କୋଲକାତା,୪।୫: ପଶ୍ଚିମବଙ୍ଗ ବିଧାନସଭାର ନିର୍ବାଚନର ଭୋଟ ଗଣତି ସକାଳ ୮ ଟାରୁ ଆରମ୍ଭ ହୋଇଛି । ପ୍ରାରମ୍ଭିକ ଟ୍ରେଣ୍ଡ ଅନୁସାରେ, ଭାଜପା ୧୨୩ଟି ଆସନରେ ଆଗୁଆ ଥିବା ବେଳେ ଟିଏମସି ୧୦୯ଟି ଆସନରେ ଆଗୁଆ ରହିଛି । ତେବେ ସନ୍ଧ୍ୟା ସୁଦ୍ଧା ପ୍ରକୃତ ଚିତ୍ର ସାମ୍ନାକୁ ଆସିପାରିବ । ତେବେ କୋଲକାତାରେ ଆଜି ନିର୍ବାଚନ ବିଜୟ ଉତ୍ସବ ମନା କରାଯାଇଛି । ଗଣତି ରାତି ପର୍ଯ୍ୟନ୍ତ ଚାଲିବାକୁ ଥିବାରୁ ବିଜୟ ରାଲି ମନା କରାଯାଇଛି ।
ସୋମବାର ଦିନ ସ୍ୱତନ୍ତ୍ର ନିର୍ବାଚନ ତାଲିକା ପର୍ଯ୍ୟବେକ୍ଷକ ସୁବ୍ରତ ଗୁପ୍ତା କହିଛନ୍ତି ଯେ ବିଧାନସଭା ନିର୍ବାଚନ ପାଇଁ ଗଣନା ଆରମ୍ଭ ହେବା ସହିତ ପଶ୍ଚିମବଙ୍ଗରେ କୌଣସି ସ୍ଥାନରେ ବିଜୟ ରାଲିକୁ ଅନୁମତି ଦିଆଯିବ ନାହିଁ । ବିଭିନ୍ନ ଦଳର ଏଜେଣ୍ଟମାନେ ଗଣନା କେନ୍ଦ୍ରରେ ପହଞ୍ଚି ପାରୁ ନଥିବା ନେଇ ନିର୍ବାଚନ ପ୍ୟାନେଲ ବିଭିନ୍ନ ଅଭିଯୋଗ ପାଇବା ପରେ ଏହି ନିଷ୍ପତ୍ତି ନିଆଯାଇଛି । ତେବେ କୋଲକାତା ପୋଲିସ ପକ୍ଷରୁ ମଧ୍ୟ ବିଜ୍ଞପ୍ତି ପ୍ରକାଶ ପାଇଛି । ଆସନ୍ତାକାଲି ପୋଲିସ ଅନୁମତି ନେଇ ବିଜୟ ଉତ୍ସବ କରିପାରିବେ ଦଳ ।
ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରାରମ୍ଭିକ ଟ୍ରେଣ୍ଡ ଅନୁଯାୟୀ, ଭାରତୀୟ ନିର୍ବାଚନ କମିଶନଙ୍କ ସରକାରୀ ୱେବସାଇଟରେ ଅପଡେଟ୍ ହୋଇଥିବା ଅନୁଯାୟୀ, ଭାଜପା ୪୮ ବିଧାନସଭା ନିର୍ବାଚନ ମଣ୍ଡଳୀରେ ଆଗୁଆ ଥିବା ବେଳେ ଅଖିଳ ଭାରତ ତୃଣମୂଳ କଂଗ୍ରେସ (AITC) ୨୮ ନିର୍ବାଚନ ମଣ୍ଡଳୀରେ ଆଗରେ ଅଛି।
