ଚେନ୍ନାଇ, ୩୧ା୮ (ପି.ଟି.)- ଇଣ୍ଟରନେଟ୍ରେ ବିଭ୍ରାଟ ଓ ସର୍ଭର ସହିତ ଯୋଗାଯୋଗ ବ୍ୟାହତ ହେବାରୁ ଭାରତ ଓ ରୁଷିଆକୁ ୨୦୨୦ ଅନ୍ଲାଇନ୍ ଚେସ୍ ଅଲିମ୍ପିଆଡର ଯୁଗ୍ମ ଚାମ୍ପିୟନ ଘୋଷଣା କରାଯାଇଛି। ଫାଇନାଲ ଖେଳ ଚାଲିଥିବା ବେଳେ ସର୍ଭର ସହିତ ଯୋଗାଯୋଗ ବିଚ୍ଛିନ୍ନ ହୋଇଥିଲା। ସେତେବେଳେ ଭାରତର ୨ ଖେଳାଳି ନିହାଲ ସରିନ ଓ ଦିବ୍ୟା ଦେଶମୁଖ ପରାଜିତ ହୋଇ ସାରିଥିଲେ। ଫଳରେ ପ୍ରଥମେ ରୁଷିଆକୁ ବିଜେତା ଘୋଷଣା କରାଯାଇଥିଲା॥ ମାତ୍ର ଏକ ବିବାଦୀୟ ନିଷ୍ପତ୍ତିକୁ ନେଇ ଭାରତ ପ୍ରତିବାଦ କରିବାରୁ ନିଷ୍ପତ୍ତିର ସମୀକ୍ଷା ହୋଇଥିଲା। ସୂଚନାଯୋଗ୍ୟ, କୋଭିଡ୍-୧୯ ମହାମାରୀ ଯୋଗୁ ଇଣ୍ଟରନ୍ୟାଶନାଲ ଚେସ୍ ଫେଡେରେଶନ ଫିଡେ ପ୍ରଥମ ଥର ଏକ ଅନ୍ଲାଇନ୍ ଫର୍ମାଟରେ ଅଲିମ୍ପିଆଡ୍ ଆୟୋଜନ କରିଥିଲା।
