ବ୍ରିଟେନ୍ର ୨୪ ବର୍ଷୀୟ ମଡେଲ ଆଲିଆ ମର୍ସିଡିଜ ଦାବି କରିଛନ୍ତି, ସେ ଚଳିତ ବର୍ଷ ବ୍ରିଟିଶ ପ୍ରଧାନମନ୍ତ୍ରୀ ବୋରିସ ଜନସନଙ୍କଠାରୁ ଅଧିକ ରୋଜଗାର କରିବାକୁ ଯାଉଛନ୍ତି। ଆଲିଆ ବହୁତ କମ ଲୋକଙ୍କ ମଧ୍ୟରୁ ଜଣେ, ଯେଉଁମାନଙ୍କ ପାଇଁ କରୋନା ଏକ ସୁଯୋଗ ବୋଲି ପ୍ରମାଣିତ ହୋଇଛି। ଲକ୍ଡାଉନ୍ ହେବା ପରଠାରୁ ତାଙ୍କ ରୋଜଗାରରେ ବହୁତ ଅଭିବୃଦ୍ଧି ଘଟିଛି।
ବ୍ରିଟେନର ପଶ୍ଚିମ ୟର୍କର ସ୍କିପଟନରେ ଅବସ୍ଥିତ ଆଲିଆ ‘ଦ ସନ ୱେବସାଇଟକୁ’ ଦେଇଥିବା ଏକ ସାକ୍ଷାତକାରରେ କହିଛନ୍ତି, ସେ ଗ୍ରାଫିକ ଡିଜାଇନିଂରେ ସ୍ନାତକ ହାସଲ କଲାବେଳେ ବହୁତ କମ ରୋଜଗାର କରୁଥିଲେ। କରୋନା ଲାଗି ସେ ଘରୁ କାମ କରିବାର ସୁଯୋଗ ପାଇଲେ। ପରେ ସେ ଏକ ପ୍ରସିଦ୍ଧ ୱେବସାଇଟରେ ନିଜର ଫଟୋ ବିକ୍ରୟ କରିବା ଆରମ୍ଭ କଲେ।
ପରେ ଗ୍ରାଫିକ ଡିଜାଇନିଂ ଚାକିରି ଛାଡି ସେ ଏହି ୱେବସାଇଟରେ ବହୁତ ପ୍ରସିଦ୍ଧ ହେଲେ। ସେ ଏହି ୱେବସାଇଟରେ ନିଜର ଫ୍ୟାନ୍ ସୃଷ୍ଟି କରିବାରେ ସଫଳ ହେଲେ। ଆଲିଆ କହିଛନ୍ତି, ଚଳିତ ବର୍ଷ ପ୍ରାୟ ଦେଢ଼ ଲକ୍ଷ ପାଉଣ୍ଡ ଅର୍ଥାତ୍ ପ୍ରାୟ ୧.୫ କୋଟି ଟଙ୍କା ରୋଜଗାର କରିବି । ବ୍ରିଟେନ ପ୍ରଧାନମନ୍ତ୍ରୀଙ୍କ ଅପେକ୍ଷା ସେ ଚଳିତ ବର୍ଷ ଅଧିକ ଟଙ୍କା ରୋଜଗାର କରିବେ ବୋଲି ଆଲିଆ କହିଛନ୍ତି। ଏହି ୱେବସାଇଟରେ ଆଲିଆଙ୍କୁ ପ୍ରଶଂସକଙ୍କ ଅନେକ ଅଜବ ଅନୁରୋଧର ସାମ୍ନା କରିବାକୁ ପଡୁଛି। କିଛି ଲୋକ ସେମାନଙ୍କର ପାଦର ଫଟୋ ମଧ୍ୟ ପସନ୍ଦ କରିଛନ୍ତି।
