ସାକ୍ଷୀଗୋପାଳ,୧୦।୧ (ସ୍ବ.ପ୍ର./ଡି.ଏନ୍.ଏ.): ପୁରୀ ଜିଲା ସାକ୍ଷୀଗୋପାଳ ମନ୍ଦିର ପଛପାଶର୍ବରେ ପାର୍କିଂ କରିଥିବା ଏକ ତୀର୍ଥଯାତ୍ରୀ ବସ୍ରେ ସୋମବାର ମଧ୍ୟାହ୍ନରେ ନିଅଁା ଲାଗିଯାଇଛି। ବସ୍ର ଯାତ୍ରୀମାନେ ସ୍ନାନ,ଶୌଚ ଓ ମନ୍ଦିର ବୁଲିବାକୁ ଯାଇଥିବା ବେଳେ ଏଭଳି ଅଘଟଣ ଘଟିଥିଲା। ଫଳରେ ଯାତ୍ରୀମାନେ ବର୍ତ୍ତିଯାଇଛନ୍ତି। ହେଲେ ବସ୍ରେ ନିଅଁା ବ୍ୟାପୀ ଯିବାରୁ କିଛି ସମୟ ମଧ୍ୟରେ ସମ୍ପୂର୍ଣ୍ଣ ଜଳିଯାଇଥିଲା। କିନ୍ତୁ ବସ୍ରେ ଥିବା ଯାତ୍ରୀମାନଙ୍କର ଆସବାବପତ୍ର, ଟଙ୍କା, ଜରୁରୀ କାଗଜପତ୍ର ଜଳିଯାଇଛି।
ଅନୁଯାୟୀ, ମଧ୍ୟପ୍ରଦେଶ ଗ୍ବାଲିୟର ଅଞ୍ଚଳରୁ ୩ଟି ବସ୍ରେ ପ୍ରାୟ ୧୨୦ଜଣ ତୀର୍ଥଯାତ୍ରୀ ଗଙ୍ଗାସାଗର ଓ ଚାରିଧାମ ଯାତ୍ରାରେ ବାହାରିଥିଲେ। ପୁରୀରେ ଶ୍ରୀଜଗନ୍ନାଥଙ୍କ ଦର୍ଶନ ପରେ ତୀର୍ଥଯାତ୍ରାର ସାକ୍ଷୀଦେବାକୁ ଶ୍ରୀସାକ୍ଷୀଗୋପାଳ ଠାକୁରଙ୍କ ଦର୍ଶନ ପାଇଁ ସେମାନେ ସାକ୍ଷୀଗୋପାଳରେ ପହଞ୍ଚତ୍ଥିଲେ। ଏଠାରେ ଦର୍ଶନ ସାରି ସେମାନେ ଅପରାହ୍ନରେ ରାମେଶ୍ବର ତୀର୍ଥ ଭ୍ରମଣ କରିବାକୁ ଲକ୍ଷ୍ୟ ରଖିଥିଲେ। ୩ଟି ବସ୍ ସତ୍ୟବାଦୀ ହାଇସ୍କୁଲ ସମ୍ମୁଖ ଓ ସାକ୍ଷୀଗୋପାଳ ମନ୍ଦିର ନିକଟରେ ପାର୍କିଂ କରିବା ସହ କେତେଜଣ ଯାତ୍ରୀ ମନ୍ଦିର ଯାଇଥିବା ବେଳେ ଅନ୍ୟ କେତେଜଣ ସ୍ନାନ ପାଇଁ ଯାଇଥିଲେ। ଏହି ସମୟରେ ମନ୍ଦିର ପଛ ପାର୍ଶ୍ୱରେ ଥିବା ନଂ. ୟୁପି ୭୫ ଏଟି ୧୭୭୬ ବିଶିଷ୍ଟ ବସ୍ର ପଛରୁ ଧୂଅଁା ବାହାରିଥିଲା। ସେଠାରେ ଥିବା ଉପସ୍ଥିତ ବସ୍ କର୍ମଚାରୀ ଏହା ଦେଖି ପାଣି ପକାଇଥିଲେ। କିନ୍ତୁ ବସ୍ର ସିଟ ଓ ଆଗପାର୍ଶ୍ୱ ପ୍ଲାଷ୍ଟିକ ସାମଗ୍ରୀରେ ନିଅଁା ଲାଗି ବ୍ୟାପିଯାଇ ନିମିଷକ ମଧ୍ୟରେ ସମ୍ପୂର୍ଣ୍ଣ ବସ୍କୁ ଲାଗିଯାଇଥିଲା। ଫଳରେ ପ୍ରବଳ ଧୂଆଁ ବାହାରି ଆକାଶରେ ଏକ କଳା ବାଦଲ ଛାଇଯାଇଥିଲା। ଏହା ଦେଖି ସ୍ଥାନୀୟ ଲୋକେ ଓ ଯାତ୍ରୀମାନେ ଭୟଭୀତ ହୋଇଯାଇଥିଲେ। ଖବରପାଇ ସାକ୍ଷୀଗୋପାଳ ଦମକଳ କେନ୍ଦ୍ର ଅଧିକାରୀ ମନୋଜ କୁମାର ପାତ୍ର ଓ ତାଙ୍କ ଟିମ୍ ଘଟଣାସ୍ଥଳରେ ପହଞ୍ଚତ୍ ନିଆଁ ଲିଭାଇଥିଲେ। ପରେ ବିଧାୟକ ଉମାକାନ୍ତ ସାମନ୍ତରାୟ, ବିଡିଓ, ତହସିଲଦାର, ସତ୍ୟବାଦୀ ଥାନାଧିକାରୀ ଓ ପ୍ରଶାସନିକ ଅଧିକାରୀମାନେ ପହଞ୍ଚତ୍ ଯାତ୍ରୀମାନଙ୍କୁ ସାକ୍ଷୀଗୋପାଳ ମନ୍ଦିର ପାନ୍ଥଶାଳାରେ ରହିବା ସହିତ ଖାଦ୍ୟ ଯୋଗାଇଥିଲେ। ସମସ୍ତ ବ୍ୟବସ୍ଥା ସହିତ ଖୁବ ଶୀଘ୍ର ତୀର୍ଥ ଯାତ୍ରୀମାନଙ୍କୁ ସେମାନଙ୍କ ରାଜ୍ୟକୁ ପଠାଇ ଦିଆଯିବାର ବନ୍ଦୋବସ୍ତ କରାଯିବ ବୋଲି ବିଧାୟକ କହିଛନ୍ତି। ଅନ୍ୟପଟେ ସତ୍ୟବାଦୀରେ ଭାଜପା ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର ଏକ କାର୍ଯ୍ୟକ୍ରମରେ ଯୋଗ ଦେବା ପାଇଁ ଆସିଥିବା ବେଳେ ଦୁର୍ଘଟଣା ଖବରପାଇ ଘଟଣାସ୍ଥଳକୁ ଯାଇଥିଲେ। ତେବେ ନିଅଁା ଲାଗିବାର ପ୍ରକୃତ କାରଣ ଜଣାପଡ଼ି ନ ଥିବାବେଳେ ଶଟସର୍କିଟରୁ ନିଅଁା ଲାଗିଥାଇପାରେ ବୋଲି ଅନୁମାନ କରାଯାଉଛି।
