ମୁମ୍ୱାଇ,୩।୨: ମହାରାଷ୍ଟ୍ରରେ ଚାଲିଥିବା ‘ଲଡକି ବେହେନ’ ଯୋଜନାର ନାମ ପରିବର୍ତ୍ତନ ପାଇଁ ମଙ୍ଗଳବାର ଦାବି ଉଠିଛି। ଏନସିପି ନେତା ଅମୋଲ ମିଟକାରୀ କହିଛନ୍ତି, ଅଜିତ ଦାଦା ମହିଳାମାନଙ୍କ ପ୍ରିୟ ଭାଇ ରହିଥିଲେ। ସେ ଯେତେବେଳେ ରାଜ୍ୟର ବିଭିନ୍ନ ଅଞ୍ଚଳ ଗସ୍ତ କରୁଥିଲେ ମା’ ଉଭଣୀମାନେ ତାଙ୍କ ହାତରେ ରାଖୀ ବାନ୍ଧି ସ୍ୱାଗତ କରୁଥିଲେ। ଏହା ଅଜିତ ଦାବାଙ୍କ ପ୍ରତି ମା’ ଉଭଣୀଙ୍କ ଅତୁଟ ସ୍ନେହ ଏବଂ ଭଳ ପାଇବା ରହିଥିଲା। ଏନେଇ ‘ଲଡକି ବେହେନ’ ଯୋଜନାର ନାମ ପରିବର୍ତ୍ତନ କରି ଅଜିତ ଦାଦାଙ୍କ ନାମରେ ନାମିତ କଲେ ଏହା ତାଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳି ହେବ। ଏନେଇ ଏନସିପି ନେତା ଅଜିତ ଦାଦା ଲଡକି ବାହିନୀ ଯୋଜନା ନାମ କରଣ କରିବାକୁ ଦେବେନ୍ଦ୍ର ସରକାରଙ୍କ ନିକଟରେ ଦାବି କରିଛନ୍ତି। ହେଲେ ରାଜ୍ୟ ସରକାରଙ୍କ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ।
ସୂଚନା ଯୋଗ୍ୟ, ଅଜିତ ପାୱାରଙ୍କ ଦେହାନ୍ତ ପରେ ଶୁକ୍ରବାର ତାଙ୍କ ପତ୍ନୀ ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି। ବର୍ତ୍ତ୍ମାନ ଏନ୍ସିପିର ଏହି ଦାବି ମହାରାଷ୍ଟ୍ର ରାଜନୀତିରେ ଦଳର ସ୍ଥିତିକୁ ମଜବୁତ କରିବା ପାଇଁ ବୋଲି ଚର୍ଚ୍ଚା ଆରମ୍ଭ ହୋଇଯାଇଛି।
