ନୂଆଦିଲ୍ଲୀ,୭।୩: ୟୁକ୍ରେନ ଏବଂ ରୁଷିଆ ମଧ୍ୟରେ ଚାଲିଥିବା ଯୁଦ୍ଧର ଆଜି ଦ୍ୱାଦଶ ଦିନ। ତିକ୍ତ ସମୟରେ ରୁଷିଆ ଭାରତର ଆଭିମୁଖ୍ୟକୁ ପ୍ରଶଂସା କରୁଥିବାବେଳେ ୟୁକ୍ରେନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏହି ଘଟଣାରେ ହସ୍ତକ୍ଷେପ କରିବାକୁ ନିବେଦନ କରିଛନ୍ତି। ୟୁକ୍ରେନରେ ଫସିଥିବା ଭାରତୀୟଙ୍କ ଯେଉଁ ଭଳି ଭାବରେ ସୁରକ୍ଷିତ ଭାବରେ ଭାରତ ଅଣାଯାଉଛି ସେଥିରୁ ବିଶ୍ୱରେ ଭାରତର ପ୍ରଭାବ ବୃଦ୍ଧି ପାଉଥିବା ଜଣାପଡେ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି। ଏହି ସମୟରେ ବିଶ୍ୱରେ ବଢୁଥବା ଭାରତର ଗୁରୁତ୍ୱ ମଧ୍ୟରେ ପ୍ରାୟ ୨୧ ବର୍ଷ ପୂର୍ବେ ଏକ ଫଟୋ ଭାଇରାଲ ହେବାରେ ଲାଗିଛି। ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଏବଂ ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ବସିଛନ୍ତି। ଏଥିସହିତ ନରେନ୍ଦ୍ର ମୋଦି ତାଙ୍କ ପଛରେ ଠିଆ ହୋଇଛନ୍ତି। ସେତେବେଳେ ସେ ଗୁଜୁରାଟର ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରୁଥିଲେ। ଏହି ଫଟୋଟି ନଭେମ୍ବର ୨୦୦୧ରୁ। ଭାରତର ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ରୁଷିଆ ଗସ୍ତରେ ଯାଇଥିଲେ। ସେବେଠୋରୁ ରୁଷିଆ ଏବଂ ଭାରତ ସମ୍ପର୍କ ଭଲ ରହିଆସିଛି।
ପ୍ରଧାନମନ୍ତ୍ରୀ ମୋଦୀ ନିଜେ ୨୦୦୧ର ସେହି ବୈଠକକୁ ଭୁଲି ନାହାଁନ୍ତି। ୨୦୧୯ ମସିହାରେ, ଯେତେବେଳେ ପ୍ରଧାନମନ୍ତ୍ରୀ ମୋଦି ୨୦ ତମ ଭାରତ-ରୁଷିଆ ସମ୍ମିଳନୀ ପାଇଁ ମସ୍କୋ ଯାଇଥିଲେ, ସେତେବେଳେ ସେ ଚାରୋଟି ଫଟୋ ଟୁଇଟ କରିଥିଲେ। ସେଥିରେ ୨୦୦୧ ବୈଠକ ଫଠୋ ମଧ୍ୟ ଥିଲା।
ଏବେ ୟୁକ୍ରେନ ଏବଂ ରୁଷିଆ ମଧ୍ୟରେ ମୁହାଁମୁହିଁ ପରିସ୍ଥିତି ଜାରି ରହିଛି। ଏଭଳି ପରିସ୍ଥିତିରେ ଭାରତ ନିରପେକ୍ଷ ରହୁଛି। ପ୍ରଧାନମନ୍ତ୍ରୀ ମୋଦି ଏବଂ ରୁଷିଆ ରାଷ୍ଟ୍ରପତି ପୁଟିନଙ୍କ ମଧ୍ୟରେ ଭଲ ବନ୍ଧୁତା ଅଛି ଏବଂ ସମଗ୍ର ବିଶ୍ୱ ଏହା ଜାଣେ। ୟୁକ୍ରେନ ଉପରେ ଆକ୍ରମଣ ପରେ ମୋଦି ପୁଟିନଙ୍କୁ ଟେଲିଫୋନ କରିଥିଲେ। ସେ ୟୁକ୍ରେନର ବିଭିନ୍ନ ସହରରୁ ଭାରତର ନାଗରିକମାନଙ୍କୁ ନିରାପଦ ସ୍ଥାନାନ୍ତର ବିଷୟରେ ଆଲୋଚନା କରିଥିଲେ।
Memories and moments, from 2001 and 2019!
While participating in the 20th India-Russia Summit today, my mind also went back to the India-Russia Summit of November 2001 when Atal Ji was PM. That time, I was honoured to be a part of his delegation as Gujarat CM. pic.twitter.com/G9vHMkagfR
— Narendra Modi (@narendramodi) September 4, 2019
