ନବରଙ୍ଗପୁର,୬।୫(ସଦାଶିବ ପ୍ରହରାଜ): ପେଟ୍ରୋଲ ଓ ଡିଜେଲ ଆଧୁନିକ ଜୀବନର ମୂଳ ଶକ୍ତିସ୍ରୋତ। ଏହାର ଅଭାବ କେବଳ ଯାତାୟାତକୁ ନୁହେଁ, ଚାଷୀ, ବ୍ୟବସାୟୀ ଓ ସାଧାରଣ ଲୋକଙ୍କ ଦୈନିକ ଜୀବନକୁ ଗଭୀର ପ୍ରଭାବିତ କରେ। ବର୍ତ୍ତମାନ ସମୟରେ ଏହି ଇନ୍ଧନର ଅଭାବ ଏକ ଗୁରୁତର ସମସ୍ୟା ଭାବେ ଦେଖାଦେଇଛି। ନବରଙ୍ଗପୁର ସହର ଓ ପାଖରେ ରହିଛି ୭ଟି ପେଟ୍ରୋଲ ପମ୍ପ । ବୁଧବାର ଗୋଟିଏ ପେଟ୍ରୋଲ ପମ୍ପରେ ହିଁ ତେଲ ରହିଛି । ଏ ନେଇ ଲମ୍ବା ଲାଇନରେ ଗାଡ଼ି ମଟର ଲାଗିଛି । ପୋଲିସ ଓ ଯୋଗାଣ ବିଭାଗ ଅଧିକାରୀ ପେଟ୍ରୋଲ ପମ୍ପରେ ଠିଆ ହୋଇ ଭିଡ ନିୟନ୍ତ୍ରଣ କରୁଛନ୍ତି । ଏହି ଭଳି ଦୃଶ୍ୟ ନବରଙ୍ଗପୁର ଗଙ୍ଗା ପେଟ୍ରୋଲ ପମ୍ପରେ ଦେଖା ଦେଇଛି । ଏବେ କେଉଁଠି ଡିଜେଲ ନାହିଁ ତ ଆଉ କେଉଁଠି ପେଟ୍ରୋଲ ନାହିଁ । ଉକ୍ତ ୭ଟି ପେଟ୍ରୋଲ ପମ୍ପରେ ୩୩ ହଜାର ୩୭୧ ଲିଟର ଡିଜେଲ ରହିଛି । ୨୯ ହଜାର ୩୩୯ ଲିଟର ରହିଛି। ଅନ୍ୟପକ୍ଷରେ ପେଟ୍ରୋଲ ଟାଙ୍କି ମାନଙ୍କରେ ଅନ୍ୟୁନ ୨ ହଜାର ଲିଟର ପେଟ୍ରୋଲ ଓ ଡିଜେଲ ରହିବ । କିନ୍ତୁ ପମ୍ପ ଉଠାଇବା ନାହିଁ । ଏହିଭଳି ୬ଟି ପେଟ୍ରୋଲ ପମ୍ପ ରହିଥିବା ବେଳେ ଗୋଟିଏ ପେଟ୍ରୋଲ ପମ୍ପରେ ୧୦ ହଜାର ଲିଟର ପେଟ୍ରୋଲ ଓ ୮ ହଜାର ଲିଟର ଡିଜେଲ ରହିଥିଲେ ମଧ୍ୟ ମେଶିିନ ଓ ମଟର ଖରାପ ଦର୍ଶାଇ ତେଲ ଦେଉ ନ ଥିବା ଅଭିଯୋଗ ରହିଛି । ତେବେ ବୁଧବାର ସୁଦ୍ଧା ନବରଙ୍ଗପୁରର ୫ ଟି ପେଟ୍ରୋଲ ପମ୍ପକୁ ୪୧ ହଜାର ୭ଶହ ଲିଟର ପେଟ୍ରୋଲ ଓ ୨୩ ହଜାର ୮ଶହ ଲିଟର ଡିଜେଲ ଆସିବା ବୋଲି ଅତିରିକ୍ତ ଜିଲା ଯୋଗାଣ ଅଧିକାରୀ ଗାୟତ୍ରୀ ପଟ୍ଟନାୟକ ସୂଚନା ଦେଇଛନ୍ତି। ଚାଷୀମାନଙ୍କ ଅବସ୍ଥାକୁ ନଜରକୁ ଆଣିଲେ, ଡିଜେଲ ତାଙ୍କ ପାଇଁ ଅତ୍ୟାବଶ୍ୟକ। ଟ୍ରାକ୍ଟର, ପମ୍ପସେଟ ଓ ଅନ୍ୟାନ୍ୟ କୃଷି ଯନ୍ତ୍ର ପୂରାପୂରି ଡିଜେଲ ଉପରେ ନିର୍ଭର କରେ। ଡିଜେଲ ଅଭାବ ଯୋଗୁ ଚାଷ କାମ ବାଧାପ୍ରାପ୍ତ ହେଉଛି । ବ୍ୟବସାୟୀଙ୍କ ଉପରେ ମଧ୍ୟ ଏହାର ଗୁରୁତର ପ୍ରଭାବ ପଡୁଛି । ପଣ୍ୟ ଓ ସାମଗ୍ରୀ ପରିବହନ ପାଇଁ ଟ୍ରକ ଓ ଅନ୍ୟାନ୍ୟ ଯାନବାହନ ଡିଜେଲ ଉପରେ ନିର୍ଭରଶୀଳ। ଇନ୍ଧନ ଅଭାବରେ ସାମଗ୍ରୀ ଯାତାୟାତ ବିଳମ୍ବ ହେଉଛି । ପେଟ୍ରୋଲ ଓ ଡିଜେଲ ଅଭାବବଜାର ଅର୍ଥନୀତିକୁ ମନ୍ଦା କରିଦିଏ। ସାଧାରଣ ଲୋକମାନେ ମଧ୍ୟ ଅନେକ ଅସୁବିଧାର ସମ୍ମୁଖୀନ ହୁଅନ୍ତି। ଯାତାୟାତ ବ୍ୟବସ୍ଥା ଅସ୍ଥିର ହେବାରେ ଲାଗିଛି । ଏନେଇ ଅତିରିକ୍ତ ଜିଲା ଯୋଗାଣ ଅଧିକାରୀ ପଟ୍ଟନାୟକ କହିଛନ୍ତିଯେ, ମଟର ସାଇକେଲକୁ ୧ ଶହ ଟଙ୍କାର ପେଟ୍ରୋଲ ଓ ୪ ଚକିଆ ଯାନକୁ ୫ ଲିଟର ପର୍ଯ୍ୟନ୍ତ ଡିଜେଲ, ପେଟ୍ରୋଲ ଦେବାକୁ କୁହାଯାଇଛି । ବୁଧବାର ସୁଦ୍ଧା ଡିଜେଲ ଓ ପେଟ୍ରୋଲ ପହଞ୍ଚିଯିବ ବୋଲି କହିଛନ୍ତି ।
