ଢେଙ୍କିକୋଟ, ୩।୯(ଡି.ଏନ.ଏ.): କେନ୍ଦୁଝର ଜିଲା ଢେଙ୍କିକୋଟ ଫାଣ୍ଡି ଅଧୀନ ସାନ୍ତରାପୁର ପଞ୍ଚାୟତ ରାଇବଣ ସାହି ନିକଟରେ ଶୁକ୍ରବାର ଅପରାହ୍ନରେ ଏକ ବାଇକ୍ ଦୁର୍ଘଟଣା ଘଟିଛି। ଏଥିରେ ଦାଦାଙ୍କ ମୃତ୍ୟୁ ଘଟିଥିବା ବେଳେ ପୁତୁରା ଗୁରୁତର ହୋଇଛନ୍ତି। ମୃତକ ହେଲେ ସଦର ଥାନା ଅଧୀନ କାଠବାରୀ ପଞ୍ଚାୟତ କୁମୁଳାବାହାଳି ଗ୍ରାମର ଲୋଚନ ମହାନ୍ତ(୬୦) ଓ ଗୁରୁତର ତାଙ୍କ ସମ୍ପର୍କୀୟ ପୁତୁରା ଘଟଗଁା ଥାନା ପୋହ୍ଲାଣ ଘାଟି ପଞ୍ଚାୟତ କୁମୁଳାବହାଳି ଗ୍ରାମର ଗୁଲୁ ମହାନ୍ତ(୨୨)।
ସୂଚନା ଅନୁଯାୟୀ, ସେମାନେ ବାଇକ୍ରେ ହରିଚନ୍ଦନପୁର ଥାନା ଅଧୀନ ଜାଲକାଣୀ ଗ୍ରାମରୁ ଫେରୁଥିଲେ। ରାଇବଣ ସାହି ବୁଲାଣି ରାସ୍ତାରେ ଭାରସାମ୍ୟ ହରାଇ ଏକ ବିଲ ଭିତରେ ପଡ଼ିଯାଇଥିଲେ। ବାଇକ୍ ତଳେ ଚାପି ହୋଇଯିବାରୁ ଘଟଣାସ୍ଥଳରେ ହିଁ ଲୋଚନଙ୍କ ମୃତ୍ୟୁ ହୋଇଥିଲା। ସ୍ଥାନୀୟ ଲୋକେ ଢେଙ୍କିକୋଟ ଫାଣ୍ଡି ଅଧିକାରୀ ଈଶ୍ୱର ଚନ୍ଦ୍ର ପ୍ରଧାନଙ୍କୁ ଜଣାଇ ଗୁରୁତର ଗୁଲୁଙ୍କୁ ଡାକ୍ତରଖାନାକୁ ନେଇଥିଲେ। ଫାଣ୍ଡି ଅଧିକାରୀ ପହଞ୍ଚି ମୃତଦେହ ଜବତ କରିଥିଲେ। ଏନେଇ ଘଟଗଁା ଥାନାରେ ଏକ ମାମଲା(ନଂ.୧୨୧/୨୧) ରୁଜୁ ହୋଇଛି। ପୋଲିସ ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ଦୁର୍ଘଟଣାଗ୍ରସ୍ତ ବାଇକ୍ ଜବତ କରି ତଦନ୍ତ ଚଳାଇଛି।
