ଜୟପୁର,୧୭ ।୧୦: କଂଗ୍ରେସ ଅଧ୍ୟକ୍ଷ ପଦର ନିର୍ବାଚନ ସୋମବାର ଅନୁଷ୍ଠିତ ହେବାକୁ ଯାଉଛି । ହେଲେ ଏହା ପୂର୍ବରୁ ଅର୍ଥାତ୍ ରବିବାର ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ କହିଛନ୍ତି, ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ ଦଳର ଶୀର୍ଷ ପଦ ପାଇଁ ମନା କରି ବହୁତ ବଡ ତ୍ୟାଗ କରିଛନ୍ତି ।
ଖବରଦାତାଙ୍କ ସହ କଥା ହେବା ସମୟରେ ଗେହଲୋଟ କହିଛନ୍ତି, ଆମେ ସମସ୍ତେ ଏହି ନିର୍ବାଚନର ଅଂଶ ହେବୁ, ଅଧ୍ୟକ୍ଷ ପଦ ନିର୍ବାଚନକୁ ନେଇ ସମସ୍ତଙ୍କ ମଧ୍ୟରେ ଉତ୍ସାହ ରହିଛି । ଏହା ଏକ ନୂଆ ଆରମ୍ଭ ହେବ । ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ ବହୁତ ବଡ ତ୍ୟାଗ କରିଛନ୍ତି, ଯେତେବେଳେ ସେମାନେ କହିଥିଲେ କି ଗାନ୍ଧୀ ପରିବାରରୁ କେହି ଅଧ୍ୟକ୍ଷ ହେବେ ନାହିଁ ଏହା କହିବାକୁ ସାହସ ଦରକାର ।
ସୂଚନାଯୋଗ୍ୟ, କଂଗ୍ରେସ ଅଧ୍ୟକ୍ଷ ନିର୍ବାଚନରେ ପ୍ରଥମଥର ଲାଗି ଗାନ୍ଧୀ ପରିବାର ବାହାରୁ ଦୁଇ ଜଣ ବରିଷ୍ଠ ନେତା ସାମ୍ନା ସାମ୍ନି ହୋଇଛନ୍ତି । ଗୋଟିଏ ପଟେ ମଲ୍ଲିକାର୍ଜୁନ ଖର୍ଗେ ଓ ଅନ୍ୟ ପଟେ ଶଶି ଥରୁର କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ଲଢୁଛନ୍ତି । ତେବେ ଖର୍ଗେଙ୍କ ସମର୍ଥନ ଅଧିକ ଥିବା ଅନୁମାନ କରାଯାଉଥିବା ବେଳେ ଥରୁର ହୁଏତ ପଛରେ ରହିଯାଇ ପାରନ୍ତି ।
