କେସିଙ୍ଗା,୪ା୭(ତୁମେଶ୍ୱର ସାହୁ): କେସିଙ୍ଗା ବ୍ଲକ ଅନ୍ତର୍ଗତ କଶ୍ରୁପଡ଼ାସ୍ଥିତ ଜନତା ସରକାରୀ ଉଚ୍ଚ ବିଦ୍ୟାଳୟରେ ୭୭ ତମ ବନ ମହୋତ୍ସବ ଶୁକ୍ରବାର ପାଳିତ ହୋଇଯାଇଛି। ପ୍ରଧାନଶିକ୍ଷକ ସୁଧୀର ବିଶିଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ କଶ୍ରୁପଡ଼ା ବନପାଳ ବିଶିକେଶନ କରୁଆଁ, ଫରେଷ୍ଟଗାର୍ଡ ରାଜଲକ୍ଷ୍ମୀ ପ୍ରଧାନ ଓ ସୁଜାତା ବାଗ ଯୋଗଦେଇ ଚାରା ଓ ଆନୁଷଙ୍ଗିକ ସହାୟତା ଯୋଗାଇ ଦେଇଥିଲେ। ବିଦ୍ୟାଳୟର ବିଜ୍ଞାନ ଶିକ୍ଷୟିତ୍ରୀ ସୁଶ୍ରୀସ୍ମିତା ପ୍ରଧାନ, ,ଏନ୍ସିସି ଶିକ୍ଷକ ତିରମ ସୁନାନୀ ରେଡ୍କ୍ରସ ଶିକ୍ଷକ ଗୋବିନ୍ଦ ବ୍ରହ୍ମା ଓ ପିଇଟି ପ୍ରିୟଙ୍କା ବିଶିଙ୍କ ତତ୍ତ୍ୱାବଧାନରେ ବିଦ୍ୟାଳୟର ଶକ୍ତି କ୍ଲବ,ଏନ୍ସିସି ଓ ଜୁନିୟର ରେଡ୍କ୍ରସର ଛାତ୍ରୀଛାତ୍ର ସାମିଲ ହୋଇ ବିଦ୍ୟାଳୟ ହତାରେ ଫଳ ଓ ଔଷଧୀୟ ତଥା ଛାୟା ପ୍ରଦାନକାରୀ ବୃକ୍ଷରୋପଣ କରିଥିଲେ। ଶିକ୍ଷକ ହେମନ୍ତ ପ୍ରଧାନ, ସତ୍ୟରଞ୍ଜନ ଜେନା, ଭୁବନ ମାଝୀ, ଧନଞ୍ଜୟ ମହାପାତ୍ର ଶିକ୍ଷୟତ୍ରୀ ଯାଜ୍ଞସେନୀ ମାଝୀ, ଜ୍ୟୋସ୍ନାମୟୀ ପୃଷ୍ଟି, ଶର୍ମିଷ୍ଠା ପ୍ରଧାନ ଓ କର୍ମଚାରୀ ବିଶ୍ୱନାଥ ରଣା, ସୁଶାନ୍ତ ସାହୁ ଓ ଦେବକୀ ନାଏକ ସମସ୍ତ କାର୍ଯ୍ୟ ତଦାରଖ କରିଥିଲେ। ଶେଷରେ ବିଦ୍ୟାଳୟ ପରିବେଶକୁ ସବୁଜ ସୁନ୍ଦର ଓ ସ୍ବଚ୍ଛ ରଖିବା ପାଇଁ ସମସ୍ତେ ଶପଥ ଗ୍ରହଣ କରିଥିଲେ।
