କେସିଙ୍ଗା, ୨୩।୧୨(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ସହରରେ ଆୟୋଜିତ ବୁଢା ଡଙ୍ଗର ଲୋକ ମହୋତ୍ସବରେ ଯୋଗଦେବା ପାଇଁ ଗସ୍ତରେ ଆସିଥିବା ପଞ୍ଚାୟତିରାଜ, ଗ୍ରାମ୍ୟ ଉନ୍ନୟନ ଓ ପାନୀୟଜଳ ବିଭାଗର ମନ୍ତ୍ରୀ ରବି ନାରାୟଣ ନାଏକ ଭାଜପା କର୍ମୀ ମାନଙ୍କୁ ଗୁରୁମନ୍ତ୍ର ଦେଇଛନ୍ତି। କିପରି ସଙ୍ଗଠନ ସୁଦୃଢ଼ କରିବା ସହିତ ଦୀର୍ଘ ଦିନ ଆମେ ଓଡ଼ିଶାରେ ବିଜେପି ସରକାର ଗଠନ ହୋଇଛି। ସମସ୍ତେ କର୍ମୀ ଏକଜୁଟ ହୋଇ ରାଜ୍ୟକୁ ସୁଶାସନ ଚଳାଇବା ସହ ପଶ୍ଚିମ ଓଡ଼ିଶାରେ ଦାଦନ ଶ୍ରମିକ ହଟାଇବା ସେ ନେଇ କର୍ମୀଙ୍କ ସହ ଆଲୋଚନା କରିଥିଲେ।
ଦୀର୍ଘ ବର୍ଷପରେ ଡବଲ ଇଞ୍ଜିନ ସରକାର ପାଇଛୁ, ଠିକ ଭାବେ ମିଳିମିଶି କାମ କରିବା ବୋଲି କର୍ମୀ ମାନଙ୍କୁ ମନ୍ତ୍ରୀ କହିଥିଲେ। ବର୍ତ୍ତମାନ ରାଜ୍ୟରେ ସୁଭଦ୍ରା ଯୋଜନାରେ ୮୦ଲକ୍ଷ ହିତାଧିକାରୀଙ୍କୁ ଆର୍ଥିକ ସହାୟତା କରାଯାଇଛି। ସମସ୍ତ କର୍ମୀଙ୍କୁ ଠିକଭାବେ କାମ କରିବା ମନୋବୃତ୍ତି ରଖନ୍ତୁ ଏବଂ ‘ଭାଜି ସାଗକୁ ଖୁଟିଖାଅ’ ବୋଲି କର୍ମୀଙ୍କୁ ମନ୍ତ୍ର ଦେଇଥିଲେ।
ତେବେ ରାଜ୍ୟରେ ବିଜେଡିର ଏଗ୍ରିମେଣ୍ଟକୁ ବଦଳାଇବା ମୁସ୍କିଲ ବୋଲି ମନ୍ତ୍ରୀ କହିଥିଲେ। ବିଜେଡି ଶାସନର ଚାପ ବର୍ତ୍ତମାନ ସୁଦ୍ଧା ରାଜ୍ୟରେ ରହୁଛି ବୋଲି ମଧ୍ୟ ପ୍ରକାଶ କରିଥିଲେ। ଗରିବ କଲ୍ୟାଣ ଯୋଜନାରେ ହିତାଧିକାରୀଙ୍କୁ ସାମିଲ କରିବା ପାଇଁ କର୍ମୀ ମାନଙ୍କୁ କହିଥିଲେ। ଏହି ପରିପ୍ରେକ୍ଷୀରେ କେସିଙ୍ଗା ସହର ସ୍ଥିତ ବଗାଡ଼କୁ ଯାଇ ଯାଦବ ଭବନ ଉଦଘାଟନ କରିଥିଲେ। କେସିଙ୍ଗା ପଞ୍ଚାୟତ ସମିତିରେ ଜିଲାର ୧୩ଟି ବ୍ଲକ ବିଡ଼ିଓଙ୍କୁ ନେଇ ଏବଂ ବିଦ୍ୟୁତ ବିଭାଗ ସହିତ ସମୀକ୍ଷା ବୈଠକ କରିଥିଲେ। ପରିଶେଷରେ ଅନୁଷ୍ଠିତ ଲୋକ ମହୋତ୍ସବକୁ ଯାଇଥିଲେ।
