ସଭା କଲେ ନାଁ ନେଲେନି

ଭୁବନେଶ୍ୱର, ୨୯।୯(ସୁନିତ୍‌ ମିଶ୍ର): ଏମ୍‌ଏମ୍‌ଡିଆର୍‌ ସଂଶୋଧନ ବିଲ୍‌ ଏକ ସାଧାରଣ କଥା ନୁହେଁ। ରାଜ୍ୟର ଅଧିକାର ସହିତ ଏହି ବିଲ୍‌ ଜଡ଼ିତ। ଓଡ଼ିଶାର ଖଣି, ଜମି ଉପରେ ରାଜ୍ୟବାସୀ ହେଉଛନ୍ତି ମାଲିକ। ଦୁଃଖର ବିଷୟ ବିନା ଆଲୋଚନାରେ ପାର୍ଲାମେଣ୍ଟରେ ଏହି ଗୁରୁତ୍ୱପୂର୍ଣ୍ଣ ବିଲ୍‌ ପାରିତ ହୋଇଗଲା। ରାଜ୍ୟର ୨୦ ଭାଜପା ଏମ୍‌ପି ପାଟି ନ ଖୋଲି କାହା ସ୍ବାର୍ଥରେ ଚୁପ୍‌ ବସିଲେ ଜଣାନାହିଁ। ଏଠାରେ ଓଡ଼ିଶାର ସ୍ବାର୍ଥ ପାଇଁ ସମସ୍ତେ ଏକତ୍ର ହୋଇଛେ। ଆମ ‘ଜେନ୍‌-ଜି’ଙ୍କ ଭବିଷ୍ୟତ ପାଇଁ ଏ ଲଢ଼େଇ ଲଢୁଛେ ବୋଲି ବିରୋଧୀ ଦଳ ନେତା ନବୀନ ପଟ୍ଟନାୟକ କହିଛନ୍ତି।
କେନ୍ଦ୍ର ସରକାର ପାର୍ଲାମେଣ୍ଟରେ ପାରିତ କରିସାରିଥିବା ଏମ୍‌ଏମ୍‌ଡିଆର ସଂଶୋଧନ ଆଇନକୁ ପ୍ରତ୍ୟାହାର କରିବା ଦାବିରେ ବିଜେଡି ପକ୍ଷରୁ ସୋମବାର ବିଧାନସଭା ଘେରାଉ ଡାକରା ଦିଆଯାଇଥିଲା। ବିଜେଡି ନେତାମାନେ ନିଜ ନିଜର ନିର୍ବାଚନମଣ୍ଡଳୀରୁ ଶତାଧିକ କର୍ମୀଙ୍କୁ ସାଙ୍ଗରେ ଆଣି ଲୋୟର ପିଏମ୍‌ଜିଠାରେ ଏକତ୍ର ହୋଇଥିଲେ। ରାଜ୍ୟ ଭାଜପା ସରକାରଙ୍କ ଉପରେ ବିଜେଡି ନେତାମାନେ ଏହି ସଭାରେ ପ୍ରବଳ ବର୍ଷୁଥାଆନ୍ତି ଓ କେନ୍ଦ୍ର ସରକାର ଓଡ଼ିଶା ସ୍ବାର୍ଥକୁ ଉପେକ୍ଷା କଲେ ବୋଲି ସମସ୍ତେ ନିଜ ଭାଷଣରେ କହୁଥାଆନ୍ତି। ମାତ୍ର ନବୀନ କିମ୍ବା ବିଜେଡିର କୌଣସି ଜଣେ ହେଲେ ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବା ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ନାମ ଉଚ୍ଚାରଣ କରି ତାଙ୍କୁ ସିଧାସଳଖ ବିରୋଧ କରିବାର ଦୃଶ୍ୟ ଦେଖିବାକୁ ମିଳିଲା ନାହିଁ। ନବୀନ ତାଙ୍କ ଭାଷଣରେ ଆହୁରି କହିଥିଲେ, ଏମ୍‌ଏମ୍‌ଡିଆର୍‌ ଆଇନକୁ ଲାଗୁ ନ କରିବା ପାଇଁ ଭାଜପା ଏମ୍‌ପିମାନେ ତ ମୁହଁ ଖୋଲିଲେ ନାହିଁ, ଓଡ଼ିଶା ସରକାର ମଧ୍ୟ ମୁହଁ ଫିଟାଇଲେ ନାହିଁ। ଏନେଇ ବିଧାନସଭାରେ ଏକ ସ୍ବତନ୍ତ୍ର ଅଧିବେଶନ ଡକାଯାଉ ବୋଲି ସେ ଚିଠି ଲେଖିବା ସତ୍ତ୍ୱେ ସେକଥା ସରକାର ଶୁଣିଲେ ନାହିଁ। ରାଜ୍ୟରେ କେବଳ ବାକ୍ୟବୀର ସରକାର ଚାଲିଛି। ମାଟିଠାରୁ ପାର୍ଟି କେବେ ବି ବଡ଼ ହୋଇପାରିବ ନାହିଁ ବୋଲି ସେ କହିଛନ୍ତି।
ଏହି ଅବସରରେ ବିଜେଡି ବିଧାୟକମାନେ ଗୃହ ଭିତରେ ଏମ୍‌ଏମ୍‌ଡିଆର ପ୍ରସଙ୍ଗ ଉଠାଇ ହୋହଲ୍ଲା କରିବା ପରେ କକ୍ଷତ୍ୟାଗ କରି ସିଧାସଳଖ ଲୋୟର ପିଏମ୍‌ଜିଠାରେ ପହଞ୍ଚିଥିଲେ। ସେଠାରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ବରିଷ୍ଠ ବିଧାୟକ ପ୍ରସନ୍ନ ଆଚାର୍ଯ୍ୟ କହିଛନ୍ତି, ଏଠାରେ ବହୁ ଖୁପିଆ ପୋଲିସ୍‌, ଗୋଇନ୍ଦା ଅଧିକାରୀ ବୁଲୁଛନ୍ତି। ସେମାନେ ଯାଇ ସିଧାସଳଖ ମୁଖ୍ୟମନ୍ତ୍ରୀଙ୍କୁ ରିପୋର୍ଟ ଦେବେ ଏଠାରେ ବିଜେଡିର କେତେ ଲୋକ ଏକତ୍ର ହୋଇଥିଲେ। ଏଠାରେ ଯେଉଁମାନେ ଉପସ୍ଥିତ ଅଛନ୍ତି ସେମାନେ ସମସ୍ତେ ଜଣେ ଲେଖା ବିଜେଡିର ସିପାହୀ। ନବୀନ ଏବେ ବି ରାଜ୍ୟର ଅଘୋଷିତ ମୁଖ୍ୟମନ୍ତ୍ରୀ ବୋଲି ଲୋକମାନେ ବିବେଚିତ କରୁଛନ୍ତି ବୋଲି ପ୍ରସନ୍ନ କହିଛନ୍ତି। ଏହାପରେ ବିଜେଡି ନେତା ଓ କର୍ମୀମାନେ ବ୍ୟାରିକେଡ ଭାଙ୍ଗି ବିଧାନସଭା ଆଡକୁ ଯିବାକୁ ଚାହିଁଥିଲେ। ମାତ୍ର ପୋଲିସ ସେମାନଙ୍କୁ ଅଟକାଇବାରୁ କିଛି ସମୟ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା।
ଅନ୍ୟପଟେ ସଭା ମଞ୍ଚରେ ବିଜେଡି ନେତାମାନେ ମୋଦି କିମ୍ବା ଶାହାଙ୍କ ନାମ ନେଇ ବିରୋଧ ନ କରିପାରିବା ବିଷୟ ଅନେକ କର୍ମୀଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଥିଲା। ଯେତେବେଳେ ଗତ ସାଧାରଣ ନିର୍ବାଚନ ସମୟରେ ଉଭୟ ପ୍ରଧାନମନ୍ତ୍ରୀ ଓ ସ୍ବରାଷ୍ଟ୍ର ମନ୍ତ୍ରୀ ରାଜ୍ୟକୁ ଆସି ସଭା ଉପରେ ସିଧାସଳଖ ବିଜେଡି ସଭାପତିଙ୍କୁ ଟାର୍ଗେଟ କରିଯାଉଥିଲେ, ସେତେବେଳେ ମଧ୍ୟ ବିଜେଡିର ସର୍ବୋଚ୍ଚ ନେତା ସେମାନଙ୍କ ନାମ ନେଇ ଟାର୍ଗେଟ କରିପାରୁ ନ ଥିଲେ। ବର୍ତ୍ତମାନ ବିଜେଡି ବିରୋଧୀ ଦଳକୁ ଆସିବା ପରେ ସୁଦ୍ଧା ଭାଜପାର ଶୀର୍ଷ କେନ୍ଦ୍ରୀୟ ନେତାଙ୍କୁ ଟାର୍ଗେଟ କରା ନ ଯିବା ଏହା ଦୁଇ ଦଳ ଭିତରେ ବୁଝାମଣାର ପ୍ରତିଫଳନ ବୋଲି ଚର୍ଚ୍ଚା ହେଉଛି। ଜଣେ ବିଜେଡି ବିଧାୟିକା ନିଜ ନାମ ଗୋପନ ରଖି କହିଛନ୍ତି, ବିଜେଡି ଯେତେ ପ୍ରବଳ ବିରୋଧ କରିବ ସେଥିରେ ଭାଜପାର ଲାଭ। କାରଣ କଂଗ୍ରେସ ଆଗକୁ ନ ବଢ଼ି ବିଜେଡି ଯଦି ମୁଖ୍ୟ ବିରୋଧୀ ଦଳ ଭୂମିକା ତୁଲାଇବ ତାହାଲେ ଭାଜପାକୁ ପରୋକ୍ଷ ସମର୍ଥନ ବୋଲି ଧରାଯିବ।

Dharitri – Odisha’s No.1 Odia Daily

Enter your email to get our daily news in your inbox.

All Right Reserved By Dharitri.Com

କ୍ୟାଚ୍ ଧରିବା ପଡ଼ିଲା ମହଙ୍ଗା, ଷ୍ଟାର ଖେଳାଳିଙ୍କ ଭାଙ୍ଗିଗଲା ହାତ

ନୂଆଦିଲ୍ଲୀ,୨୨।୧୧: ଅଷ୍ଟ୍ରେଲିଆ ଗସ୍ତରେ ଥିବା ଇଂଲଣ୍ଡ କ୍ରିକେଟ୍ ଦଳକୁ ବଡ଼ ଝଟକା ଲାଗିଛି । ଦଳର ଉପଅଧିନାୟକ ତଥା ଷ୍ଟାର ଅଲରାଉଣ୍ଡର ୱିଲ୍ ଜ୍ୟାକ୍ସ ଡାହାଣ ହାତର…

୭ ଦଫା ଦାବିରେ ଅଙ୍ଗନଓ୍ବାଡିକର୍ମୀଙ୍କ ଆନ୍ଦୋଳନ, ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ରହିବ….

ଗୁଡାରି,୨୨।୧୧(ପ୍ରମୋଦ କୁମାର ପତି): ସୋମବାର ଠାରୁ ଗୁଡାରି ବ୍ଲକର ସମସ୍ତ ୧୩୩ ଗୋଟି ଅଙ୍ଗନଓ୍ବାଡି କେନ୍ଦ୍ର ଅନିର୍ଦ୍ଧିଷ୍ଟ କାଳ ପାଇଁ ବନ୍ଦ ରହିବ ବୋଲି ସୂଚନା ମିଳିଛି…

ସୋମବାର ଗଞ୍ଜାମ ଗସ୍ତରେ ଯିବେ ମୁଖ୍ୟମନ୍ତ୍ରୀ, କ୍ଷତିଗ୍ରସ୍ତ ଅଞ୍ଚଳର କରିବେ ସମୀକ୍ଷା

ଛତ୍ରପୁର,୨୨।୧୧(ଦିଲୀପ ସାମଲ): ବାତ୍ୟା ‘ଅକ୍ୱାନ’ ପ୍ରଭାବରେ ଗଞ୍ଜାମ ଜିଲାରେ ସୃଷ୍ଟି ହୋଇଥିବା କ୍ଷୟକ୍ଷତିର ସ୍ଥିତି ପରଖିବା ପାଇଁ ସୋମବାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ରାଜସ୍ବ…

ମହିଳା ଏସ୍‌ଆଇ ପ୍ରଭାସିନୀଙ୍କ ମୃତ୍ୟୁରେ ସ୍ତବ୍ଧ ପୁରୁଷୋତ୍ତମପୁର, ନିରପେକ୍ଷ ତଦନ୍ତ ଦାବିରେ କ୍ୟାଣ୍ଡେଲ ଶୋଭାଯାତ୍ରା

ପୁରୁଷୋତ୍ତମପୁର,୨୨।୧୧(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ମହିଳା ସବ୍‌ଇନ୍ସପେକ୍ଟର ପ୍ରଭାସିନୀ ସାହୁଙ୍କ ଝୁଲନ୍ତା ମୃତଦେହ ଥାନା ପରିଷର କ୍ବାଟରୁ ମିଳିବା ଘଟଣା ଚର୍ଚ୍ଚାର ବିଷୟ ସାଜିଛି…

ଆମ ପୋଲିସ ସମିତିର ସଚେତନତା କାର୍ଯ୍ୟକ୍ରମ, ସାଇବର ଠକେଇଠାରୁ ବାଲ୍ୟ ବିବାହ ରୋକିବା ଉପରେ ଗୁରୁତ୍ୱ

ହାଟଡ଼ିହୀ/ଛେନାପଦୀ,୨୨l୧୧(ଶୁଭକାନ୍ତ ନାୟକ/ନିରାକାର ପରିଡା): କେନ୍ଦୁଝର ଜିଲା ହାଟଡିହୀ ବ୍ଲକ ରମ୍ପାସ ଜପିଦାସ ବିଦ୍ୟା ମନ୍ଦିରରେ ନନ୍ଦିପଦା ଥାନା ଆମ ପୋଲିସ ସମିତି ପକ୍ଷରୁ ଏକ ସଚେତନତା କାର୍ଯ୍ୟକ୍ରମ…

ରାଜୁ ବାଗ ହତ୍ୟା: ଦୋଷୀଙ୍କୁ ଗିରଫ ଦାବିରେ କୋକସରା ଥାନା ଘେରାଉ, ୭ ଦିନ…

କୋକସରା,୨୨।୧୧(ଦୁଷ୍ମନ୍ତ କୁମାର ପାଟ୍ଟଯୋଷୀ): ବହୁଚର୍ଚ୍ଚିତ ଲଡୁଗାଁର ରାଜୁ ବାଗ ହତ୍ୟା ଘଟଣାକୁ ପ୍ରାୟ ୨୦ ଦିନ ବିତିଥିଲେ ମଧ୍ୟ ପୋଲିସର ହାତ ଖାଲି ରହିଛି । ହତ୍ୟାକାରୀଙ୍କ…

ତୁଷୁରାକୁ ହରାଇ ଫାଇନାଲରେ ପହଞ୍ଚିଲା ମହୀପୁର

ରିଷିଡ଼ା,୨୨।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ପୌରକେଲା ପଞ୍ଚାୟତ ଶିରାବାହାଲଠାରେ ଚାଲିଥିବା ବିର୍ସାମୁଣ୍ଡା କପ୍‌ ଫୁଟବଲ ଟୁର୍ନାମେଣ୍ଟର ପ୍ରଥମ ସେମି ଫାଇନାଲ ମ୍ୟାଚ୍‌ରେ ତୁଷୁରାକୁ ପରାସ୍ତ…

ଭେଣ୍ଟିଲେଟରରେ ଭାଜପା MLA; ଶରୀରରେ ବିଷକ୍ରିୟା, ହସ୍ପିଟାଲରେ ପହଞ୍ଚିଲେ ସ୍ୱାସ୍ଥ୍ୟମନ୍ତ୍ରୀ

କୋଲକାତା,୨୨।୧୧: ପଶ୍ଚିମବଙ୍ଗର ଭାଜପା ବିଧାୟିକା ରେଖା ପାତ୍ର ଅସୁସ୍ଥ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଶନିବାର ନିଜ ଘରେ ଅସୁସ୍ଥ ହେବା ପରେ ତାଙ୍କୁ ପ୍ରଥମେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?