ନୂଆଦିଲ୍ଲୀ,୩।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକା ଗସ୍ତ ସମୟରେ ଜୁନ ୨୨ରେ ଆମେରିକା ସଂସଦର ମିଳିତ ବୈଠକରେ ସମ୍ବୋଧିତ କରିବେ। ମିଳିତ ବୈଠକରେ ସମ୍ବୋଧିତ କରିବାକୁ ପ୍ରଧାନମନ୍ତ୍ରୀ ମୋଦିଙ୍କୁ ଆମନ୍ତ୍ରଣ କରିବା ଆମ ପାଇଁ ଗୌରବର ବିଷୟ ବୋଲି ଆମେରିକା କହିଛି। ସୂଚନାଯୋଗ୍ୟ, ଆମେରିକାର ରାଷ୍ଟ୍ରପତି ଜୋ ବାଇଡେନ ପ୍ରଧାନମନ୍ତ୍ରୀ ମୋଦିଙ୍କୁ ଏକ ସରକାରୀ ଗସ୍ତ ପାଇଁ ଆମନ୍ତ୍ରଣ କରିଛନ୍ତି।
ଶୁକ୍ରବାର ଆମେରିକା ଲୋକ ସଭା ଏବଂ ଆମେରିକା ସିନେଟର ମିଳିତ ବିବୃତ୍ତିରେ କୁହାଯାଇଛି ଯେ, ପ୍ରଧାନମନ୍ତ୍ରୀ ମୋଦିଙ୍କ ଆମେରିକା ସଂସଦକୁ ସମ୍ବୋଧିତ କରିବା ଆମ ପାଇଁ ଗର୍ବର ବିଷୟ। ଦୁଇ ଦେଶ ମଧ୍ୟରେ ଭାଗିଦାରୀ କ୍ରମାଗତ ଭାବେ ବୃଦ୍ଧି ପାଉଛି। ଏହି ସମୟରେ ପ୍ରଧାନମନ୍ତ୍ରୀ ମୋଦି ଭାରତର ଭବିଷ୍ୟତ ଏବଂ ଉଭୟ ଦେଶ ସମ୍ମୁଖୀନ ହେଉଥିବା ବିଶ୍ୱ ଚ୍ୟାଲେଞ୍ଜ ବିଷୟରେ କହିବେ।
