକୁ ଏକ ଦିବସୀୟ ଯାତ୍ରା । ହିମାଚଳ ପ୍ରଦେଶ ପହଞ୍ଚିବା ପରେ ମୋଦି ପ୍ରଥମେ ପଞ୍ଜାବ ସ୍ଥିତ ଡେରା ବ୍ୟାସ ପହ୍ଚିବେ । ହିମାଚଳ ଓ ପଞ୍ଜାବ ଉଭୟ ସ୍ଥାନରେ ମୋଦିଙ୍କ ଗସ୍ତକୁ ନେଇ କଡା ସୁରକ୍ଷା ବ୍ୟବସ୍ଥା କରାଯାଇଛି । ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ଜୟରାମ ଠାକୁର ମୋଦିଙ୍କ ଗସ୍ତକୁ ନେଇ କରାଯାଇଥିବା ପ୍ରସ୍ତୁତିର ସମିକ୍ଷା କରିଥିଲେ । ସେ କହିଛନ୍ତି ପ୍ରଧାନମନ୍ତ୍ରୀ ମୋଦିଙ୍କ ରାଲି ଐତିହାସିକ ହେବ । ରାଜ୍ୟର ଜନତାଙ୍କୁ ମୋଦିଙ୍କ ମାର୍ଗଦର୍ଶନ ମିଳିବ, ଜନତା ପରମ୍ପରା ବଦଳିବ ଓ ଭାଜପାକୁ ପୁଣିଥରେ ଶାସନ କ୍ଷମତା ଦିଆଯିବ ।
