ଢାକା,୧୯।୧୧: ସ୍ଥାନୀୟ ନ୍ୟାସନାଲ କ୍ରିକେଟ ଷ୍ଟାଡିୟମରେ ଶୁକ୍ରବାର ଖେଳାଯାଇଥିବା ଟି୨୦ ମ୍ୟାଚରେ ପାକିସ୍ତାନ ୪ ଉଇକେଟରେ ବାଂଲାଦେଶକୁ ପରାସ୍ତ କରିଛି। ଟସ୍ ଜିତି ବ୍ୟାଟିଂ କରିଥିବା ବାଂଲାଦେଶ ୨୦ ଓଭରରେ ୭ ଉଇକେଟ ହରାଇ ୧୨୭ ରନ୍ କରିଥିଲା। ପାକିସ୍ତାନ ୧୯.୨ ଓଭରରେ ୬ ଉଇକେଟ ହରାଇ ବିଜୟ ଲକ୍ଷ ହାସଲ କରିଥିଲା।
ପ୍ରାରମ୍ଭରୁ ବ୍ୟାଟିଂ ବିପର୍ଯ୍ୟସ୍ତ ହୋଇଥିଲା ପାକିସ୍ତାନ। ୨୪ ରନ୍ରେ ୪ ଉଇକେଟ ହରାଇ ଦଳ ସଙ୍କଟରେ ପଡିଥିଲା। ହେଲେ ଆଫିଫ ହୋସେନ ଏବଂ ମହେଦି ହାସନଙ୍କ ଧର୍ଯ୍ୟପୂର୍ଣ୍ଣ ବ୍ୟାଟିଂ ସତ୍ତ୍ୱେ ପାକିସ୍ତାନ ୧୨୭ ରନ୍ର ବିଜୟ ଲକ୍ଷ ହାସଲ କରିଥିଲା। ମହେଦି ୧୮ ଓଭରରେ ୨ଛକା ମାରି ଦଳର ବିଜୟ ପଥ ପରିଷ୍କାର କରିଥିଲେ। ମେହେଦି ୩୦ ରନ୍ (୨୦ ବଲ, ୧ଚଉକା, ୨ଛକା) କରି ନଟ୍ଆଉଟ ରହିଥିଲେ। ଆଫିଫ ୩୬ ରନ୍ (ବଲ ୩୪, ୨ ଚଉକା, ୨ଛକା) କରିଥିଲେ।
