କଟକ ଅଫିସ,୧ା୩:ଓଡ଼ିଶା ଲୋକସେବା ଆୟୋଗ (ଓପିଏସ୍ସି) ପକ୍ଷରୁ ସୋମବାର ନିଯୁକ୍ତି କ୍ୟାଲେଣ୍ଡର ପ୍ରକାଶ ପାଇଛି। ଏହି କ୍ୟାଲେଣ୍ଡର ଅନୁଯାୟୀ ୨୦୨୨-୨୩ ଶିକ୍ଷାବର୍ଷରେ ଓପିଏସ୍ସି ପକ୍ଷରୁ ହେବାକୁ ଥିବା ନିଯୁକ୍ତି ପରୀକ୍ଷାଗୁଡ଼ିକର ସମୟ ଏବଂ ମାସ ସ୍ଥିର କରାଯାଇଛି। ୨୦୨୨-୨୩ ଶିକ୍ଷାବର୍ଷରେ ୨୨ଟି ପରୀକ୍ଷା, ପରୀକ୍ଷା ଫଳାଫଳ ଓ ସାକ୍ଷାତ୍କାର ନେଇ ମାସ ଏବଂ ତାରିଖ ଧାର୍ଯ୍ୟ କରାଯାଇଛି। ଏହି କ୍ୟାଲେଣ୍ଡର ଅନୁଯାୟୀ ଓଡ଼ିିଶା ସିଭିଲ ସର୍ଭିସ (ଓସିଏସ୍) ପରୀକ୍ଷା-୨୦୨୦ର ସାକ୍ଷାତକାର ଅଗଷ୍ଟରେ ହେବାକୁ ଥିବାବେଳେ ଏହାର ଫଳାଫଳ ସେପ୍ଟେମ୍ବର ମଧ୍ୟରେ ପ୍ରକାଶ ପାଇବ। ସେହିପରି ଓଡ଼ିଶା ସିଭିଲ ସର୍ଭିସ-୨୦୨୧ ପ୍ରିଲିମ ପରୀକ୍ଷା ସେପ୍ଟେମ୍ବର ଓ ଲିଖିତ ପରୀକ୍ଷା ୨୦୨୩ ଜାନୁୟାରୀରେ ହେବ। ସାକ୍ଷାତକାର ୨୦୨୩ ସେପ୍ଟେମ୍ବର କିମ୍ବା ନଭେମ୍ବର ମଧ୍ୟରେ ଅନୁଷ୍ଠିତ ହେବ। ଆସିଷ୍ଟାଣ୍ଟ ସେକ୍ସନ ଅଫିସର(ଏସ୍ସିଓ) ପରୀକ୍ଷା ନଭେମ୍ବରରେ, ଓଡ଼ିଶା ଜୁଡ଼ିସିଆଲ ସର୍ଭିସ ପ୍ରିଲିମ ପରୀକ୍ଷା ମାର୍ଚ୍ଚ ୭ରେ ହେବାକୁ ଥିବା ବେଳେ ଲିଖିତ ଏବଂ ସାକ୍ଷାତକାର ଜୁନ ଓ ସେପ୍ଟେମ୍ବରରେ ହେବ। ଓଡ଼ିଶା ଏଜୁକେଶନ ସର୍ଭିସ (ବି) ପରୀକ୍ଷା ଡିସେମ୍ବରରେ ହେବ ବୋଲି ଉକ୍ତ କ୍ୟାଲେଣ୍ଡରରେ ଉଲ୍ଲେଖ ରହିଛି। ଯଦି ସବୁ ପରିସ୍ଥିତି ଠିକ ରହେ ତେବେ ଧାର୍ଯ୍ୟ ମାସ ଓ ତାରିଖରେ ଓପିଏସ୍ସି ପକ୍ଷରୁ ଉକ୍ତ ପରୀକ୍ଷାଗୁଡ଼ିକ କରାଯିବ। ସେଥିରେ କୌଣସି ପରିବର୍ତ୍ତନ ହେବ ନାହିଁ ବୋଲି ଓପିଏସ୍ସି ସେକ୍ରେଟାରି ଅଶୋକ କୁମାର ଦାସ କହିଛନ୍ତି ା
