ନାଉଗଁ। ,୨୭।୧୦(ସ୍ବ.ପ୍ର.):ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଶିକ୍ଷକମାନଙ୍କୁ ବିଭିନ୍ନ ପ୍ରକାର ତାଲିମ୍ ଦିଆଯାଇ ପିଲାଙ୍କ ମାନସିକ,ବୈାଦ୍ଧିକ ବିକାଶ ଉପରେ ଗୁରୁତ୍ୱ ଦିଆଯାଉଛି। ମାତ୍ର ନାଉଗଁ। ବ୍ଲକ ଶିଖର ପଞ୍ଚାୟତ ଅନ୍ତର୍ଗତ ନଳାଙ୍ଗ ଗ୍ରାମର ପ୍ରାଥମିକ ବିଦ୍ୟାଳୟରେ ଶିକ୍ଷା ବ୍ୟବସ୍ଥାକୁ ଦେଖିଲେ ଉପହାସ କଲା ପରି ମନେ ହେଉଛି। ଏହି ନଳାଙ୍ଗ ପ୍ରାଥମିକ ବିଦ୍ୟାଳୟ ୨ କୋଠରିରେ ଚାଲିଛି। ଫଳରେ ପିଲାଙ୍କ ପାଠପଢ଼ା ବାଧାପ୍ରାପ୍ତ ହେଉଛି। କମ୍ ଉପସ୍ଥାନ ଯୋଗୁ ଶାଳିଜଙ୍ଗା ପ୍ରାଥମିକ ବିଦ୍ୟାଳୟ,ପାଟେଣି ଗଁ। ପ୍ରାଥମିକ ବିଦ୍ୟାଳୟ ଓ ବୋଦଳ ପ୍ରାଥମିକ ବିଦ୍ୟାଳୟକୁ ଉକ୍ତ ବିଦ୍ୟାଳୟ ସହ ମିଶ୍ରଣ କରାଯାଇଛି। ବିଦ୍ୟାଳୟରେ ପ୍ରଥମରୁ ୫ ମ ଶ୍ରେଣୀ ପର୍ଯ୍ୟନ୍ତ ରହିଥିବା ବେଳେ ୬ ଜଣ ଶିକ୍ଷକ ନିଯୁକ୍ତି ପାଇଛନ୍ତି। ମାତ୍ର ଏହି ପାଞ୍ଚଟି ଶ୍ରେଣୀ ପାଇଁ କେବଳ ୨ଟି କୋଠରି ରହିଛି।
ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ କଲ୍ୟାଣି ଜେନାଙ୍କ ସୂଚନାନୁଯାୟୀ, ପ୍ରଥମ ଶ୍ରେଣୀରେ ୫, ଦ୍ୱିତୀୟ ଶ୍ରେଣୀରେ ୮, ତୃତୀୟ ଶ୍ରେଣୀରେ ୮, ୪ର୍ଥ ଶ୍ରେଣୀରେ ୯, ୫ମ ଶ୍ରେଣୀରେ ୧୧ ଜଣ ପିଲା ପାଠ ପଢ଼ୁଛନ୍ତି। ସରକାରଙ୍କ ନିୟମାନୁସାରେ ୫ଟି ଶ୍ରେଣୀକୁ ୫ କୋଠରି ଆବଶ୍ୟକ ଥିବା ବେଳେ ଶିକ୍ଷକ ଓ ବିଦ୍ୟାଳୟର ଗୁରୁତ୍ୱପୂର୍ଣ୍ଣ କାଗଜପତ୍ର ପାଇଁ ଏକ କାର୍ଯ୍ୟାଳୟର ଆବଶ୍ୟକତା ରହିଛି। କୋଠରି ଅଭାବ ଥିବାବେଳେ ୨ ଗୃହ ମଧ୍ୟରୁ ଗୋଟିଏ ଗୃହରେ ଅଙ୍ଗନଓ୍ବାଡି କେନ୍ଦ୍ର ଚାଲିଛି। ଫଳରେ ଗୋଟିଏ ଗୃହରେ ପ୍ରଥମରୁ ୫ମ ଶ୍ରେଣୀ ପର୍ଯ୍ୟନ୍ତ ପିଲା ବସୁଥିବାବେଳେ ଏହାର ଗୋଟିଏ ପାର୍ଶ୍ୱରେ ଅଫିସ କାର୍ଯ୍ୟ ଚାଲୁ ରହିଛି। ପୂର୍ବରୁ ପ୍ରଚଳିତ ସର୍ବଶିକ୍ଷା ଯୋଜନା ମାଧ୍ୟମରେ ଉପସ୍ଥାନ କମ୍ ଥିବା ବିଦ୍ୟାଳୟଗୁଡିକ ପାଇଁ ବଡ ବଡ କୋଠା ନିର୍ମାଣ ହୋଇଥିଲା। ଏବେ ସେଗୁଡିକ ବନ୍ଦ ହୋଇ ପରିତ୍ୟକ୍ତ ଅବସ୍ଥାରେ ପଡିରହିଛି। କିନ୍ତୁ ଯେଉଁଠାରେ ବିଦ୍ୟାଳୟ ଚାଲିଛି ସେଠାରେ ଗୃହର ଅଭାବ ରହିଛି। ସରକାରୀ ବିଦ୍ୟାଳୟରେ ଏପରି ଅବ୍ୟବସ୍ଥା ଯୋଗୁ ଅନେକ ଅଭିଭାବକ ସେମାନଙ୍କ ପିଲାଙ୍କୁ ବେସରକାରୀ ବିଦ୍ୟାଳୟ ପଠାଇବାକୁ ବାଧ୍ୟ ହେଉଛନ୍ତି।
ଏବିଷୟରେ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଜେନା କୁହନ୍ତି, ବିଦ୍ୟାଳୟରେ ଆବଶ୍ୟକ ଗୃହ ନ ଥିବାରୁ ବହୁତ ଅସୁବିଧା ହେଉଛି। ଏବିଷୟରେ ଉପରିସ୍ଥ ଅଧିକାରୀଙ୍କୁ ଅବଗତ କରାଯାଇଛି।
