Advertisement

ଅତିଥିଙ୍କୁ ମିଳେନି ଆତିଥ୍ୟ

ବଅଁରପାଳ, ୯।୧୧: ଘରକୁ ଅତିଥି ଆସିଲେ ଅତ୍ୟନ୍ତ ଆନନ୍ଦର ସହ ଆତିଥ୍ୟ ପ୍ରଦାନ କରାଯାଏ। ଏହା ଆମ ପରମ୍ପରା ଓ ଚଳଣି। ହେଲେ ଅନୁଗୋଳ ଜିଲା ବଅଁରପାଳ ବ୍ଲକର ତୁଳସୀପାଳ ଓ ଗଡ଼ସନ୍ତ୍ରୀ ଗ୍ରାମରେ ମା’ ଲୋଭୀ ଠାକୁରାଣୀଙ୍କ ଯାତ୍ରା ବେଳେ ଅତିଥିଙ୍କୁ କୌଣସି ଆତିଥ୍ୟ ପ୍ରଦାନ କରାଯାଏ ନାହିଁ। ଏହି ସମୟରେ ମା’ ଗଁାର ଅତିଥି ହୋଇଥିବାରୁ ଅନ୍ୟ ଅତିଥିଙ୍କ ଆଦର ଯତ୍ନ କରାଯାଇ ନ ଥାଏ। ସୋମବାରଠାରୁ ଆରମ୍ଭ ହୋଇଥିବା ମା’ ଲୋଭୀଙ୍କ ଯାତ୍ରା ବେଳେ ଏହି ପରମ୍ପରା ଏଠାରେ ଦେଖିବାକୁ ମିଳୁଛି।
ଗ୍ରାମବାସୀଙ୍କ କହିବା ଅନୁଯାୟୀ, ବଅଁରପାଳ ବ୍ଲକ ତୁଳସୀପାଳ ଓ ଗଡସନ୍ତ୍ରୀ ଗ୍ରାମର ଅଧିଷ୍ଠାତ୍ରୀ ଦେବୀ ହେଉଛନ୍ତି ମା’ ଲୋଭୀ ଠାକୁରାଣୀ। ପ୍ରତିବର୍ଷ କାର୍ତ୍ତିକ ମାସରେ ମା’ଙ୍କ ବାର୍ଷିକ ଯାତ୍ରା ପାଳିତ ହୋଇଥାଏ। ଗତ ସୋମବାରଠାରୁ ମା’ଙ୍କ ୫ ଦିନିଆ ଯାତ୍ରା ଆରମ୍ଭ ହୋଇଛି। ଏହା ୧୧ ତାରିଖ ଯାଏ ଚାଲିବ। ଏଥିପାଇଁ ଉଭୟ ଗ୍ରାମ ଉତ୍ସବମୁଖର ହୋଇପଡ଼ିଛି। ଘରେ ଘରେ ବନ୍ଧୁ ବାନ୍ଧବଙ୍କ ଭିଡ଼ ଜମିଛି। କିନ୍ତୁ ପରମ୍ପରା ଅନୁଯାୟୀ କୌଣସି ଅତିଥିଙ୍କୁ ପରିବାର ଲୋକେ ସ୍ବାଗତ କରି ନ ଥାନ୍ତି। ବନ୍ଧୁବାନ୍ଧବ ଘରକୁ ଆସିବା ପରେ ସେମାନଙ୍କୁ କେହି ପାଛୋଟି ଆଣନ୍ତି ନାହିଁ। ଗୋଡ଼ ଧୋଇଦେବା କି ତୁରନ୍ତ ଖାଦ୍ୟ ପରଷିଦେବା ଦେଖାଯାଏ ନାହିଁ। ଏହାଛଡ଼ା ଗ୍ରାମର କୌଣସି ବ୍ୟକ୍ତି କଳା ବସ୍ତ୍ର ପରିଧାନ କରନ୍ତି ନାହିଁ। ଗତ ୨ ବର୍ଷ ହେଲା କରୋନା ପାଇଁ ମା’ଙ୍କ ବାର୍ଷିକ ଯାତ୍ରା କେବଳ ନୀତିକାନ୍ତିରେ ସୀମିତ ରହିଥିଲା। ହେଲେ ଚଳିତବର୍ଷ ଧୁମ୍‌ଧାମରେ ପାଳନ କରାଯାଉଥିବାରୁ ଏହାକୁ ଦେଖିବାକୁ ଦୈନିକ ସହସ୍ରାଧିକ ଭକ୍ତଙ୍କ ଗହଳି ହେଉଛି। ଘରେ ଘରେ ପିଠାପଣା ହୋଇଥିବା ବେଳେ ଯାତ୍ରାସ୍ଥଳରେ ପଡ଼ିଥିବା ମିନାବଜାର, ଦୋଳି, ଫୁଡ୍‌ ଷ୍ଟଲ ଲୋକଙ୍କ ମନମୋହୁଛି। ବିଶେଷକରି ସନ୍ଧ୍ୟା ସମୟରେ ମିନାବଜାରରେ ପ୍ରବଳ ଗହଳି ଦେଖିବାକୁ ମିଳୁଛି। ଜିଲା ଓ ଜିଲା ବାହାରୁ ବହୁ ସଂଖ୍ୟାରେ ଭକ୍ତ ମା’ଙ୍କ ଦର୍ଶନ ପାଇଁ ଆସୁଛନ୍ତି। ଦୈନିକ ହଜାରେରୁ ଅଧିକ ଶିଶୁଙ୍କ ମୁଣ୍ଡନ କରାଯାଉଛି। ସେହିପରି ସାଂସ୍କୃତିକ କାର୍ଯ୍ୟକ୍ରମକୁ ସମସ୍ତଙ୍କ ଅପେକ୍ଷା ରହିଛି। ବୁଧବାର ଦଣ୍ଡନାଚ ହେବ। ୨ ଦିନ ଧରି ଅପେରା ପରିବେଷଣ କରାଯିବ।

 

 

ଗଁାରେ ଉତ୍ସବମୁଖର ପରିବେଶ
୨ ବର୍ଷ ପରେ ମା’ଙ୍କ ବାର୍ଷିକ ଯାତ୍ରା ଆଡ଼ମ୍ବରରେ ଆୟୋଜନ କରାଯାଇଥିବାରୁ ଗଁା ପରିବେଶ ଉତ୍ସବମୁଖର ହୋଇପଡ଼ିଛି। ମା’ ଲୋଭୀ ହେଉଛନ୍ତି ଗ୍ରାମର ଅଧିଷ୍ଠାତ୍ରୀ ଦେବୀ। ତେଣୁ ତାଙ୍କୁ ଆତିଥ୍ୟ ଦିଆଯାଉଥିବାରୁ ଅନ୍ୟ କାହାକୁ ଏହି ସମୟରେ ଆତିଥ୍ୟ ଦିଆଯାଏ ନାହିଁ।
-ବାଉରି ବନ୍ଧୁ ସାହୁ, ତୁଳସୀପାଳ
ଆକର୍ଷଣୀୟ ହେବ ଅପେରା
ଚଳିତବର୍ଷ ମା’ଙ୍କ ଯାତ୍ରା ବେଳେ ପ୍ରଥମ ଥର ପାଇଁ ଅପେରା କାର୍ଯ୍ୟକ୍ରମ ରହିଛି। ଭଲ ଭଲ କଳାକାର ସେମାନଙ୍କ କଳା ପରିବେଷଣ କରିବାକୁ ଥିବାରୁ ଏହା ନିଶ୍ଚିତ ଆକର୍ଷଣୀୟ ହେବ। ଏହାକୁ ଦେଖିବା ପାଇଁ ବହୁ ଦର୍ଶକଙ୍କ ଗହଳି ଜମିବ।
-ସୁନୀଲ ମାଝି, ମନ୍ଦିର ଟ୍ରଷ୍ଟ ସଭାପତି
ଯାତ୍ରାରେ ସାମିଲ ହୋଇ ଖୁସି ଲାଗୁଛି
ଦୀର୍ଘ ୨ ବର୍ଷ ପରେ ବିନା କଟକଣାରେ ମା’ଙ୍କ ଯାତ୍ରା ନିଶ୍ଚିତ ଖୁସିର କଥା। ଏଥିରେ ସାମିଲ ହୋଇପାରିଥିବାରୁ ଆନନ୍ଦ ଅନୁଭବ କରୁଛି। ମିନାବଜାର ବୁଲି କିଣାକିଣି କରିବା ସହ ଚାଟ୍‌, ଗୁପ୍‌ଚୁପ୍‌ ଓ ଆଇସକ୍ରିମ୍‌ ଆଦି ଖାଦ୍ୟର ମଜା ନେଉଛି।
-ଲିସା ସ୍ବାାଇଁ, ଶ୍ରଦ୍ଧାଳୁ
କଳା ବସ୍ତ୍ର ପରିଧାନ ମନା
ମା’ ହେଉଛନ୍ତି ଆମର ପ୍ରତ୍ୟକ୍ଷ ଦେବୀ। ତାଙ୍କର ବହୁ ମହିମା ରହିଛି। ସେଥିପାଇଁ ପରମ୍ପରା ଅନୁଯାୟୀ ଗଁାର କୌଣସି ଲୋକ କଳା ବସ୍ତ୍ର ପରିଧାନ କରନ୍ତି ନାହିଁ। ଦେବୀ କଳାବସ୍ତ୍ର ଓ କାଳଚୁଡ଼ି ବ୍ୟବହାର କରୁଥିବାରୁ ଅନ୍ୟ କେହି ଏହାକୁ ପିନ୍ଧନ୍ତି ନାହିଁ।
-ଅଞ୍ଜଳି ଭୋଇ, ସନ୍ତ୍ରୀ

ଉପେନ୍ଦ୍ର ରାଉତ


Enter your email to get our daily news in your inbox.

All Right Reserved By Dharitri.Com

ସୁଦର୍ଶନଙ୍କୁ ଇଟାଲିଆନ ଗୋଲ୍ଡେନ ସ୍ୟାଣ୍ଡ ଆର୍ଟ ଆୱାର୍ଡ

ପୁରୀ ଅଫିସ,୧୭।୧୧: ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକଙ୍କୁ ମିଳିଛି ଇଟାଲିଆନ ଗୋଲ୍ଡେନ ସ୍ୟାଣ୍ଡ ଆର୍ଟ ଆୱାର୍ଡ। ଇଟାଲୀର ରାଜଧାନୀ ରୋମ୍‌ରେ ଅନୁଷ୍ଠିତ ବିଶ୍ୱସ୍ତରୀୟ...

ଫାଙ୍କା ଗୁଳିଚାଳଣା ଘଟଣା: ନାରାୟଣ ସମେତ ୪ ଗିରଫ: ୨ ବନ୍ଧୁକ, ଗୁଳି ଜବତ

ପୁରୀ ଅଫିସ,୨୯ା୯: ବହୁ ଚର୍ଚ୍ଚିତ ତେଲି ପଡ଼ିଆଠାରେ ଆୟୋଜିତ ଏକ କାର୍ଯ୍ୟକ୍ରମରେ ଫାଙ୍କା ଗୁଳିଚାଳଣା ଘଟଣାରେ ରବିବାର ଟାଉନ ଥାନା ପୋଲିସ ୪ ଜଣଙ୍କୁ ଗିରଫ...

ବଲାଙ୍ଗୀରରେ ବନ୍ଦ୍‌ର ପ୍ରଭାବ

ବଲାଙ୍ଗୀର ଅଫିସ,୨୬।୨: ସର୍ବଭାରତୀୟ ବନ୍ଦ ଡାକରା ପରିପ୍ରେକ୍ଷୀରେ ବଲାଙ୍ଗୀରରେ ଶୁକ୍ରବାର ବନ୍ଦ ପାଳନ ଯୋଗୁ ଜନଜୀବନ ଠପ୍‌ ହୋଇଯାଇଛି । ସହରର ସମସ୍ତ ଦୋକାନ ବଜାର...

ନୟାଗଡ଼ ବନ ବିଭାଗର ନିଆରା ଉଦ୍ୟମ: ପ୍ଲାଷ୍ଟିକ ବଦଳରେ ବାଉଁଶ ଖୋଳରେ ଲାଗିବ ଚାରା

ନୟାଗଡ଼ ଅଫିସ,୧୨ା୧୨: ଆମେ ବ୍ୟବହାର କରୁଥିବା ଅଧିକାଂଶ ଜିନିଷ ପ୍ଲାଷ୍ଟିକରୁ ତିଆରି। ପରିବେଶ ସୁରକ୍ଷା ପାଇଁ ପ୍ଲାଷ୍ଟିକ ବ୍ୟବହାର ନ କରିବାକୁ ବିଭିନ୍ନ ସଚେତନତା କାର୍ଯ୍ୟକ୍ରମ...

ଘରେ ପଡ଼ି ମୃତ୍ୟୁ, ଅପମୃତ୍ୟୁ ମାମଲା ରୁଜୁ

ଭଞ୍ଜନଗର,୧୫।୯(ଡି.ଏନ.ଏ)-ଭଞ୍ଜନଗର ଥାନା ଅନ୍ତର୍ଗତ ବୁଦୁଲିର କାମରାଜୁ ଡାକୁଆ (୬୦) ଶନିବାର ରାତିରେ ଘରେ ପଡ଼ି ଯାଇଥିଲେ। ପରିବାର ଲୋକେ ତାଙ୍କୁ ଚିକିସତ୍ା ପାଇଁ ଭଞ୍ଜନଗର ଡାକ୍ତରଖାନାକୁ...

ଲୁଣା ନଦୀରୁ ମୃତ ଥଣ୍ଟିଆ କୁମ୍ଭୀର ଉଦ୍ଧାର

ମହାକାଳପଡ଼ା,୫|୪(ଡି.ଏନ୍.ଏ.)- କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଜୟଚନ୍ଦ୍ରପୁର ଗ୍ରାମ ନିକଟ ଲୁଣା ନଦୀ ଗାଧୁଆ ତୁଠରୁ ଚାରି ଫୁଟ ଲମ୍ବର ମୃତ ଥଣ୍ଟିଆ କୁମ୍ଭୀରକୁ ଲୋକେ...

ଅଟୋ-ବାଇକ୍‌ ଧକ୍କା, ସରପଞ୍ଚଙ୍କ ମୃତ୍ୟୁ

ଭୋଗରାଇ, ୮।୬(ଡି.ଏନ.ଏ.)-ବାଲେଶ୍ୱର ଜିଲା କମର୍ଦ୍ଦା ଥାନା ଅଧୀନ କମର୍ଦ୍ଦା ସରପଞ୍ଚ ପୂର୍ଣ୍ଣଚନ୍ଦ୍ର ସେଠୀ (୪୮) ଶୁକ୍ରବାର ସଡ଼କ ଦୁର୍ଘଟଣାରେ ପ୍ରାଣ ହରାଇଛନ୍ତି। ତାଙ୍କ ମୃତ୍ୟୁରେ ଏହି...

ଲୋକଙ୍କ ସମସ୍ୟା ସମାଧାନ କର: ବିଧାୟକ

ବଇଣ୍ଡା,୩୧।୫(ଡି.ଏନ.ଏ.)-ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ ଗୁରୁବାର ବିଧାନସଭାରେ ନୂତନ ଭାବେ ଶପଥ ନେବା ପରେ ନିଜ ନିର୍ବାଚନ ମଣ୍ଡଳୀକୁ ଆସି କାର୍ଯ୍ୟ ଆରମ୍ଭ କରିଛନ୍ତି।...

Advertisement
Archives

Model This Week