ପାପଡାହାଣ୍ଡି,୨୧।୧୧(ଡି.ଏନ୍.ଏ.): ଫେରାର ହତ୍ୟା ଅଭିଯୁକ୍ତଙ୍କୁ ପାପଡ଼ାହାଣ୍ଡି ପୋଲିସ ଶନିବାର ବିଳମ୍ବିତ ରାତିରେ ଗିରଫ କରିଛି। ଅଭିଯୁକ୍ତ ହେଲେ ପାପଡ଼ାହାଣ୍ଡି ବ୍ଲକ ଗାଦବାକତରା ଗ୍ରାମର ହତ୍ୟା ପ୍ରହଲ୍ଲାଦ ଜାନୀ।
ସୂଚନାନୁଯାୟୀ, ଦୁଇ ଦିନ ତଳେ ସନ୍ନ୍ୟାସୀଙ୍କ ବାଡିରେ ଲାଗିଥିବା ପରିବାକୁ ପ୍ରହଲ୍ଲାଦଙ୍କ ଗୋରୁ ଖାଇ ଦେଇଥିଲା। ସନ୍ନ୍ୟାସୀ ଏହାର ପ୍ରତିବାଦ କରିବାରୁ ପ୍ରହଲ୍ଲାଦ ତାଙ୍କୁ ଏକ ଠେଙ୍ଗାରେ ଆକ୍ରମଣ କରିଥିଲେ। ଫଳରେ ସନ୍ନ୍ୟାସୀ ଗୁରୁତର ଆହତ ହୋଇଥିଲେ। ଗୁରୁତର ଅବସ୍ଥାରେ ତାଙ୍କୁ କୋରାପୁଟରେ ଚିକିତ୍ସା କରାଯାଇଥିଲା। ହେଲେ ଡାକ୍ତର ଅଧିକ ଚିକିତ୍ସା ପାଇଁ ଅନ୍ୟତ୍ର ନେବାକୁ କହିଥିଲେ। ଏନେଇ ପରିବାର ଲୋକ ତାଙ୍କୁ ଶୁକ୍ରବାର ଘରକୁ ନେଇ ଆସିଥିଲେ। ଶନିବାର ରାତିରେ ସନ୍ନ୍ୟାସୀଙ୍କ ମୃତ୍ୟୁ ହୋଇ ଯାଇଥିଲା। ଘଟଣା ପରଠାରୁ ଫେରାର ଥିବା ପ୍ରହଲ୍ଲାଦଙ୍କୁ ଝରିଗୁମାରୁ ପୋଲିସ ଗିରଫ କରିଛି।
