ହଜାରିବାଗ,୨୩ା୧: ଜାନୁୟାରୀ ୭ ତାରିଖର ଘଟଣା। ଝାଡ଼ଖଣ୍ଡର ହଜାରିବାଗରେ ଜଣେ ୨୩ ବର୍ଷୀୟା ମହିଳାଙ୍କୁ ତାଙ୍କ ସମ୍ପର୍କୀୟମାନେ ବଳାତ୍କାର ଉଦ୍ୟମ କରିଥିଲେ। ମହିଳା ଜଣକ ଏହାକୁ ପ୍ରତିରୋଧ କରିବାରୁ ସେମାନେ ତାଙ୍କ ଦେହରେ ପେଟ୍ରୋଲ ଢାଳି ନିଅଁା ଲଗାଇଦେଇଥିଲେ। ତାଙ୍କ ଶରୀରର ୭୦ ଭାଗ ଜଳିଯାଇଥିଲା। ପୀଡ଼ିତାଙ୍କୁ ରାଞ୍ଚତ୍ର ରାଜେନ୍ଦ୍ର ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସେସ୍ (ରିମ୍ସ)ରେ ଭର୍ତ୍ତି କରାଯାଇଥିଲା। ୧୫ ଦିନ ଧରି ଜୀବନ ସହ ସଂଗ୍ରାମ କରିବା ପରେ ମହିଳା ଜଣକ ରବିବାର ସକାଳେ ଆଖି ବୁଜି ଦେଇଛନ୍ତି। ଅଭିଯୁକ୍ତମାନଙ୍କ ମଧ୍ୟରୁ ୩ ଜଣ ହେଲେ ପୀଡ଼ିତାଙ୍କ ସମ୍ପର୍କୀୟ।
ପୋଲିସ ସେମାନଙ୍କୁ ଧରିବା ପାଇଁ ସ୍ବତନ୍ତ୍ର ତଦନ୍ତକାରୀ ଟିମ୍ ଗଠନ କରିଛି। ହେଲେ ଏଯାଏ ଜଣେ ହେଲେ ଅଭିଯୁକ୍ତଙ୍କୁ ଗିରଫ କରିପାରି ନାହିଁ। ତଦନ୍ତ ଜାରି ରହିଛି। ଅଭିଯୁକ୍ତମାନଙ୍କୁ ଖୁବ୍ଶୀଘ୍ର ଧରାଯିବ ବୋଲି ହଜାରିବାଗ ଏସ୍ପି ମନୋଜ ରତନ ଚୋଥେ ପ୍ରକାଶ କରିଛନ୍ତି। ଚୋଥେଙ୍କ କହିବା ହେଲା, ସମ୍ପୃକ୍ତ ମହିଳାଙ୍କ ସ୍ବାମୀ ପୂର୍ବରୁ ୩ ଥର ବିବାହ କରିଥିଲେ। ପୀଡ଼ିତା ହେଉଛନ୍ତି ତାଙ୍କର ଚତୁର୍ଥ ସ୍ତ୍ରୀ। ୪ ଅଭିଯୁକ୍ତଙ୍କ ମଧ୍ୟରୁ ୩ ଜଣ ତାଙ୍କ ସମ୍ପର୍କୀୟ। ୩ ଜଣଙ୍କ ମଧ୍ୟରେ ତାଙ୍କ ବଡ଼ଯାଆ ଅଛନ୍ତି। ବଡ଼ଯାଆ ଓ ତାଙ୍କ ପୁଅ ମହିଳାଙ୍କୁ ଜାଳିଦେଉଥିବାବେଳେ ରକ୍ଷା କରିବା ପାଇଁ ସେ ଚିତ୍କାର କରିଥିଲେ। ମହିଳାଙ୍କ ସ୍ବାମୀ ତାଙ୍କୁ ରକ୍ଷା କରିଥିଲେ। ପୀଡ଼ିତା ଓ ତାଙ୍କ ସ୍ବାମୀଙ୍କ କଥାରେ ତାଳମେଳ ନ ଥିବାରୁ ଅଭିଯୁକ୍ତମାନଙ୍କ ବିରୋଧରେ କୌଣସି ପ୍ରମାଣ ମିଳି ନାହିଁ। କୌଣସି ନିଷ୍କର୍ଷରେ ପହଞ୍ଚତ୍ବା ପୂର୍ବରୁ ଫରେନ୍ସିକ୍ ସାଇନ୍ସ ଲାବରେଟୋରି ରିପୋର୍ଟକୁ ଅପେକ୍ଷା କରାଯାଇଛି।
ମହିଳା ବିରୋଧୀ ଅପରାଧ ତଥ୍ୟ
ଅପରାଧ ରେକର୍ଡ ବ୍ୟୁରୋ (ଏନ୍ସିଆର୍ବି) ତଥ୍ୟାନୁସାରେ ଭାରତରେ ମହିଳାଙ୍କ ସୁରକ୍ଷା ବିପନ୍ନ ହେବାରେ ଲାଗିଛି। ଦେଶରେ ପ୍ରତି ୧୫ ମିନିଟରେ ଜଣେ ମହିଳା ବଳାତ୍କାରର ଶିକାର ହେଉଛନ୍ତି। ଅଧିକାଂଶ କ୍ଷେତ୍ରରେ ଅଭିଯୁକ୍ତ ହେଉଛନ୍ତି ପୀଡ଼ିତାଙ୍କ ସମ୍ପର୍କୀୟ କିମ୍ବା ପରିଚିତ ବ୍ୟକ୍ତି।
ମୋଟ ୬୫,୦୨୫ ବଳାତ୍କାର ମାମଲା ରୁଜୁ ହୋଇଥିଲା। ସେଥିରୁ ୯୬.୮% ମାମଲାରେ ପୀଡ଼ିତା ବଳାତ୍କାରୀଙ୍କୁ ପୂର୍ବରୁ ଜାଣିଥିଲେ।
ମହିଳା ବିରୋଧୀ ହିଂସା ମାମଲା ୨୦୨୦ ତୁଳନାରେ ୨୦୨୧ରେ ୧୫.୩% ଅଧିକ ରହିଥିଲା।
ଏକାଠି କରି ରଖିବା ଲାଗି ମହିଳାମାନେ ହିଂସାକୁ ସହ୍ୟ କରିବା ଉଚିତ ବୋଲି ୬୫% ଭାରତୀୟ ମନେକରନ୍ତି।
