କେସିଙ୍ଗା, ୧।୨(ଡି.ଏନ୍.ଏ.): କଳାହାଣ୍ଡି ଜିଲା କେସିଙ୍ଗା ବିଜ୍ଞାପିତ ଅଞ୍ଚଳ ପରିଷଦରେ ନୂତନ ନିର୍ବାହୀ ଅଧିକାରିଣୀ ଭାବେ କିରଣ ବେହେରା ଯୋଗଦାନ କରିଛନ୍ତି। ସେ ପ୍ରଥମେ ୨୦୨୧ ମାର୍ଚ୍ଚ ୨୧ରେ ସମ୍ବଲପୁର ମ୍ୟୁନିସିପାଲିଟି ର ଓଏସ୍ଡି ପଦବୀରେ କିଛି ଦିନ କାର୍ଯ୍ୟ କଲା ପରେ ସୋନପୁର ଜିଲା ତରଭା ଏନଏସିରେ ନିର୍ବାହୀ ଅଧିକାରିଣୀ ଭାବେ କାର୍ଯ୍ୟ ତୁଲାଇ ଆସୁଥିଲେ। କଳାହାଣ୍ଡି ଜିଲା କେସିଙ୍ଗା ଏନ୍ଏସିକୁ ବଦଳି ହେବା ପରେ ସୋମବାର ସେ ଯୋଗଦାନ କରିଛନ୍ତି। କେସିଙ୍ଗାର ପୂର୍ବତନ ନିର୍ବାହୀ ଅଧିକାରୀ ସିଦ୍ଧାର୍ଥ ପଟ୍ଟନାୟକଙ୍କୁ ଜୟପୁର ବଦଳି କରାଯାଇଥିବାବେଳେ ଯେଉଁ ସବୁ ଅସମ୍ପୂର୍ଣ୍ଣ କାର୍ଯ୍ୟ ରହିଛି, ସେସବୁ ଉପରେ ଦୃଷ୍ଟି ଦେବେ ବୋଲି କିରଣ ପ୍ରକାଶ କରିଛନ୍ତି।
