ପ୍ରତ୍ୟେକ ଦେଶରେ କେତେକ ଆଇନ ରହିଛି; ଯାହାକୁ ଉକ୍ତ ଦେଶର ନାଗରିକମାନେ ମାନିବାକୁ ବାଧ୍ୟ। ତେବେ ପାକିସ୍ତାନରେ ରହିଛି ଏଭଳି କିଛି ଅଜବ ଆଇନ, ଯାହା ବିଷୟରେ ଜାଣି ଆଶ୍ଚର୍ଯ୍ୟ ହେବେ। ଏହାକୁ ଉଲ୍ଲଂଘନ କଲେ ଦଣ୍ଡ ଭୋଗିବାକୁ ମଧ୍ୟ ପଡ଼ିଥାଏ। ଜାଣନ୍ତୁ ସେ ସମ୍ପର୍କରେ…
ଘରେ ଛୋଟପିଲାଙ୍କୁ ବୟସ୍କମାନଙ୍କ ବିନା ଅନୁମତିରେ ଫୋନ୍ ଧରିବାକୁ ବାରଣ କରିଥା’ନ୍ତି। କିନ୍ତୁ ପାକିସ୍ତାନରେ ଛୋଟ ହେଉ କି ବୟସ୍କ, ଯଦି କେହି ବିନାନୁମତିରେ କାହାର ମୋବାଇଲ୍ ଧରନ୍ତି, ତେବେ ଏଠାରେ ଏହା ଦଣ୍ଡନୀୟ ଅପରାଧ। ଏମିତିକି ଏଥିପାଇଁ ୬ମାସ ଜେଲ୍ଦଣ୍ଡ ହୋଇପାରେ।
ନାଗରିକଙ୍କୁ ଇସ୍ରାଏଲ ଯିବାକୁ ଭିଜା ମିଳି ନ ଥାଏ। ଇସ୍ରାଏଲ୍ ବ୍ୟତୀତ ସେମାନେ ଅନ୍ୟ ସବୁ ଦେଶ ବୁଲିବାକୁ ଯାଇପାରିବେ। ଏହାର କାରଣ ପାକିସ୍ତାନର ବିଦେଶ ମନ୍ତ୍ରଣାଳୟ ଇସ୍ରାଏଲ୍କୁ ଦେଶ ବୋଲି ମାନ୍ୟତା ଦିଏ ନାହିଁ।
ଆଲ୍ଲା, ମସ୍ଜିଦ୍, ନବୀ, ରସୁଲ ଆଦି ଶବ୍ଦକୁ ଇଂଲିଶ୍ରେ ଅନୁବାଦ କରିବା ଆଇନଗତ ଅପରାଧ।
କେହି ବି ପ୍ରଧାନମନ୍ତ୍ରୀଙ୍କୁ କୌଣସି ପ୍ରକାର ବ୍ୟଙ୍ଗ କରିପାରିବେ ନାହିଁ। ଏପରି କଲେ ସେହି ବ୍ୟକ୍ତିଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବା ସହ ଜରିମାନା ଦେବାକୁ ପଡ଼ିଥାଏ।
ପାକିସ୍ତାନ ଏପରି ଏକ ଦେଶ, ଯେଉଁଠାରେ ରାଷ୍ଟ୍ରପତି ପଦ ପାଇଁ କୌଣସି ଶିକ୍ଷାଗତ ଯୋଗ୍ୟତାର ଆବଶ୍ୟକତା ପଡ଼େ ନାହିଁ। କିନ୍ତୁ ଏଠାରେ ଥିବା ସ୍କୁଲ୍ରେ ଚାକିରି କରିବାକୁ ହେଲେ ଶିକ୍ଷାଗତ ଯୋଗ୍ୟତା ଦରକାର ପଡ଼ିଥାଏ।
ଦେଶରେ ରମ୍ଜାନ ମାସରେ ବାହାରେ କିଛି କିଣି ଖାଇପାରିବେ ନାହିଁ। ଏଠାରେ ଏହାକୁ ଅପରାଧ ବୋଲି ଧରାଯାଏ। କେବଳ ମୁସଲମାନ ନୁହନ୍ତି, ସେଠାରେ ରହୁଥିବା ଅନ୍ୟ ଧର୍ମାବଲମ୍ବିଙ୍କ ପାଇଁ ମଧ୍ୟ ନିୟମ ଲାଗୁ ହୋଇଥାଏ।
ସମୁଦାୟ ଜନସଂଖ୍ୟାରେ ଟ୍ରାନ୍ସଜେଣ୍ଡରଙ୍କ ସଂଖ୍ୟା ଅଧିକ। କିନ୍ତୁ ସେମାନେ ଆର୍ମିରେ ଯୋଗ ଦେଇପାରିବେ ନାହିଁ ବୋଲି ନିୟମ ଅଛି।
ବିବାହ ପୂର୍ବରୁ ଯୁବତୀ ଯୁବକ ଏକାଠି ରହିବା ଆଇନ ସମ୍ମତ ନୁହେଁ। ତେଣୁ କେହି ଏପରି କରୁଥିଲେ ତାଙ୍କୁ ଦଣ୍ଡ ଭୋଗିବାକୁ ପଡ଼ିଥାଏ।
ଛାତ୍ରୀଛାତ୍ରଙ୍କୁ ପାକିସ୍ତାନରେ ରହି ପାଠ ପଢ଼ିବାକୁ ହେଲେ ସରକାରଙ୍କୁ ଟ୍ୟାକ୍ସ ଦେବାକୁ ପଡ଼ିଥାଏ। ତେଣୁ ଏଠାରେ ଦୁଇଲକ୍ଷ ଟଙ୍କାରୁ ଅଧିକ ଖର୍ଚ୍ଚ କରୁଥିବା ଛାତ୍ରୀଛାତ୍ରଙ୍କୁ ହିଁ ପଢିବାକୁ ଅନୁମତି ରହିଛି।
କାହାକୁ ଅଯଥାରେ ମେସେଜ୍ କରିପାରିବେ ନାହିଁ। ଏପରି କରୁଥିବାର ଧରାପଡ଼ିଲେ ୧୦ ଲକ୍ଷ ପର୍ଯ୍ୟନ୍ତ ଜରିମାନା ଦେବାକୁ ପଡ଼ିପାରେ।
