ବ୍ରିଟେନର କେଣ୍ଟରେ ରହୁଥିବା ୩୮ ବର୍ଷୀୟା ଯୋଡି କ୍ରୁଜ ଏବଂ ତାଙ୍କର ୮ ବର୍ଷର ଝିଅ ଇସାବେଲା ସମୁଦ୍ର କୂଳରେ ଏକ ଅନନ୍ୟ ଜିନିଷ ପାଇଥିଲେ।
ତାହାକୁ ସେମାନେ ଘରକୁ ଆଣିଥିଲେ, ପରେ ସେମାନଙ୍କ ସହ ଯାହା ଘଟିଲା ଆପଣ ଜାଣି ଆଶ୍ଚର୍ଯ୍ୟ ହୋଇଯିବେ। ଦ୍ୱିତୀୟ ବିଶ୍ୱଯୁଦ୍ଧ ସମୟର ଗ୍ରେନେଡ ଆଣି ସେମାନେ ରୋଷେଇ ଘରେ ରଖିଥିଲେ। ଏହା ବିସ୍ଫୋରଣ ହେଲା। ଯଦିଓ ଉଭୟଙ୍କର ଭାଗ୍ୟ ଭଲ ଥିଲା, ସେମାନେ ବଞ୍ଚିଗଲେ।
ଯୋଡି ଏବଂ ଇସାବେଲା ପ୍ରଥମେ ଭାବିଥିଲେ ଏହା ଏକ ପ୍ରାଚୀନ ଜୀବାଶ୍ମ ବା ପଶୁଙ୍କର ହାଡ, କିନ୍ତୁ ଏହା ୮୦ ବର୍ଷ ପୁରୁଣା ଗ୍ରେନେଡ ହୋଇପାରେ ବୋଲି ସେମାନଙ୍କର ଧାରଣା ନ ଥିଲା। ଯୋଡି କହିଛନ୍ତି, ମୁଁ ଏହାର ଫଟୋକୁ ପ୍ରତ୍ନତତ୍ତ୍ୱ ବିଭାଗର ୱେବ୍ସାଇଟରେ ଏବଂ ସୋସିଆଲ ମିଡିଆରେ ପୋଷ୍ଟ କରିଥିଲିି। ଅନେକ ଲୋକ ପ୍ରତିକ୍ରିୟା ଦେଇଥିଲେ। କିନ୍ତୁ ଏହା ଗ୍ରେନେଡ ବୋଲି କେହି କହିପାରିଲେ ନାହିଁ। ସୋସିଆଲ ମିଡିଆରେ କିଛି ଗବେଷଣା କରିବା ପରେ ଯୋଡି କହିଲେ, ମୁଁ ଏଥିରେ ଏକ ପିନ ରଖିଲି। ଏହା କରିବା ମାତ୍ରେ ଏହାର ଏକ ଅଂଶ ତରଳିବା ଆରମ୍ଭ କଲା। ତା’ପରେ ପୂରା ଜିନିଷ ଫାୟାରବଲରେ ପରିଣତ ହେଲା ଏବଂ ଡାଇନିଂ ରୁମରେ ଧୂଆଁ ବାହାରିଲା ।
ସେ ଆହୁରି ମଧ୍ୟ କହିଛନ୍ତି, ମୋ ଝିଇ ଚିତ୍କାର ଶୁଣି ପଛ କବାଟ ଦେଇ ଦୌଡ଼ି ପଳାଇଲା। ମୁଁ ଗ୍ରେନେଡକୁ ଧରି ଅତି ଦ୍ରୁତ ଗତିରେ ଦୌଡ଼ିି ରୋଷେଇ ଘର ବେସିନ୍ରେ ଫୋପାଡି ଦେଲି, ଯେଉଁଠାରେ ଏହା ବିସ୍ଫୋରଣ ହେଲା। ଆମେ ବହୁତ ଭାଗ୍ୟବାନ କାରଣ ଏହା ଅନେକ ଶକ୍ତିଶାଳୀ ଏବଂ ବିପଜ୍ଜନକ ଥିଲା। ମୋ ମନକୁ ପ୍ରଥମେ ଆସିଥିବା ମୋ ଝିଅ, ଘରର ଚାରି କୁକୁର ଏବଂ ଦୁଇଟି ବିଲେଇଙ୍କୁ କିପରି ବଞ୍ଚାଇ ପାରିବି। ଯେତେବେଳେ ଝିଅ ଦୌଡ଼ି ପଳାଇଥିଲା। ମୁଁ ମୋର ବିଲେଇ, କୁକୁରଙ୍କୁ ସାହାଯ୍ୟ କରିବାକୁ ପହଞ୍ଚିଲି । ଆମେ ଭାଗ୍ୟବାନ ଯେ, ସେମାନେ ମଧ୍ୟ ସୁରକ୍ଷିତ ଥିଲେ।
ନିଆଁ ଲିଭାଇବା ପାଇଁ ଯୋଡିଙ୍କ ଘରେ ପହଞ୍ଚିଥିବା ଜଣେ ଅଗ୍ନିଶମ କର୍ମଚାରୀ କହିଛନ୍ତି, ଏହା ଏକ ଗ୍ରେନେଡ କାରଣ ସାଧାରଣତଃ ଏହି ଗ୍ରେନେଡଗୁଡ଼ିକରେ ପ୍ରତିରକ୍ଷା ଆବରଣ ରହିଥିଲା, ଯାହା ଉପରେ ଏହା ମଧ୍ୟ ଦେଖାଯାଇପାରେ। ଯୋଡ଼ି ଆହୁରି କହିଛନ୍ତି, ଏହି ଘଟଣା ପରେ ସମ୍ପର୍କୀୟ ମୋଠାରୁ ପ୍ରତିଶ୍ରୁତି ନେଇଥିଲେ। ବର୍ତ୍ତମାନ ମୁଁ ସମୁଦ୍ରରୁ କିଛି ଉଠାଇ ଘରକୁ ଆଣିବି ନାହିଁ। ବୋଧହୁଏ ଏହି ୮୦ ବର୍ଷ ପୁରୁଣା ଗ୍ରେନେଡ ସମୁଦ୍ର ତରଙ୍ଗର ସମ୍ମୁଖୀନ ହେବା ପରେ କୂଳରେ ପହଞ୍ଚିଥିଲା।
