ଅହମ୍ମଦାବାଦ,୧୩।୩: ଶୁକ୍ରବାର ଖେଳାଯାଇଥିବା ପ୍ରଥମ ଟି୨୦ ମ୍ୟାଚ୍ରେ ୮ ଉଇକେଟରେ ଭାରତକୁ ହରାଇଛି ଇଂଲଣ୍ଡ। ଏହାକୁ ନେଇ ଇଂଲଣ୍ଡର ପୂର୍ବ ଅଧିନାୟକ ମାଇକେଲ ଭାଉଘାନ ଭାରତୀକୁ କଟାକ୍ଷ କରି ଏକ ଟୁଇଟ୍ କରିଥିଲେ। ଆଇପିଏଲ୍ର ମୁମ୍ବାଇ ଇଣ୍ଡିଆନ୍ସ ଟିମ୍ ଭାରତୀୟ କ୍ରିକେଟ ଟିମ୍ଠାରୁ ଶ୍ରେୟସ୍କର ବୋଲି ସେ କହିଥିଲେ। ଏହି ଟୁଇଟ୍ ବେଶ୍ ଭାଇରାଲ ହେବା ପରେ ପୂର୍ବ ଭାରତୀୟ ଓପନର ଓ୍ବାସିମ୍ ଜାଫର ତାଙ୍କୁ ଜବାବ ଦେଇଛନ୍ତି। ଜାଫର ଟୁଇଟର ଜବାବରେ ଆମେ ଏତେ ଭାଗ୍ୟଶାଳୀ ନୋହୁଁ ଯିଏ ଦଳରେ ୪ ବିଦେଶୀ ଖେଳାଳିଙ୍କୁ ଖେଳାଇପାରିବୁ ବୋଲି କହିଥିଲେ। ତେବେ ଜାଫରଙ୍କ ସଙ୍କେତ ପ୍ରଥମ ଟି୨୦ ମ୍ୟାଚ୍ରେ ସାମିଲ ହୋଇଥିବା ଇଂଲଣ୍ଡ ଖେଳାଳିଙ୍କ ଆଡକୁ ଥିଲା। କାରଣ ବର୍ତ୍ତମାନ ଦଳରେ ସାମିଲ ହୋଇଥିବା ଅନେକ ଖେଳାଳି ଇଂଲଣ୍ଡ ବଂଶୋଦ୍ଭବ ଅଟନ୍ତି। ତଥାପି ସେମାନଙ୍କୁ ଦଳରେ ସାମିଲ କରାଯାଇଛି। ହେଲେ ଭାରତୀୟ ଟିମ୍ ସେଭଳି କରିପାରିବ ନାହିଁ ବୋଲି ପରୋକ୍ଷରେ ସେ କହିଥିଲେ। ଏହା ଶୁଣି ମାଇକେଲ ଚୁପ୍ ହୋଇଯାଇଥିଲେ।
