ନୂଆଦିଲ୍ଲୀ,୨୮।୫ : ଦକ୍ଷିଣପଶ୍ଚିମ ମୌସୁମୀ ବାୟୁ ଆଗାମୀ ୨ରୁ ୩ ଦିନ ମଧ୍ୟରେ କେରଳ ଛୁଇଁବ ବୋଲି ଭାରତୀୟ ପାଣିପାଗ ବିଭାଗ (ଆଇଏମ୍ଡି) ପୂର୍ବାନୁମାନ କରିଛି। ସାମୁଦ୍ରିକ ବାତ୍ୟା ଅସାନି ପ୍ରଭାବରେ ମୌସୁମୀ ମେ’ ୨୭ରେ କେରଳରେ ପହଞ୍ଚତ୍ବ ବୋଲି ପୂର୍ବରୁ ପାଣିପାଗ ବିଭାଗ କହିଥିଲା। ଫଳରେ ପ୍ରଚଣ୍ଡ ଗ୍ରୀଷ୍ମ ପ୍ରବାହରୁ ତ୍ରାହି ମିଳିବା ନେଇ ଲୋକେ ଆଶ୍ୱସ୍ତ ହୋଇଥିଲେ। ହେଲେ ଉକ୍ତ ପୂର୍ବାନୁମାନରେ ୪ ଦିନ ତ୍ରୁଟି ରହିଥିବା କୁହାଯାଇଛି। ପାଣିପାଗ ବିଭାଗର ସଦ୍ୟତମ ସୂଚନା ଅନୁଯାୟୀ ଦକ୍ଷିଣ ଆରବ ସାଗର ଉପରେ ତଳ ସ୍ତରରେ ପ୍ରବଳ ବେଗରେ ପଛୁଆ ପବନ ପ୍ରବାହିତ ହେଉଛି। ଉପଗ୍ରହ ଚିତ୍ର ସୂଚନା ଅନୁଯାୟୀ କେରଳ ଉପକୂଳ ଓ ଦକ୍ଷିଣପୂର୍ବ ଆରବ ସାଗର ଆଖପାଖ ଅଞ୍ଚଳ ଉପରେ ଘନ ବାଦଲ ଦେଖାଦେଇଛି। ତେଣୁ ୨-୩ ଦିନ ମଧ୍ୟରେ କେରଳରେ ମୌସୁମୀ ପହଞ୍ଚତ୍ବା ଲାଗି ଅନୁକୂଳ ସ୍ଥିତି ସୃଷ୍ଟି ହୋଇଥିବା ପାଣିପାଗ ବିଭାଗ କହିଛି। ମେ’ ୧୬ରେ ଆଣ୍ଡାମାନ ନିକୋବର ଦ୍ୱୀପପୁଞ୍ଜରେ ମୌସୁମୀ ପହଞ୍ଚତ୍ବ ବୋଲି ପୂର୍ବରୁ ଆଇଏମ୍ଡି ଘୋଷଣା କରିଥିଲା।
