Advertisement

ଜଣେ ଅଧିକାରୀଙ୍କ ନିୟନ୍ତ୍ରଣରେ ଚାଲିଛି ମହୋତ୍ସବ

ପାରାଦୀପ,୫।୧୧(ସ୍ବ.ପ୍ର.): ପାରାଦୀପ କଳିଙ୍ଗ ବାଲିଯାତ୍ରା ମହୋତ୍ସବ ନଭେମ୍ବର ୭ରୁ ଆରମ୍ଭ ହେବ। ଗତ ୩ ଦଶନ୍ଧି ଧରିସମୁଦ୍ର ବେଳାଭୂମିରେ (ଅଧୁନା ବିଜୁ ମଇଦାନ ) ଏହି ମହୋତ୍ସବ ହୋଇଆସୁଛି। ସମୟ ବଢିବା ସହ କଳେବର ବୃଦ୍ଧି ପାଇଛି ଏବଂ ଅନ୍ୟତମ ଗଣପର୍ବ ଭାବେ ମାନ୍ୟତା ପାଇଛି। ଏହାକୁ ବାଲିଯାତ୍ରା କମିଟି ପରିଚାଳନା କରୁଛି। ଏଥିରେ ଜିଲାପାଳ ଅଧ୍ୟକ୍ଷ, ଅତିରିକ୍ତ ଜିଲାପାଳ ଉପାଧ୍ୟକ୍ଷ, ନିର୍ବାହୀ ଅଧିକାରୀ ସମ୍ପାଦକ ଥିବାବେଳେ ଅନ୍ୟ ଅଧିକାରୀ, ଜନପ୍ରତିନିଧି ଓ କେତେଜଣ ସାଧାରଣ ଲୋକ ଅଛନ୍ତି। ଏହି ସଂଖ୍ୟା ପ୍ରାୟ ୧୨୦ରୁ ଅଧିକ। ପୂର୍ବରୁ ଏକାଧିକ ଅଧିକାରୀ ଏହାର ସୁପରିଚାଳନା ପାଇଁ ଭିନ୍ନ ଭିନ୍ନ ଦାୟିତ୍ୱରେ ଥିଲେ। ଚଳିତବର୍ଷ ଘଟଣା ଚକ୍ରରେ ଜଣେ ଅଧିକାରୀ ସମସ୍ତ ପ୍ରକାର ଦାୟିତ୍ୱ ନିର୍ବାହ କରୁଛନ୍ତି। ସେ ହେଲେ ଅତିରିକ୍ତ ଜିଲାପାଳ ତଥା ପୌର ନିର୍ବାହୀ ଅଧିକାରୀ କାହ୍ନୁଚରଣ ଧୀର।
୧୯୯୨ରେ କଳିଙ୍ଗ ବାଲିଯାତ୍ରା ଆରମ୍ଭ ହୋଇଥିଲା। ସେତେବେଳେ ଏହାକୁ କେତେଜଣ ଆଗଧାଡିର ଲୋକ ଆରମ୍ଭ କରିଥିଲେ। ବିଭିନ୍ନ ଶିଳ୍ପସଂସ୍ଥାରୁ ଅର୍ଥ ଆଣି ଏହାକୁ ଆୟୋଜନ କରାଯାଉଥିବାରୁ ଏହାକୁ ଉପଯୁକ୍ତ ପରିଚାଳନା ପାଇଁ ୧୯୯୫ରେ ଜିଲା ପ୍ରଶାସନକୁ ହସ୍ତାନ୍ତର କରାଯାଇଛି। ଏହିକ୍ରମରେ ଜିଲା ପ୍ରଶାସନ ସମସ୍ତ ଆୟବ୍ୟୟ ସରକାରୀ ଭାବେ ଅଡିଟ କରି କମିଟି ସଦସ୍ୟଙ୍କୁ ଦେଇଥାନ୍ତି। ଏଥିପାଇଁ ଯୁଗ୍ମ ବ୍ୟାଙ୍କ ଆକାଉଣ୍ଟ ଥିଲା। ୨୦୧୬ ପରଠୁ କୁଜଙ୍ଗ ତହସିଲଦାର ଓ ପାରାଦୀପ ପୌର ନିର୍ବାହୀ ଅଧିକାରୀଙ୍କ ନାମରେ ଉକ୍ତ ଆକାଉଣ୍ଟ ରହିଥିଲା। ଅତିରିକ୍ତ ଜିଲାପାଳଙ୍କ ଅଧୀନରେ ଉକ୍ତ ଖାତା ପରିଚାଳନା ହେଉଥିଲା। ୨୦୧୬ରେ ତତ୍କାଳୀନ ତହସିଲଦାର ଓ ଅତିରିକ୍ତ ଜିଲାପାଳଙ୍କ ମଧ୍ୟରେ କୌଣସି କାରଣ ପାଇଁ ବିବାଦ ଉପୁଜିବାରୁ ଜିଲାପାଳ ଯାମିନୀ ଷଡ଼ଙ୍ଗୀ ହସ୍ତକ୍ଷେପ କରି ଉକ୍ତ ବ୍ୟାଙ୍କ ଆକାଉଣ୍ଟ ଅତିରିକ୍ତ ଜିଲାପାଳଙ୍କ ପାଖକୁ ଆଣିଥିଲେ। ସେବେଠାରୁ ଏପର୍ଯ୍ୟନ୍ତ ତାହା ବଳବତ୍ତର ରହିଛି। ୨୦୧୯ରେ ବାଲିଯାତ୍ରା ଆୟବ୍ୟୟ ହିସାବ କୌଣସି କମିଟି ସଦସ୍ୟଙ୍କୁ ଦିଆଯାଇନାହିଁ। ଏନେଇ ଦୁଇଥର ଜନସୂଚନା ଅଧିକାର ଆଇନ ୨୦୦୫ ଅନୁଯାୟୀ ତଥ୍ୟ ମଗାଯାଇଥିଲା। ମାତ୍ର ଅତିରିକ୍ତ ଜିଲାପାଳଙ୍କ କାର୍ଯ୍ୟାଳୟ ଓ ପୌରପାଳିକା ପକ୍ଷରୁ ଏହି ତଥ୍ୟ ଦିଆଯାଇନାହିଁ। ୨୦୧୮ ଓ ୨୦୧୯ ରେ ମଧ୍ୟ ଧୀର ଅତିରିକ୍ତ ଜିଲାପାଳ ଥିଲେ। ଏବେ ମଧ୍ୟ ସେ ବାଲିଯାତ୍ରା କମିଟିର ଉପାଧ୍ୟକ୍ଷ ଓ ସମ୍ପାଦକ ପଦବୀରେ ଅଛନ୍ତି। ଚଳିତବର୍ଷ ଟେଣ୍ଡର ପେପର ଦାମ ୫ରୁ ୧୦ ହଜାର ଟଙ୍କା ରଖାଯାଇଛି। ପୂର୍ବବର୍ଷ ଗୁଡିକରେ ତାହା ମାତ୍ର ୫ ଶହ ଟଙ୍କା ଥିଲା। ଗତ ସେପ୍ଟେମ୍ବର ୨୨ରେ ୭ ପ୍ରକାର ବାଲିଯାତ୍ରା କାମ ପାଇଁ ଟେଣ୍ଡର (ଚିଠି ନଂ ୫୪୨୮) ହୋଇଛି। ଏହି ଟେଣ୍ଡରରେ ଯଦି ସର୍ବନିମ୍ନ ୪ ଜଣ ଲେଖାଏ ପେପର କିଣିଥିବେ, ଲକ୍ଷାଧିକ ଟଙ୍କା ରୋଜଗାର ହୋଇଥିବ। ଏହାବାଦ ଷ୍ଟଲ ସଂଖ୍ୟା ପୂର୍ବବର୍ଷ ଠାରୁ ଅଧିକ ହୋଇଛି ଏବଂ ୧୦ଫୁଟ ପ୍ରସ୍ଥ ୨୦ ଫୁଟ ଲମ୍ବା ଜାଗା ପାଇଁ ୭ ହଜାର ଟଙ୍କା ଲେଖାଏ ରସିଦ କଟାଯାଉଛି। ମୀନାବଜାର, ଦୋଳି, ଗ୍ରାଉଣ୍ଡ କଲେକସନ, ସାଇକେଲ ଷ୍ଟାଣ୍ଡ ପାଇଁ ଅଲଗା ମୂଲ୍ୟ ରହିଛି। ସବୁଠାରୁ ଅଧିକ ଅର୍ଥ ଆସେ ବିଭିନ୍ନ ଶିଳ୍ପସଂସ୍ଥାରୁ। ଏମିତି ଅନେକ ଉତ୍ସରୁ ଅର୍ଥ ଆସୁଛି ଏବଂ ଖର୍ଚ୍ଚ ହେଉଛି। ଯିଏ ତଦାରଖ କରିବା କଥା ଏବେ ସେହି ଅଧିକାରୀ ଖର୍ଚ୍ଚ କରୁଛନ୍ତି। ହିସାବ ସାର୍ବଜନୀନ ହେଉନାହିଁ। ଏମିତି ଅନେକ ଅସାମଞ୍ଜସ୍ୟ ଘଟଣା ସମ୍ପର୍କରେ ଜିଲାପାଳ ତଥା ବାଲିଯାତ୍ରା କମିଟି ଅଧ୍ୟକ୍ଷ ପଟୱାରୀ ଓ ଉପାଧ୍ୟକ୍ଷ ତଥା ସମ୍ପାଦକ ଧୀରଙ୍କ ସହ ଯୋଗାଯୋଗ କରାଯାଇଥିଲେ ମଧ୍ୟ ସେମାନେ ମୋବାଇଲ୍‌ ଫୋନ ଉଠାଇ ନ ଥିଲେ।


Enter your email to get our daily news in your inbox.

All Right Reserved By Dharitri.Com

ସ୍ବାସ୍ଥ୍ୟସେବା ଗବେଷଣା ପାଇଁ ଢେଙ୍କାନାଳରେ ବିଦେଶୀ ଛାତ୍ରୀ: କଲେଜ ପିଲାଙ୍କ ସହ ମତ ବିନିମୟ କଲେ

ଢେଙ୍କାନାଳ ଅଫିସ, ୨୧।୮-ଗ୍ରାମାଞ୍ଚଳର ସ୍ବାସ୍ଥ୍ୟସେବା ସମ୍ପର୍କରେ ଅଧିକ ଗବେଷଣା କରିବାକୁ ଢେଙ୍କାନାଳରେ ପହଞ୍ଚତ୍ଛନ୍ତି ଯୁକ୍ତରାଷ୍ଟ୍ର ଆମେରିକା ରୋଚେଷ୍ଟର ବିଶ୍ୱବିଦ୍ୟାଳୟର ୫ଜଣ ଛାତ୍ରୀ। ସମ୍ପୃକ୍ତା ବିଦେଶୀ ଛାତ୍ରୀମାନେ...

ଜିଲାସ୍ତରୀୟ ଧାନ ସଂଗ୍ରହ କମିଟି ବୈଠକ: ୮୦ ହଜାର ମେଟ୍ରିକ୍‌ ଟନ୍‌ ଧାନ ସଂଗ୍ରହ ଲକ୍ଷ୍ୟ

ଜଗତ୍‌ସିଂହପୁର ଅଫିସ,୧୬ା୧୧: ଡିସେମ୍ବର ୨୭ରୁ ଧାନ ସଂଗ୍ରହ ପାଇଁ ସରକାର ନିଷ୍ପତ୍ତି ନେଇଛନ୍ତି। ତେଣୁ ଏଥର ଜଗତ୍‌ସିଂହପୁର ଜିଲାରୁ ୮୦,୧୪୯.୨୫ ମେଟ୍ରିକ୍‌ ଟନ୍‌ (ଏମ୍‌ଟି) ଧାନ...

୭ ଦଲାଲ୍‌ଙ୍କୁ ଗିରଫ କଲା ପୋଲିସ

ଅନୁଗୋଳ ଅଫିସ, ୨୫।୨ ଅନୁଗୋଳ ଆଞ୍ଚଳିକ ପରିବହନ କାର୍ଯ୍ୟାଳୟରେ ଦଲାଲି କରୁଥିବା ଅଭିଯୋଗରେ ୭ଜଣଙ୍କୁ ଅନୁଗୋଳ ପୋଲିସ ଗିରଫ କରି ସୋମବାର କୋର୍ଟ ଚାଲାଣ କରିଛି।...

ପକ୍ଷୀଙ୍କ ଶୋଷ ମେଣ୍ଟାଉଛି ଚୁଆ ପାଣି

ମହାକାଳପଡ଼ା, ୬ା୫(ଡି.ଏନ.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳରେ କେତେ ସପ୍ତାହ ହେଲା ବୈଶାଖ ମାସର ଖରା ଓ ଭୀଷଣ ଗୁଳିଗୁଳି ସହ ଗରମ...

ସହର ଭିତରେ ପ୍ରବାସୀଙ୍କ ଭିଡ, ବଢୁଛି ସଂକ୍ରମଣ ଭୟ

ବଲାଙ୍ଗୀର ଅଫିସ, ୨୦ା୫: ବଲାଙ୍ଗୀର ସହରର ବିଭିନ୍ନ ରାସ୍ତାରେ ରାଜ୍ୟ ବାହାର ପ୍ରବାସୀ ଖୋଲାଖୋଲି ବୁଲୁଥିବା ଦେଖାଯାଉଛି। ପ୍ରତିଦିନ ଶତାଧିକ ପ୍ରବାସୀ ବସ୍‌ ଓ ଅନ୍ୟ...

ବାତ୍ୟା ମୁକାବିଲା ଲାଗି ପ୍ରସ୍ତୁତି: ପହଞ୍ଚିଲେ ଏନ୍‌ଡିଆର୍‌ଏଫ୍‌ ଟିମ୍‌

ଭଦ୍ରକ ଅଫିସ, ୯।୧୧- ସମ୍ଭାବ୍ୟ ବାତ୍ୟା ‘ବୁଲ୍‌ବୁଲ୍‌’ର ମୁକାବିଲା ଲାଗି ଭଦ୍ରକ ଜିଲା ପ୍ରଶାସନ ସଜାଗ ଥିଲେ ମଧ୍ୟ ସମୂଦ୍ର କୂଳିଆ ଲୋକେ ନାନା ଆଶା...

ପ୍ରବାସୀଙ୍କୁ ବିଡିଓଙ୍କ ଦୁର୍ବ୍ୟବହାର ପ୍ରସଙ୍ଗ: ବିଡିଓଙ୍କ ନିଲମ୍ବନ ଦାବିରେ ବ୍ଲକ ସମ୍ମୁଖରେ ବିକ୍ଷୋଭ

ଲଙ୍ଗଳେଶ୍ୱର, ୨୭।୫(ଡି.ଏନ.ଏ.)-ପ୍ରବାସୀ ଶ୍ରମିକଙ୍କୁ ବାଲିଆପାଳ ବିଡିଓଙ୍କ ଦୁର୍ବ୍ୟବହାର ଘଟଣା ଇତିମଧ୍ୟରେ ୧୩ ଦିନ ପୂରିଯାଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ଏହାର ପ୍ରତିବାଦ କରି...

ଗାନ୍ଧିଜୀ ଶ୍ରୀମନ୍ଦିର ପରିଦର୍ଶନ କରିଥିଲେ

ପୁରୀ ଅଫିସ୍‌, ୧୫।୩:ଏକ ଐତିହାସିକ ବିଶ୍ୱାସ ରହିଆସିଛି ଯେ, ମହାତ୍ମା ଗାନ୍ଧୀ ପୁରୀ ଶ୍ରୀମନ୍ଦିର ପରିଦର୍ଶନ କରି ନ ଥିଲେ। ଅସ୍ପୃଶ୍ୟମାନଙ୍କୁ ମନ୍ଦିର ପ୍ରବେଶ ନିଷେଧ...

Advertisement
Archives

Model This Week