ଦିଗପହଣ୍ଡି,୪।୭(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଳକ ବମକୋଇ ପଞ୍ଚାୟତ ମଦନମୋହନପୁର ଗ୍ରାମ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ୭୭ତମ ବନ ମହୋତ୍ସବ ସପ୍ତାହ ପାଳନ ଅବସରରେ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଇକୋ କ୍ଳବ ଏବଂ ବିଦ୍ୟାଳୟ କ୍ୟାବିନେଟ ତରଫରୁ ଆୟୋଜିତ ମହୋତ୍ସବରେ ବିଦ୍ୟାଳୟର ସମସ୍ତ ଶିକ୍ଷୟିତ୍ରୀ ଶିକ୍ଷକ,ଛାତ୍ରୀଛାତ୍ର ଏବଂ ନୂଆପଡ଼ା ବନ ବିଭାଗ ସେକ୍ସନର ବନ କର୍ମଚାରୀ ାନେ ଏହି ଚାରା ରୋପଣ କାର୍ଯ୍ୟକ୍ରମରେ ସାମିଲ ଥିଲେ।
ଭାରପ୍ରାପ୍ତ ପ୍ରଧାନ ଶିକ୍ଷକ ଶିବରାମ ପ୍ରଧାନଙ୍କ ସଭାପତିତ୍ୱରେ ଆୟୋଜିତ ସଚେତନତା ସଭାରେ ନୂଆପଡ଼ା ଫରେଷ୍ଟର ଇଶା. ଗଣେଶ, ଫରେଷ୍ଟ ଗାର୍ଡ ବିକ୍ରମ ପଣ୍ଡା, ସୁମିତ୍ରା ପ୍ରଧାନ, ପାରା ବନ କର୍ମଚାରୀ ସଂଗ୍ରାମ ସିଂ, ସାଗର ପ୍ରଧାନଙ୍କ ସମେତ ଶିକ୍ଷୟିତ୍ରୀ ଜ୍ୟୋତି ମହାରଣା , ଶିକ୍ଷକ ନରେନ୍ଦ୍ର ସାହୁ , ରାମଚନ୍ଦ୍ର ପ୍ରଧାନ, ଭଗବାନ ପାତ୍ର ପ୍ରମୁଖ ଜଳବାୟୁ ପରିବର୍ତ୍ତନ ଯୋଗୁ ପରିବେଶ ଉପରେ ଏହାର ପ୍ରଭାବ ଦେଖିବାକୁ ମିଳୁଛି। ତେଣୁ ପରିବେଶର ସନ୍ତୁଳନ ରକ୍ଷା କରିବା ପାଇଁ ପର୍ଯ୍ୟାପ୍ତ ବୃକ୍ଷରୋପଣର ଆବଶ୍ୟକତା ରହିଥିବା ନେଇ ଉପସ୍ଥିତ ଛାତ୍ରୀଛାତ୍ର ଏବଂ ଅଭିଭାବକମାନଙ୍କୁ ଉଦବୋଧନ ଦେଇ ସଚେତନ କରାଇଥିଲେ।
ଏହି ଅବସରରେ ‘ଗଛଟିଏ ମାଆଙ୍କ ନାଁରେ’ କାର୍ଯ୍ୟକ୍ରମ ଜରିଆରେ ବିଦ୍ୟାଳୟର ଚତୁଃପାର୍ଶରେ ବନବିଭାଗ କର୍ମଚାରୀ, ଶିକ୍ଷୟିତ୍ରୀ ଶିକ୍ଷକ ଏବଂ ଛାତ୍ରୀଛାତ୍ରମାନଙ୍କ ଦ୍ବାରା ୫୦ ରୁ ଉର୍ଦ୍ଧ୍ୱ ବିଭିନ୍ନ କିସମର ଔଷଧୀୟ ଚାରା ରୋପଣ କରାଯାଇଥିଲା। ଏଥିସହ ୧୫୦ରୁ ଉର୍ଦ୍ଧ୍ୱ ଚାରା ଅଭିଭାବକ ମାନଙ୍କୁ ବଣ୍ଟନ କରାଯାଇଥିଲା। ଏହି ବନ ମହୋତ୍ସବକୁ ବିଦ୍ୟାଳୟ ଇକୋ କ୍ଳବର ସମସ୍ତ ସଦସ୍ୟ, ଶିକ୍ଷୟିତ୍ରୀ ଶିକ୍ଷକ, ବନ କର୍ମଚାରୀ ବୃନ୍ଦଙ୍କ ସମେତ ଅଙ୍ଗନୱାଡ଼ି କର୍ମୀ ପ୍ରତିମା ଦେବୀ ପ୍ରମୁଖ ପରିଚାଳନା କରିଥିଲେ।
Dharitri – Odisha’s No.1 Odia Daily
