ଶାରଜା,୨୫।୧୦: ଶାରଜାର ଧିମା ପିଚ୍ରେ ସବୁଠୁ ବଡ଼ ସ୍କୋର ଛିଡ଼ା କରିଛି ଆଫଗାନିସ୍ତାନ। ସ୍କଟଲାଣ୍ଡ ବିପକ୍ଷ ମ୍ୟାଚ୍ରେ ପ୍ରଥମେ ବ୍ୟାଟିଂ କରିଥିବା ମହମ୍ମଦ ନବିଙ୍କ ନେତୃତ୍ୱାଧୀନ ଦଳ ଧାର୍ଯ୍ୟ ୨୦ ଓଭରରେ ୪ ଉଇକେଟ ହରାଇ ୧୯୦ ରନ୍ କରିଛି। ଏହା ଚଳିତ ଟି୨୦ ବିଶ୍ୱକପ୍ର ସର୍ବାଧିକ ଦଳଗତ ସ୍କୋର। କେବଳ ଏତିକି ନୁହେଁ, ମ୍ୟାଚ୍ରେ ଆଫଗାନିସ୍ତାନର ବ୍ୟାଟ୍ସମ୍ୟାନମାନେ ୧୧ ଛକା ଲଗାଇଥିଲା। ଏପର୍ଯ୍ୟନ୍ତ ଇଭେଣ୍ଟରେ କୌଣସି ଦଳ ଏତେ ସଂଖ୍ୟକ ଛକା ଲଗାଇ ନାହିଁ।
ଆରମ୍ଭରୁ ହଜାରୁତୁଲା ଜଜାଇ (୪୪ ରନ୍, ୩ ଛକା ଓ ୩ ଚୌକା) ଓ ମହମ୍ମଦ ଶେହଜାଦ (୨୨ ରନ୍, ୨ ଚୌକା ଓ ୧ ଛକା)ଙ୍କ ଓପନିଂ ଯୋଡ଼ି ପାଓ୍ବରପ୍ଲେରେ ୫୪ ରନ୍ କରିଥିଲେ। ଦୁହେଁ ଆଉଟ୍ ହେବା ପରେ ରେହମାନୁଲା ଗୁର୍ବାଜ ୪୬ (୧ ଚୌକା ଓ ୪ ଛକା) ଓ ନାଜିବୁଲା ଜଡରାନ ୫୯ (୫ ଚୌକା ଓ ୩ ଛକା) ରନ୍ର ଇନିଂସ ଖେଳିଥିଲେ। ଶେଷକୁ ଅଧିନାୟକ ମହମ୍ମଦ ନବି ୨ ଚୌକା ସହାୟତାରେ ୧୧ ରନ୍ ଲଗାଇଥିଲେ।
