ନୂଆଦିଲ୍ଲୀ,୧୯।୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ସିରିଜର ଦ୍ୱିତୀୟ ଟେଷ୍ଟରେ ବିରାଟ କୋହଲି ଏକ ବଡ଼ ରେକର୍ଡ କରିଛନ୍ତି। ସେ ଅନ୍ତର୍ଜାତୀୟ କ୍ରିକେଟରେ ୨୫୦୦୦ ରନ ପୂରଣ କରିଛନ୍ତି। ଭାରତୀୟ କ୍ରିକେଟ ଇତିହାସରେ ଏହି ମହାନ ସଫଳତା ହାସଲ କରିବାରେ ସଚିନ ତେନ୍ଦୁଲକରଙ୍କ ପରେ ସେ ଦ୍ୱିତୀୟ ଭାରତୀୟ ବ୍ୟାଟ୍ସମ୍ୟାନ ହୋଇଛନ୍ତି। ବର୍ତ୍ତମାନ ଖେଳୁଥିବା କ୍ରିକେଟରଙ୍କ ମଧ୍ୟରେ ଏହି ରେକର୍ଡ ସୃଷ୍ଟି କରିଥିବା ବିରାଟ କୋହଲି ହେଉଛନ୍ତି ପ୍ରଥମ ବ୍ୟାଟ୍ସମ୍ୟାନ। ଏଥିସହିତ, ୫୦+ ହାରରେ ୨୫୦୦୦ ରନ କରିବାରେ ମଧ୍ୟ ସେ ପ୍ରଥମ ଖେଳାଳି। କେବଳ ଏତିକି ନୁହେଁ, ସେ ମଧ୍ୟ ୨୫୦୦୦ ରନ ସ୍କୋର କରିବାରେ ବିଶ୍ୱର ଦ୍ରୁତତମ ବ୍ୟାଟ୍ସମ୍ୟାନ ହୋଇପାରିଛନ୍ତି।
ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ରନ ସ୍କୋରର
ସଚିନ ତେନ୍ଦୁଲକର (ଭାରତ) – ୩୪୩୫୭ ରନ
କୁମାର ସାଙ୍ଗାକାରା (ଶ୍ରୀଲଙ୍କା) – ୨୮୦୧୬ ରନ
ରିକି ପଣ୍ଟିଂ (ଅଷ୍ଟ୍ରେଲିଆ) – ୨୭୪୮୩ ରନ
ମହେଲା ଜୟୱର୍ଦ୍ଧନେ (ଶ୍ରୀଲଙ୍କା) – ୨୫୯୫୭ ରନ
ଜ୍ୟାକ କଲିସ (ଦକ୍ଷିଣ ଆଫ୍ରିକା) – ୨୫୫୩୪ ରନ
ବିରାଟ କୋହଲି (ଭାରତ) – ୨୫୦୦୦+ ରନ
ଅନ୍ତର୍ଜାତୀୟ କ୍ରିକେଟରେ ଦ୍ରୁତତମ ୨୫୦୦୦ ରନ
କେବଳ ୫୪୯ ମ୍ୟାଚ୍ରେ ବିରାଟ କୋହଲି ୨୫୦୦୦ ରନ୍ ଅତିକ୍ରମ କରିଛନ୍ତି। ଏହାପୂର୍ବରୁ ସଚିନ ତେନ୍ଦୁଲକର ୫୭୭ ଇନିଂସରେ ୨୫୦୦୦ ରନ ସଂଗ୍ରହ କରିଥିଲେ। ଏଥିସହିତ ୫୮୮ ଇନିଂସରେ ରିକି ପଣ୍ଟିଂ, ୫୯୪ ଇନିଂସରେ ଜ୍ୟାକ କଲିସ, ୬୦୮ ରେ କୁମାର ସାଙ୍ଗାକାରା ଏବଂ ୭୦୧ ଇନିଂସରେ ମହେଲା ଜୟୱର୍ଦ୍ଧନେ ଏହି ସଂଖ୍ୟା ଅତିକ୍ରମ କରିଛନ୍ତି।
