ମୁମ୍ବାଇ,୨୯/୧୦: ଦଶକରୁ କଳା ଏବଂ ହଳଦିଆ ରଙ୍ଗରେ ଗଡୁଥିବା ପ୍ରିମିଅର ପଦ୍ମିନୀ ଟ୍ୟାକ୍ସି ବିନା ମୁମ୍ବାଇ ଅଧୁରା ଲାଗୁଥିଲା। ମୁମ୍ବାଇରେ ଯାତ୍ରୀମାନେ କୌଣସି ସ୍ଥାନରୁ କୁଆଡେ ଯିବାକୁ ଚିନ୍ତା କଲେ ସର୍ବପ୍ରଥମେ କଳା ଏବଂ ହଳଦିଆ ଟ୍ୟାକ୍ସି ସେମାନଙ୍କ ମନକୁ ଆସିଯାଏ। ତେବେ ଗତ କିଛି ବର୍ଷ ହେବ ନୂଆ ମଡେଲର କାର୍ ଏବଂ ଆପ୍ ଆଧାରିତ ସେବା ପଦ୍ମିନୀ ଟ୍ୟାକ୍ସିର ଚାହିଦା କମିଯାଇଥିଲା। ଆଉ ଏବେ ଶେଷରେ ଏହି ଟ୍ୟାକ୍ସି ମୁମ୍ବାଇ ରାସ୍ତାରୁ ହଜିବାକୁ ଯାଉଛି।
ପରିବହନ ବିଭାଗର ଜଣେ ଅଧିକାରୀ କହିଛନ୍ତି ଯେ ଶେଷ “ପ୍ରିମିୟର ପଦ୍ମିନୀ” ଅକ୍ଟୋବର ୨୯, ୨୦୦୩ ରେ କଳା ଏବଂ ହଳଦିଆ ଟ୍ୟାକ୍ସି ଭାବରେ ପଞ୍ଜୀକୃତ ହୋଇଥିଲା। ସହରରେ କ୍ୟାବ ଡ୍ରାଇଭିଂ ପାଇଁ ଗାଡ଼ି ଗୁଡିକର ବୟସ ସୀମା ୨୦ ବର୍ଷ ଅଟେ। ମୁମ୍ବାଇର ଶେଷ ପଞ୍ଜୀକୃତ ପ୍ରିମିୟର ପଦ୍ମିନୀ ଟ୍ୟାକ୍ସି (ଏମଏଚ -୦୧-ଜେଏ-୨୫୫୬) ର ମାଲିକ ଥିବା ପ୍ରଭଦେବୀ ବାସିନ୍ଦା ଅବଦୁଲ କରିମ କରସେକର କହିଛନ୍ତି ଯେ ଏହା ମୁମ୍ବାଇର ଗର୍ବ ଏବଂ ଆମ ଜୀବନ। ଶେଷ ଆଇକନିକ୍ ଡିଜେଲ ଚାଳିତ ଡବଲ୍-ଡେକର୍ ବସ୍ ସେବା ବନ୍ଦ ହେବାର କିଛି ସପ୍ତାହ ପରେ, ‘କଲା-ହଳଦିଆ’ କାର୍ ମୁମ୍ବାଇ ରାସ୍ତାରୁ ଅବସର ନେବାର ସମାୟ ଆସିଛି। କିଛି ଲୋକ ଚାହାଁନ୍ତି ଅତିକମରେ ଗୋଟିଏ ପ୍ରିମିୟର ପଦ୍ମିନୀ ରାସ୍ତାରେ କିମ୍ବା ସଂଗ୍ରହାଳୟରେ ସଂରକ୍ଷିତ ହେଉ।
କିଛି ବର୍ଷ ପୂର୍ବେ ମୁମ୍ବାଇ ଟ୍ୟାକ୍ସିମେନ ୟୁନିଅନ ସରକାରଙ୍କୁ ଅତି କମରେ ଗୋଟିଏ କଳା-ହଳଦିଆ କାର୍ ସଂରକ୍ଷଣ କରିବାକୁ ନିବେଦନ କରିଥିଲେ ମଧ୍ୟ କୌଣସି ସଫଳତା ପାଇ ନଥିଲେ। ଏହାର ସାଧାରଣ ସମ୍ପାଦକ ଏଲ୍ କ୍ୱାଡ୍ରୋସ୍ ମନେ ପକାଇ ଦେଇଛନ୍ତି ଯେ ଟ୍ୟାକ୍ସି ଭାବରେ ପ୍ରିମିୟର ପଦ୍ମିନୀଙ୍କ ଯାତ୍ରା ୧୯୬୪ ମସିହାରେ ଶକ୍ତିଶାଳୀ ୧୨୦୦-ସିସି କାର୍ ଫିଆଟ୍ -୧୧୦୦ ଡିଲାଇଟ ସହିତ ଆରମ୍ଭ ହୋଇଥିଲା। ଏହା ପ୍ଲାଇମାଉଥ, ଲ୍ୟାଣ୍ଡମାଷ୍ଟର, ଡୋଜ୍ ଏବଂ ଫିଆଟ୍ ୧୧୦୦ ପରି “ବଡ ଟ୍ୟାକ୍ସି” ଠାରୁ ଛୋଟ ଥିଲା ଯାହାକୁ ସ୍ଥାନୀୟ ଲୋକମାନେ ‘ଡକ୍କର ଫିଆଟ୍’ ବୋଲି କହିଥିଲେ।
୧୯୭୦ ଦଶକରେ ଏହି ମଡେଲକୁ ପ୍ରିମିୟର ପ୍ରେସିଡେଣ୍ଟ ଏବଂ ପରେ ପ୍ରିମିୟର ପଦ୍ମିନୀ ଭାବରେ ନାମ କରଣ କରାଯାଇଥିଲା। ସେ କହିଛନ୍ତି ଯେ ୨୦୦୧ ରେ ଏହାର ଉତ୍ପାଦନ ବନ୍ଦ ହୋଇଗଲା, କିନ୍ତୁ ପଞ୍ଜୀକୃତ ହୋଇନଥିବା ଅଳ୍ପ କେତେଜଣ ୨୦୦୩ ରେ ଟ୍ୟାକ୍ସି ଅନୁମତି ପାଇଲେ ଏବଂ ସେଗୁଡିକ ମଧ୍ୟ ପର୍ୟ୍ୟାୟକ୍ରମେ ବନ୍ଦ ହୋଇଯିବ।
