ଫିଲ୍ମ କଳାକାର ଏବଂ କ୍ରିକେଟରଙ୍କ ମଧ୍ୟରେ ପ୍ରେମ ସମ୍ପର୍କ ବହୁତ ପୁରୁଣା। ନବାବ ପଟୌଦୀ-ଶର୍ମିଲା ଟାଗୋରଙ୍କ ଠାରୁ ଆରମ୍ଭ କରି ବିରାଟ କୋହଲି-ଅନୁଷ୍କା ଶର୍ମାଙ୍କ ପର୍ଯ୍ୟନ୍ତ ଏହାର ବହୁତ ବଡ଼ ଉଦାହରଣ। ମାତ୍ର ଏମିତି ବି କିଛି ନାମ ରହିଛି ଯେଉଁମାନଙ୍କ ନାମ ପରସ୍ପର ସହ ଯୋଡି ହୋଇଛି ମାତ୍ର ସେମାନଙ୍କ ପ୍ରେମ ସଫଳ ହୋଇପାରି ନାହିଁ। ସେମାନଙ୍କ ମଧ୍ୟରୁ ଜଣେ ହେଲେ ଭାରତୀୟ କ୍ରିକେଟ ଟିମ୍ର ମୁଖ୍ୟ ପ୍ରଶିକ୍ଷକ ରବି ଶାସ୍ତ୍ରୀ ଏବଂ ଅଭିନେତ୍ରୀ ନିମ୍ରତ କୌର। କିନ୍ତୁ ଏହି ଯୋଡି କେବେହେଲେ ସେମାନଙ୍କ ସମ୍ପର୍କକୁ ସର୍ବ ସମ୍ମୁଖରେ ସ୍ବୀକାର କରି ନାହାନ୍ତି। ଉଭୟ ଏହାକୁ କେବଳ ଗୁଜବ ବୋଲି କହିଥିଲେ। ଆଜି ଅର୍ଥାତ ମାର୍ଚ୍ଚ ୧୩ ହେଉଛି ନିମ୍ରତଙ୍କର ଜନ୍ମଦିନ। ଅକ୍ଷୟ କୁମାରଙ୍କ ସୁପରହିଟ୍ ଫିଲ୍ମ ‘ଏୟାରଲିପ୍ଟ’ରେ ତାଙ୍କୁ ଦେଖିବାକୁ ମିଳିଥିଲା।
ନିମ୍ରତଙ୍କର ଜନ୍ମ ରାଜସ୍ଥାନର ପିଲାନୀରେ ହୋଇଥିଲା। ତାଙ୍କ ବାପା ଆର୍ମୀରେ ଥିଲେ। ମାତ୍ର ଆତଙ୍କବାଦୀଙ୍କ ସହ ଏନ୍କାଉଣ୍ଟର ବେଳେ ସେ ସହିଦ ହୋଇଥିଲେ। ଏକ ସମୟ ଥିଲା ନିମ୍ରତଙ୍କ ନାମ କ୍ରିକେଟର ରବି ଶାସ୍ତ୍ରୀଙ୍କ ସହ ଯୋଡାଯାଇଥିଲା। ଏହି ସମୟରେ ରବି ବିବାହିତ ଥିଲେ। ମାତ୍ର ସେ ସ୍ତ୍ରୀଙ୍କ ଠାରୁ ଛାଡପତ୍ର ନେଇ ଅଲଗା ରହୁଥିଲେ। ହେଲେ ଉଭୟ ସେମାନଙ୍କ ସମ୍ପର୍କକୁ କେବଳ ଏକ ଗୁଜବ ବୋଲି କହିଆସୁଥିଲେ। ମିଡିଆର ରିପୋର୍ଟ ଅନୁଯାୟୀ, ୨୦୧୫ରେ ଉଭୟଙ୍କ ସାକ୍ଷାତ ଏକ ଜର୍ମାମ କାର ଲଞ୍ଚ୍ ଅବସରରେ ହୋଇଥିଲା। ଏହା ପରେ ଉଭୟଙ୍କ ମଧ୍ୟରେ ବନ୍ଧୁତ୍ୱ ଏବଂ ଶେଷରେ ପ୍ରେମରେ ବଦଳିଯାଇଥିଲା। ପ୍ରାୟ ୨ ବର୍ଷ ପର୍ଯ୍ୟନ୍ତ ଉଭୟ ପରସ୍ପରକୁ ଡେଟ୍ କରିଥିଲେ ବୋଲି କୁହାଯାଏ।
