ଇସ୍ଲାମାବାଦ,୧୭ ।୧୦: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ଶରିଫ ଶନିବାର ପାକ୍ ସେନା ମୁଖ୍ୟ ଜେନରାଲ କମର ଜବେଦ ବାଜୱାଙ୍କ ଉପରେ ଏକ ଦୋଷ ଲଦିଛନ୍ତି । ଶରିଫ କହିଛନ୍ତି ବାଜୱା ମୋ ସରକାରକୁ ଭାଙ୍ଗି ଦେଇଥିଲେ । ସେ ଆହୁରି ମଧ୍ୟ କହିଛନ୍ତି ସେନା ମୁଖ୍ୟ ୨୦୧୮ରେ ଇମ୍ରାନ ଖାଁଙ୍କୁ ଗାଦିରେ ବସାଇବା ସହ ନ୍ୟାୟପାଳିକା ଉପରେ ଚାପ ପ୍ରୟୋଗ କରିଥିଲେ । ଲଣ୍ଡନରେ ଭିଡିଓ ଲିଙ୍କ ଦ୍ୱାରା ବିପକ୍ଷ ଦଳ ଆୟୋଜିତ କରିଥିବା ହଜାର ଲୋକଙ୍କ ଏକ ସଭାରେ ମୋଦି ଏହା କହିଛନ୍ତି । ସୂଚନାଯୋଗ୍ୟ, ପାକିସ୍ତାନର ଇମ୍ରାନ ସରକାରଙ୍କୁ ହଟାଇବା ପାଇଁ ପୂର୍ବ ସହର ଗୁଜରାଂୱାଲାରେ ଦେଶବ୍ୟାପୀ ବିରୋଧ ଅଭିଯାନ ଆରମ୍ଭ କରାଯାଇଛି । ଶରିଫଙ୍କ ଏହି ଅଭିଯୋଗ ପରେ ସେନା ପକ୍ଷରୁ ଏହାର ଜବାବ ଦିଆଯାଇଛି । ପାକ୍ ସେନା କହଛି ରାଜନୀତିରେ ତା’ର କୌଣସି ପ୍ରକାର ହସ୍ତକ୍ଷେପ ନାହିଁ । ଉକ୍ତ ସଭାରେ ଶରିଫଙ୍କ ଝିଅ ମରିୟମ ନୱାଜ ଓ ବେନଜିର ଭୁଟ୍ଟୋଙ୍କ ପୁଅ ବିଲାବଟ ଭୁଟ୍ଟୋ ବି ଉଦ୍ବୋଧନ ଦେଇଥିଲେ । ଏମାନେ ମଧ୍ୟ ଇମ୍ରାନ ଖାଁ ସରକାରକୁ ବିରୋଧ କରିଛନ୍ତି । ସୂଚନାଯୋଗ୍ୟ, ଗତବର୍ଷ ନଭେମ୍ବରରେ ଶରିଫ ଅସୁସ୍ଥ ଥିବାରୁ ଚିକିତ୍ସା ପାଇଁ ସେ ଲଣ୍ଡନ ଯାଇଛନ୍ତି ।
